Titodsa 3:14 - Kulina New Testament Brazil

¹⁴ Icca mamari tabaqqui naco uima bicani inanarizemananiuarrine tocauatterana, onarraro. Madirra cappiremanaza acco canade iboraqquiri nauiuarrine tocauatterana. Nama quenazapa pouama madirizemana-rrarauiuarrine. Uima bicanizara zepedeni irrimana-zanapouiuarrine, onarraro.

Culina Mádija

¹⁴ Icca mamari tabaqqui naco ima bicani inanaridsamananijine tocahatterana, onajaro. Madija cappiramanadsa acco camade iboraqquiri nahijine tocahatterana. Nama quinadsapa pohuama madiridsamana-jarahijine. Ima bicanidsara dsepedeni ijimana-dsanapohuijine, onajaro.

Titodsa 3:14 Iomraidhean Croise

Mateo 21:19

Nazapa rraui uinoriniza aua piquera qqui tazapa nauiuarri toccarrari… bacco tade. Zaboraza qqui tazapa piquera bono nouerade. Eppera qqui tarrari. Bono nouerazapa piqueraza Zeso uati tade: —A, paparra! Rridapanape tibonomani-rreranitoui. Noueranitoui! −narrari. Nanarra amazati eppe qqueze narrari nade.

Mateo 7:19

Aua bazimapa bono bicaui cappirarize-manazapa ca ippirizemanaza botta iquenarrari.

Huano 15:16

—Tiadenipe otoui tiquenapo-rrereraha ouana tiadeni ocatterriza-baqquirraro. Nani tiadenina ouatti mari ticanabaqquirizauiuarrine. Naui madirra ouaza toquerrenauiuarrine. Narraro uimape pina uva inine uarrirriraza cacabono narrarissa tiquenanitoui. Narrari bonopa madirra Deoza toquerrena-zanaporrari. Nema nezape oua onima uati uati titiquena nezape Abipa ticcadeni uatinarra tiadeniza da da nanarra nauitoui.

Huano 15:8

Rrehe, Deo Attissa tinanarizemanezape pina uva inine cacabonorride rarrarissa tiquenaniuarrine. Nema tinanemanani madirra qqui toquenazapa occa Abiza: “Rrehe, Deopa bica taui” quenauiuarrine. Rrehe, nema tinanemanezape parrissa occa madirra tiquerrenani auato tanitoui −nade Zeso.

Tahimarideni 18:3

Nazapa Paoro Aquiradenicca tarabaiaza nauato tazapa pouadeniza madiccarrari. Pouadenipa etero siba tanicca ozauarrine ssequide zepedeni irrimanarrari.

Tahimarideni 20:35

Nema onezape occa madie auato onaneza qqui tiquenarraro. Ozepe irriza ohocarri narraro. Nezape ocarriza madirra cappiremanarrarideniza naqui da da ozanaponiuarrine oparrireni. Tiadeni naqui nema tiquenani bica tani. Nezape pina ia Zozossede Zeso Cristo attissa tinanemananiuarrine: “Madirra iaza manaconi rrirehe da iquenazapa etize tani. Naraha ia naqui madirra ouahaza manaconi rrirehe da inazana denima etizerraro” −narrari Paoro.

Romanodenidsa 12:13

Zeso Cristoza parrissa quenarrarideni cappiremanaza naco tiadenina pouadeniza da tiquenana. Madirra ticcadeni ozaza bacco narronemanaza naco pouadeniza bicaqquiri tiquenarri. Pouadeniza: —Nirra, rraui tirrezimarri. Arra, tirripemanarri. Arriza ticauadirraniuarrine bica tani −tiquenana.

Romanodenidsa 15:28

Narraro poccadeni da naqquinarra Zerozareuarri zorro oneza bacco onezape nauicca Zeso Cristoza toquerrenarrarideniza da onanissa taniuarrine. Nezape Espanauarri occaniuarrine orroppemanitoui. Naza oqquezana tiadeni qqui onabaqquinitoui.

Epesodeniza 4:28

Madirra boti tarraripa pocca botie nebona. Tarabaia bica taniccaza zepe irrizapa cappira-rrarauitoui. Cappiremanarrarideniza da inauiuarrine naco parrireuitoui.

Piripodeniza 1:11

Ticcadeni madieza Zeso Cristorrine uima bicani uapi tehe auato tezape madirra qqui toquenazapa: —Rrehe, Deopa nauato taui, deni torraui −quequenanauiuarrine, ohonanarraro Deoza.

Piripodeniza 4:16

Oza panani Tesaronicaza omadiza naqui occa madieuarrine ticcadeni da naqquinarra ouaza zosse tarronemanani orrari nerrerade.

Piripodeniza 4:17

Ouape ticcadeni da naqquinarra touira obodi uatoni orrari nana onerrerarraro. Ticcadeni biquehecca uima Deoza touapiniuarrinena toui onarraro. Arri ticcadeni da naqquinarrape Deopa qqui qqui taui. Tiadenipe pina Deo Pouaza tizepedeni irrimanarrarossa narraro. Nezape Deo pocca biquehe tiadeniza torranitoui.

Corosadeniza 1:10

Rrehe, Deo Corimecca touattehe ticarrimanezape timadimananissa taniuarrine nauatoqquiri tiquenanitoui. Pina ia Zozossede Deo nacassa tauiccassa tinanemananiuarrine. Uima bicanira tinanemanezape ia Zozossede Deo uatizeuitoui. Tirrinedeni uima bicani torrarizezape tizepedeni irrie uapima auato tanitoui. Pina aua bono ocassa tauicca bonorride rarrarissa tiquenanitoui. Nema tiquenezape Deoza denima tinoccodeni torrizera-zanaponiuarrine ineza Pouaza uati uati ihizanapo narraro.

1 Tesaronicadeniza 2:9

Imecotedeni, tiadenipe izepe irriecca uima tetideni rrima-rrerani. Imadinicca icarriniuarrine izepe irride damamera inezape ssiuarra izepe irri, zome naqui izepe irri narrarode. Nema ineza Deocca uima bicani icassiuaueraniuarrinecca tiadeni mari icanabaqquizape tiadeniza icca madie narro terreraniuarrine ticcadeni zinirotoui, ticcadeni zamatapatoui uati uati inerrerade.

2 Tesaronicadeniza 3:8

Ticcadeni zamatapa ihirripa narrari naco manaconi rriraha ihirripa narrarade. Itapari manaconiza mitta inauiuarrine inezape tarabaia inarraro. Arri ssiuarra, zome naqui izepe ihirri narraroparride. Tiadeniza narro terreraniuarrine nema inarrarode.

Titodsa 2:8

Ticca marinarra bica teza tinaparrirenissa tarri. Naui ticca marinarraza: —Bica terrerani, parrirenissa terrerani −quena-rrarauiuarrine. Nazapa madirra ticca marinarraza nacasseraqquiri narrarideni tiaza uima inanemananiuarrineraha pouadenipa cappinemanauitoui. Tetti parrirenissa tezape iaza uima inanemananiuarrine ssamomo tauitoui.

Titodsa 3:8

Nazama Tito, arri tiaza uima dozo onarrarope parrissa. Arrirraro uimaza Deoza rrehe quenarrarideni maride damera tinarri, onarraro. Naui uima bicaniza zepedeni irririzemanaza madirra naco acco icanarizabaqqui-manauiuarrine. Narraro uimape bica tani. Narraro uimazana madirra bazima tobicarizemanauiuarrine.

2 Pedoro 1:8

Rrehe, narraro uima bicani onihi onihi ticauattereza, ticcadeni madie Deoza tobicazanapozape ticcadeni rrehenirri ponima torra-rreraniuarrine. Ia Zozossede Zeso Cristoza nauatoqquiri tiquenezape parrissa ticcadeni madieza auato tanitoui.