Titodsa 3:13 - Kulina New Testament Brazil

¹³ Nazama arra uima cacattemade Sena, poua tesse Aporo tezerre naco poccadeni bobodeza cappiremana-rrarauiuarrine acco ticanabaqquirro, onarraro.

Culina Mádija

¹³ Nadsama aja ima cacattemade Sena, pohua tesse Apolo tedseje naco poccadeni benehidsa cappiramana-jarahijine acco ticamabaqquijo, onajaro.

Titodsa 3:13 Iomraidhean Croise

Mateo 22:35

Narrarideni orraria zodeodenicca marinarra maride torrarraripa poua bodiza: —Zeso nattome onana −narrari. Zesoza bacco toquenazapa narraria pouaza uati tarrari:

Roca 10:25

Rrassi nauarraniza arra zodeodenicca marinarra maride poua bodipa: —Zeso nattome onana −naza totemaza uati tarrari: —Mamaride nerrecoma oneza camittehe imadi-zanaponicca bacco onaniuarrine? −narrari.

Roca 11:45

Naraha zodeodenicca marinarra maride orraria Zesoza uati tarrari: —Mamaride, tetti nema tezape iaza naqui uima tinauanarraroua −narrari.

Roca 11:52

—Zodeodenicca marinarra maridedeni tiadeni naqui uauattarro tiquerrenanitoui. Deo Atti madirra mari ticanabaqquimanauissa tazapa madirra Deo Atti tocauatterauiuarrineraha. Deo Atti mari ticanabaqquimanauissa tarraraza, ticcadeni marinarra narro tanicca tinauarimaneza naqui tirrinedeni madirra Deo Atti tocauattera-rrararrari. Nema tiquenezape pina Deocca cacauehecca totoqquezima ticauacossemanarrarossa narraro. Nazapa madirra Deocca cacaueheza rraui torrezima-rrararrari. Tiadeni naqui pocca cacaueheza rraui tirrezima-rrerarraro −narrari Zeso.

Roca 14:3

Nazapa Zeso narrari qqui tazapa parizeodeniza, zodeodenicca marinarra maridedeniza naco uati tarrari: —Rrari, Moizecca marinarraza, icca madirracca marinarraza naqui rrassinarracca uadaza madirra coma tarrari inanomiuipa “Oppinera tani” tiquenaqui? “Oppina tani” tiquenarrarorane? −narrari Zeso.

Roca 7:30

Naraha zodeodenicca marinarra parizeoza rrehe quenarraridenipa, zodeodenicca marinarra maridedeni tezerre nama quena-rrararrari. Zouaocca marinarraza uaribodeni didiqquiri nazapa passo dopaniza niquinarra toui quena-rrararrari. Deopa pouadeniza uima zati bicani inananitouiraha pouadenipa ettarromanarraro.

Tahimarideni 15:3

Nazapa arra icatterriza-baqquirraridenipa Atioquiacca Zesoza rrehe quenarrarideni attideniza Zerozareuarri rraui torrarrari. Zama arobeni Penisiaza bacco toquenazapa nauicca Zesoza rrehe quenarrarideniza Paorodeni uati toquenarrari: —Rrehe, icca bobodezape zodeo querrena-rrararaha poccadeni uima inebomaneza rridapanapa Abi Deozana toquerrenarizaderra −quenarrari. Zama arobeni Samariaza bacco toquenaza naco narraro uima uati narizemanarrari. Nazapa Zesoza rrehe quenarrarideni bazima poccadeni uima mittemanazapa uatizemanarrari.

Tahimarideni 18:24

Nazapa Aquira bedimeni tazarrani Epesoza madimanazapa zodeo madirra onipa Aporo Epesoza bacco narronarrari. Pouapa zama Ezitocca oza panani Aresadriaza napirrari. Pouapa uima uatide nauato, Deo Atticca naco nauato tarrari.

Tahimarideni 19:1

Nazapa Aporo naui Corintoza madiccaza Paoro bobode torrapomarrari. Ssono uapi tani toporimacossassa zanapoui nazapa oza panani Epesoza bacco tarrari. Nauizapa Zesoza rrehe quenarrarideniza bacco tarrari.

Tahimarideni 21:5

Naraha naniza icca uada 7 nezape Zerozareuarri rrauirraniuarrine irroppemapomade. Darroni imeniuarri rrauirrezippanizape pouadeni naco maqquiderre, amonerre, erredeni bazima ia qquide rrauizippade. Nezape nani ssiquiza ipitoza rrassi inaza Deoza uatide iquerrenade.

Tahimarideni 28:10

Nazama iaza bicaqquiri nazapa poccadeni danirri uapi tehe iaza da inaqquimanade. Zotode bobodeza rrauirrapomaniuarrine naqui icappira nerreraniuarrine uemaha iaza da iquenapomade.

Romanodenidsa 15:24

Nezape zama Espanauarri oqqueza tiadeniza ouibocossaccaniuarrine oparrirezape nema onanitoui. Naniuarri tiadeni qqui onabaqquiza ouatizezape Espanauarri occaniuarrine oua acco ticanemanana, onarraro, occa bobode parrirenissa taniuarrine.

1 Corintodeniza 16:11

Timecotedeni mota naco pouaza: —Ponima ticcarronarraro −quena-rrarana. Pina acco ticanemanana, ouaza bacco narronauissa tauiuarrine. Ouape arriza ouimecotedeni tezerre pouatoui imadiccani.

1 Corintodeniza 16:12

Aporo naco imecotedeni tezerre tiadeni qquide naui toccauiuarrine uatide damera oneraha toccade nacassera taui, narrora-rraraccaza. Niza narrorazana tiadeni qquide toccauitoui.