Titodsa 3:11 - Kulina New Testament Brazil

¹¹ Madirra namarriderauipa poua atti uaidira tanicca uatide nebo-rrarazapa nauatoqquiri tiquenani: bodi uaidira tarrari. Pouapa uimasiri inanarrarorrine poua uauattarro torrarrariparra.

Culina Mádija

¹¹ Madija namajide rahipa pohua atti tabaccora tanicca huatide nebo-jaradsapa nahatoqquiri tiquinani: bodi tabaccora tajari. Pohuapa imasiri inanajarojine pohua huahuattajo tojajaripaja.

Titodsa 3:11 Iomraidhean Croise

Roca 19:22

Nazapa manaco tamine torrezati attipa: “Occa zozosse uaidira tinani! Tia tettirrine tiaza uima ssonarirraro. Arri ouattiza ibo tinezape ouaza bica terrerani. Tettipe ouaza: ‘Madirraza daco tirrirarraro. Tarabaia terrereraha ticca zozosse tabaqquirrine titicarri narraro’ taua. Naraha occa uima nauato tinezape

Roca 7:30

Naraha zodeodenicca marinarra parizeoza rrehe quenarraridenipa, zodeodenicca marinarra maridedeni tezerre nama quena-rrararrari. Zouaocca marinarraza uaribodeni didiqquiri nazapa passo dopaniza niquinarra toui quena-rrararrari. Deopa pouadeniza uima zati bicani inananitouiraha pouadenipa ettarromanarraro.

Huano 3:18

—Nazama pouaza parrissa quenarraridenipa izauabaqqui-rrarauitoui. Naraha arra pouaza parrissa quena-rrararraridenicca uimape Deo Pouaza auato tarizaponi. Naraha Deo Attipa: “Occa erredeni ohorraride. Pouaza parrissa tiquenerrerezape ticcadeni uimape ouaza uaidira tani. Niza ticcadeni uima nema tizanapomanezape narrizoue rriquerreraniuarri tiquerrenanitoui” naui Deo −nade Zeso.

Tahimarideni 13:46

Naraha Paoro Banabe tezerrepa cappinenera taza pouadeniza uati toquenarrari: —Taidepe arri icca madirra zodeodeni tiadenizana Deo Atti icassiuaueraniuarrinecca uima eccoraponiuarrine Deo ia tocazossebaqquizapa nema inanarraro. Naraha tiadenipe timittemananiuarrine nacasseraqquiri tiquenezape parrissa tiquenerrerarraro. Nema tiquenerrerezape tettideni pina: “Iape Deocca camittehe rriquerreraniccaza imadi-zanaponiuarrine iparrire-rrerani” tiquenarrarossa narraro. Rridapanapa arra zodeo querrena-rrararraridenira mari icanabaqquina, inarraro.

Tahimarideni 15:24

Arri uima imittarrarope: Icca zama Zodeauarricca madirra tiadeniuarri rraui torrarraridenicca marinarrarrine ocasserani temanani imittani. Attidenipa: “Zodeodenicca zopori cotani eteroni uissinarra ticarrimanarri, Moizecca marinarrassa tinanemananiuarrine” quenazapa ssamoni temanarraro.

Tahimarideni 23:25

Nazama isso teppeppedenicca taminepa zama cacauade Perisiza uima teppe dozo inarraro.

Romanodenidsa 3:19

Nauatoqquiri inani: Deopa pocca zossenirri bazimape zodeodenizana da inarraro. Naraha pocca zossenirri nemanehe ecauemananissa taniuarrine parriremana-rraraui. Uima nema nezape: —Bicaqquiri inani −quenauiuarrine ssamo tani. Niza Deopa arrirraro zamacca madirra bazimacca uima cattemade torrazapa Moizecca marinarraza uimarideni icattemanitoui. Nezape madirra ia bazimape icadidire nanitoui.

2 Timoti 2:14

Rrehe Timoti, ticca mamari tabaqquipa occa marinarra uatideni rramemana-rrarauiuarrine pouadeniza uati uati tinarri. Pouadeni attideniza cauadirere cana-rrarauiuarrine pouadeniza: —Deopa etti mittaui, ticauadirere cana-rrerarri −tarri. Narraro uadierrinepe uima tobica-rreranitoui. Narraro uadie mittemanazapa poccadeni rrehenirri tossamorana, onarraro.

Titodsa 1:11

Narraridenipa denima mari quena-rrarauiuarrine zamarrima tinanabaqquirro. Arrana, poccadeni marinarrarrinepe madirra ouaha ouaha poccadeni ozacca madirrama ssamoni auemanaui. Poccadeni marinarra uaidira taraha narraroza ziniro cacarrimana narrari.

Titodsa 1:14

Nazapa zodeodenicca uima ponimacca nebomanauiuarrine. Zeso tauimari parrissehecca ettarromanarraro attideni naco nebomanauiuarrine.

Ebreodenidsa 10:26

Ouimecotedeni, icca uimasiri manaconi Zeso zoqquerrari tauimari parrissa torrani nauatoqquiri inarraro. Naraha narraro uima bicani pina ponimassa inaneza uimasiri inana-zanapozape niza Deo iaza: —Rrehe, occa erredeni Zesorrine ticcadeni uimasiri rricarraro −narrarauitoui. Uimasiri nema inanarraro manaconi da inaniuarrinepe onihi nouerarraro.