Titodsa 2:8 - Kulina New Testament Brazil

⁸ Ticca marinarra bica teza tinaparrirenissa tarri. Naui ticca marinarraza: —Bica terrerani, parrirenissa terrerani −quena-rrarauiuarrine. Nazapa madirra ticca marinarraza nacasseraqquiri narrarideni tiaza uima inanemananiuarrineraha pouadenipa cappinemanauitoui. Tetti parrirenissa tezape iaza uima inanemananiuarrine ssamomo tauitoui.

Culina Mádija

⁸ Ticca marinaja bica tadsa tinapajiranissa taji. Nahi ticca marinajadsa: —Bica tejerani, pajiranissa tejerani −quina-jarahijine. Nadsapa madija ticca marinajadsa jiperaqquiri najarideni tiadsa ima inanamananijineraha pohuadenipa cappinamanahitohui. Tetti pajiranissa tadsapi iadsa ima inanamananijine ssamomo tahitohui.

Titodsa 2:8 Iomraidhean Croise

Maraco 12:17

Nazapa pouadeniza Zeso attipa: —Rromanodenicca tamine pocca zinirope pouaza da tinanimanarri. Naraha Deocca tiquerrenezape Poua nacassa tauiccara Pouaza da tiquenarri −naui nade Zeso. Nazapa —Zesocca uima tossamona −quenarrarideni uarro quenaza attidenipa: —A, icca uima ecomeraniuarrine nauato tarrariua −quenaui nade.

Maraco 12:28

Zesopa sadoseodeni tezerre arrauarri uati arrauarri uati quenanarra zodeodenicca marinarra maride orrariaha Zeso pouadeniza ecomerani bica tani mittazapa poua naco Zesoza uati tarrari: —Rrari, Deocca zossenirri uapi teraha nerrecorraro zossenirrina pocca zossenirri bazimaza deni torrarraro? −naui nade.

Maraco 12:32

Nazapa Zesoza zodeodenicca marinarra maride attia: —Rrehe Mamaride, tettipe parrissa. Ia Zozossede Deopa orrariui. Ouaha nouerarrari.

Maraco 12:34

Pocca cacomeranirri bica tanicca Zeso mittazapa: —Rrehe, Deocca cacaueheza tirraniuarrine tiparrirebote nani −naui nade Zeso. Zesopa ecomeranissa zanapozapa uima onihi pouaza uati toquenauiuarrine bazima cappinemanarrari.

Roca 13:17

Uima nema narraro uati tazapa pouaza uadiqquiri narrarideni cappinemanarrari. Naraha madirra motapa amonerre tonomini qqui toquenaza Zesocca nauatoue bicani, deni torranicca qqui toquenazapa uatizemanarrari.

2 Tesaronicadeniza 3:14

Nazama timecotedeni orrari uitide, pama uitide, icca marinarra dozo inarraroza ibobo tarrari tiadeniza queriqquizapa tinoccoza-baqquimanarro. Nama quenarraridenipa titouimana tarrararro. Naui tinoppinedeni cappinauiuarrine.

1 Timoti 5:14

Narraro noppineni ouattipe: Amonerre zouato amonerre tobaccopero denipe maqquiderre carrimanapomaniuarrine bica tani. Erredeni naco carrimanapomaniuarrine bica tani. Ponidenicca oza naqui ecauemananiuarrine bica tani. Ponidenicca madie bica tezape iaza nacassaqquiri narraridenipa Zeso Cristoza iquerrenarrarodeniza uima inassonarimananiuarrine ssamo tani.

1 Timoti 6:3

Arra madirra marinarra onihi mari mari narraripa ia Zozossede Zeso Cristo tauimari parrisseheccassa nerrerarraro mari mari nazapa pocca marinarrape maizehecca. Arri Deoza imadinissa taniuarrinecca marinarrassa nerrerarraro mari mari naza naco pocca marinarrape maizehecca.

Titodsa 3:14

Icca mamari tabaqqui naco uima bicani inanarizemananiuarrine tocauatterana, onarraro. Madirra cappiremanaza acco canade iboraqquiri nauiuarrine tocauatterana. Nama quenazapa pouama madirizemana-rrarauiuarrine. Uima bicanizara zepedeni irrimana-zanapouiuarrine, onarraro.

1 Pedoro 2:12

Arrirraro zamaza timadimanezape Deoza rrehe quena-rrararrarideni tezerre timadimananissa taccarri. Attideni uaidira taza titauimarideni uati uati toquenazapa: —Uimasiri sseqquiri tiquenani −quenauitide naraha uima bicanira tinanemana-zanapozape qqui toquenauitoui. Nazapa niza zotode Deo madirra bazimacca uima cattemade torrazapa arra ticcadeni madie bicani qqui toquenaporrari attidenipa: —Deopa bica taui, bica taui −quenauitoui.

1 Pedoro 2:15

Deopa timadimananissa taniuarrine touini narrari. Nema tiquenezape Deocca zossenirri ssamoqquiri narrarideni ticcadeni madie bica tani qqui toquenazapa arrama quenauitoui.

1 Pedoro 3:16

Tecomeremaneza naqui touati uanehema, tettideni bica teza uati uati titiquena nana. Rrehe, Zeso Cristoza rrehe tiquenezape tibodideni uissoqquiri nehe timadimanana, uimasiri tinanemana-rreraniuarrine. Nema tiquenezape uimasiri uauatidedenipa tiadeniza uima inanemaneraha pouadeni atti parrissa torra-rrerezape pouadenina cappinemanauitoui.