Titodsa 1:4 - Kulina New Testament Brazil

⁴ Tito, tiaza occa uima dozo onarraro. Arri oua titezerre: —Parrissa Zeso Cristopa ia Tonassiuauade −inezape tiape pina occa erredenissa tarraro. Icca Abi Deo, ia Tonassiuauade Zeso Cristo tezerre tiaza uima bicani inanemanana. Tibodiza naqui poccadeni rronehe torrana, onarraro.

Culina Mádija

⁴ Tito, tiadsa occa ima dsodo onajaro. Aji ohua tia tedseje: —Pajissa Jesocristopa ia Tonassiajade −inadsapi tiapi pina occa ejedenissa tajaro. Icca Abi Dio, ia Tonassiajade Jesocristo tedseje tiadsa ima bicani inanamanana. Tibodidsa naqui poccadeni jonehe tojana, onajaro.

Titodsa 1:4 Iomraidhean Croise

Roca 2:11

—Rridapanapa tiadeni Tonassiuauade tossonaui, tamine Dabicca zamabote Bereiaza. Pouapa ia Idinide Cristo-Mesia narrari.

Huano 4:42

Nazapa amonerreza uati toquenade: —Taidepe tettizaha “Zesopa Cristo-Mesia” inaporraro. Naraha rridapanape Zeso pocca marinarra imittezape pouaza parrissa inarraro. Tettizaha imittani orrari-rrerani. Rridapanape pocca marinarra imittezape nauatoqquiri inani: “Pouapa zama bazimacca madirra Tonassiuauade” inarraro −quenade.

Romanodenidsa 1:12

Arri tiadeni Zeso Cristoza rrehe tiquenerre, ouanaqui Zeso Cristoza rrehe onerre nezape titezerredeni icatizerara cananiuarrine, onarraro.

2 Corintodeniza 12:18

Arra uarrano toccaporrariza Titona tiadeni qquide toccauiuarrine pouaza uati oneza toccade. Pouaza imecote ouaha naco zosse onarraride. Naraha Titopa zinirotoui tiadeniza maizarrari ttarana? Noueraui! Pouapa pina ouassa narrari. Poua bodi touini nauiccapa pina oua obodi touini onaniccassa narraro. Oua, Tito tezerrepe Zeso Cristocca marinarrassa inaneza imadirraro. Narrarossa icanirerraro.

2 Corintodeniza 2:13

Naraha naniza imecote Tito bacco onarrarazapa pouatoui obodi uatoto canarrarorrine omadinissa terrerade. Nema onezape ouimecotedeniza: —Masedoniauarri occaccana −oneza naniuarri occarrarode.

2 Corintodeniza 4:13

Arri Deo Atti dozo nanizape arrima narraro: —Deoza parrissa onarrarorrine pocca uima uati uati onarraro −naporrari tamine Dabi. Narrarossa inarrarope Deoza parrissa ineza pocca marinarra zati ecomerarizarraro.

2 Corintodeniza 7:6

Naraha Deopa madirra bodi ocassera taza uatize-rrararrari nauatizede parrirerrari. Pouapa ia tonauatizebaqquirraride, arra imecote Tito bacco narronaza.

2 Corintodeniza 8:16

Deoza ouatizeza: —Rrehe Abi, tirrine bica tani −onarraro. Deorrine Tito bodipa pina obodissa nazapa poua tezerre titouideni damamera inarraro.

2 Corintodeniza 8:23

Nazama Titoza madirra attideni: —Arrarraripa nerreco madirra? −quenazapa uati tiquenana: —Paoro uatimade, tiadeni acco canade Paoro poua tezerre zepedeni irrimanarrari −tiquenana. Imecote pamahaza naco: —Nerreco madirradeni? −quenazapa arrima tiquenana: —Zeso Cristoza quequeriqquimana narraridenicca zossenirri uedarronarrari −tiquenana. Pouadenipa Zeso Cristorrine poccadeni madie bica teza madimanarrari.

2 Corintodeniza 8:6

Nazama Masedoniacca Zesoza rrehe quenarrarideni tauimarideni bica tezape Titoza arrima inarraro: —Tito, Corintouarri ticcaniza poccadeni da naqquinarra tidipomarri −inade. Arra pouapa taide ticcadeni da naqquinarra idipode. Nezape narraro da naqquinarra bicabote rricanissa taniuarrine Tito zosse inanipomarrari.

Carasiadeniza 2:3

Arra otesse Tito ouaza ccarizarrariza naco bicaqquiri narrari. Pouapa zama Cresiauarricca madirraraha pouaza: —Zodeodenicca zopori cotani eteroni uissinarra ticarrirri −quena-rrarade.

Carasiadeniza 3:26

Zeso Cristoza rrehe tiquenezape Deo pocca erredeni tiquerrenarraro.

Carasiadeniza 3:28

Tiadeni bazima Zeso Cristoza rrehe tiquenarrarope zodeodeni, zodeo rrararrarideni, zozossedeni, zozosse rrararrarideni, maqquiderredeni, amonerredeni bazima Zeso Cristoza tirrariqquimananissa tarraro.

Epesodeniza 1:2

Icca Abi Deo, Poua Bedi ia Zozossede Zeso Cristo tezerre tiadeniza poccadeni biquehe poccadeni touati uanehe inanemana-zanapona, onarraro. Poccadeni rronehe naqui tibodideniza torrazanapona, onarraro.

Corosadeniza 1:2

Arrirraro uimape nani oza panani Corosauarri Deocca tiquerrenarrarodeniza dozo inarraro. Tiadenipe imecotedeni. Zeso Cristoza dameraqquiri tiquenarraro. Icca Abi Deo tiadeniza uima bicani inananiuarrine, inarraro. Deo pocca rronehe naqui tiadeniza inananiuarrine, inarraro.

1 Timoti 1:12

Ouape ia Zozossede Zeso Cristoza: Rrehe, tirrine bica tani, onarraro. Arri poua tauimari maride occarizaniuarrine ouaza pocca dacorehe inanezape ouatizerraro. Rrehe, poua attiza ibora onaniuarrine nauato tapozapa oua zosse tarrari.

2 Timoti 1:1

Nirra Timoti? Oua Paoro tiaza occa uima dozo onarraro. Deo touininaza Zeso Cristocca zozosse orrarraro. Ouape Zeso Cristo tauimariza rrehe ineza camittehe rriquerreranicca icarrirraro tauimarini madirra mari ocanarizabaqquiuiuarrinepa Abi Deo, Poua Bedi Zeso Cristo tezerre oua zosse iquenarraro.

2 Timoti 1:2

Rrehe Timoti, tiaza ouati uana tani. Zeso Cristoza rrehe tezape ouaza pina occa erredenissa tarraro. Nezape tiaza ouattia: Icca Abi Deo, ia Zozossede Zeso Cristo tezerre tiaza uima bicani inanemanana. Poccadeni touati uanehema tia acco icanemanana. Poccadeni rronehe naqui tiaza torrana, onarraro.

2 Timoti 4:10

Otessedeni ouaza madimanaraha Cresetepa zama arobeni Carasiauarri toccarrari. Otesse Tito naco zama arobeni Daomasiauarri toccarrari. Demapa otesseraha arrirraro namicca uima touini naza oua nebozapa oza panani Tesaronicauarri toccarrari.

Titodsa 1:3

Rrehe, narraro uima zati bicanipe rridapana Deo inanarroraporrarocca uada bacco teza iaza auato inanarraroparri. Narraro Poua tauimari mari ocanabaqquiuiuarrine ia Tonassiuauade Deo oua zosse narizarrariparra. —Ouatti tecomerarizarri −narrariparra ouaza.

Titodsa 2:13

Rrehe, Deocca touati uanehema imadizape Zeso Cristo ccanipomauicca uadatoui imadirraro. Arra icca Deo bicabote ia Tonassiuauade Zeso Cristo ccanipomazapa poua zibehinema pocca deni torrehema auato taha ccanipomauitoui. Narraro parrissa torrezape etizenitoui.

2 Pedoro 1:1

Nirra ouimecotedeni? Ouape Simao-Pedoro, Zeso Cristocca zozosse orrarraro. Pocca marinarra mari ocanabaqqui-rizauiuarrine oua cazosserrari. Nezape occa uima teppe tiadeniza dozo onapomarraro. Zeso Cristopa icca Deo, ia Tonassiuauade. Pouapa tiadeniza bica tarrari, pocca uima tiadeniza parrirenissa tarraro. Pouarrinena pouaza parrissa tiquenarraro, pina ia pouaza parrissa inarrarossa tiquenarraro.

2 Pedoro 1:11

Nezape niza zotode Deocca cacauehe rriquerreraniccaza bacco tiquenezape Deo uatizeza noccobirri nemanehe tiadeniza icanauabanitoui. Naniza rraui tirrezimezape ia Zozossede, ia Tonassiuauade Zeso Cristopa tiadeni touacauabaqqui-zanapouitoui.

2 Pedoro 2:20

Zesoza rrehe quenarrarideni mota naco uaidirehecca zozosse toquerrenanipoma taui. Taide ia Zozossede, ia Tonassiuauade Zeso Cristoza tocauatterazapa arrirraro namicca uaidirehe inebomanarraro. Naraha zotode uaidireheza toquerrenanipomaza uimasirirrine rrore naqquimanazapa ponicca zozosse toquerrenanipomarrari. Madirra nama quenarraripa poccadeni madie taidecca uaidira tarrarope arrimani. Naraha zotodeccape denima uaidira tarraro.

2 Pedoro 3:18

Naraha ia Zozossede, ia Tonassiuauade Zeso Cristoza tinoccodeni torrizeranissa taniuarrinepe dameraqquiri tizanapomanarri. Pocca touati uaneheza ticcadeni madie tobica-zanaporri. Rridapana, zotode naqui pouaza etizeza: —Bica tinani! Deni tirrani! −ihizanapo nana, onarraro. Parrissa nema nana. Peperri.

2 Pedoro 3:2

Arri maittaccazama Deo Atti cacomeraqquiri narrarideni uati toquenaporraricca naqui tibodideni uatome-manarri. Arra ia Zozossede, ia Tonassiuauade Zeso Cristocca zossenirripe pocca zozosse tabaqqui ia tiadeniza ecomerarraro naqui tibodideni uatome-manarri, onarraro.

1 Zouao 5:14

Deoza parrissa inanissa tezape arrirraro uima nauatoqquiri inarraro: Deo Poua nacassa tauicca Pouaza uati uati inezape parrissa icca uatinarra mittaui.

Jodacca 1:3

Ouimecotedeni, titouideni ouati uana tani. Zeso Cristocca tossiuauehe ia bazimaza da inarizarraro tauimarini tiadeniza dozode touini oneraha uima onihi anizape narraro uimara tiadeniza dozo onarraro. Deo pocca marinarra parrissehecca iaza da inarrarope nema zanaponitoui. Narraroza icassiuaueraniuarrine. Arri Zeso Cristoza iquerrenarrarope narraro marinarraza parrissa inarraro. Narraro marinarra tecauemananissa tarri. Narraroza uima onihi inauariniuarrine bica terrerani. Madirrarrine cacarriqquimera-rreraniuarrine dacoraqquiri tiquenaza poni tiquenarri, onarraro.