Titodsa 1:3 - Kulina New Testament Brazil

³ Rrehe, narraro uima zati bicanipe rridapana Deo inanarroraporrarocca uada bacco teza iaza auato inanarraroparri. Narraro Poua tauimari mari ocanabaqquiuiuarrine ia Tonassiuauade Deo oua zosse narizarrariparra. —Ouatti tecomerarizarri −narrariparra ouaza.

Culina Mádija

³ Jehe, najaro ima dsati bicanipi jidapana Dio inanajorapojarocca huada bacco tadsa iadsa ahuato inanajaropaji. Najaro Pohua tahimari mari ocanabaqquihijine ia Tonassiajade Dio ohua dosse naridsajaripaja. —Ohuatti tecomeraridsaji −najaripaja ohuadsa.

Titodsa 1:3 Iomraidhean Croise

Maraco 1:15

Poua attipa: —Rridapanape Deocca cacauehe iaza bacco narronabote nani. Pina Deo uati tapouissa narraro. Ticcadeni uima Deoza tecomeremaneza ticcadeni uimasiri tinebomanarri. Deotouira tizanapomanarri. Deocca uima bicani ticassiuaueraniuarrineccazara rrehe tiquenanissa tarri −naui nade Zeso.

Maraco 13:10

Zama rriquerreraccazama otauimari madirra tocassiuauerauiuarrinecca zama bazimaza ecomerarize-manaccanitoui.

Maraco 16:15

Nazapa denima uati tarrari: —Zama bazimaza rraui tirrarizarri. Madirra bazimaza otauimari madirra tocassiuauerauiuarrinecca teccorarize-manarri −naui nade.

Roca 1:47

Oua ocorimema Deo oua Tonassiuauadeza ouatizeri narraro.

Tahimarideni 10:36

Deopa ia Izarraeodeniza uima bicani uati narronarrari. Narraroa arri Zeso Cristorrine Deo iaza torronerrariparra. Pouarrinena Deocca uadie zori icanirenitoui. Pouana madirra bazima Zozossededeni.

Tahimarideni 17:26

—Deopa madirra orraria inauatoporrari. Narraria arra icca idi taideccaparra. Deo Pouarrine madirra bazimapa narrari potemaui toquerrenarrariparra. Narrari poua potemauia madirra zama onihiza toquerrena, zama onihiza toquerrena, zama onihiza toquerrena narizarraria zama bazimaza madirizemanarrariparra. Deopa nauato tapoza madirra icatterriza-baqquirrari: “Arrarraridenipa arrirraro zamaza madimanauiuarrine, zama onihiza madimana-rrarana. Arraccarraridenina arriccarraro zamaza madimanauiuarrine, zama onihiza madimana-rrarana” narizaporrari. Deopa Poua nacassa taza zama onihi deni inana tani. Zama onihi naqui arrimani inana tani. Nama narizarrari.

Romanodenidsa 15:19

Deo Corimecca dacoreherrine ocanauatoriri canani qqui toquenaza naco parrissa quenarrari. Nema onarizezape Zeso Cristo tauimari icassiuaueraniuarrinecca oza panani Zerozarezama mari mari onarizarraroa zama Iririauarri bacco onauarranirraroparride.

Romanodenidsa 16:25

Deoza etizena. Pocca uima bicani icassiuaueraniuarrinecca mari mari ohonanarrarope tiadeni tonadacora-baqquirraro. Narrarope Zeso Cristo tauimari timittemanarraroparri. Maittaccazama zama nauatopo-rreraccazama Deorrine narroraporaha auatora taporraro.

Romanodenidsa 16:26

Naraha rridapanana touatorraro. Pina Deo Atti cacomeraqquiri narrarideni dozo iquenaporrarossa, pina Deo madizanaporraricca zossenirrissa narraro Zeso Cristo tauimari zama bazimacca madirraza torrarizarraro. Narraroza parrissa quenazapa pouaza iboraqquiri nauiuarrine.

Romanodenidsa 5:6

Iape irrine icassiuaueraniuarrine iparrire-rrerezape touati nauanaqquiri inapode. Naraha Deo uima inanarroraporrarocca uada bacco taza Cristo zoqquerraripa madirra uimasiri sseqquiri narraridenicca uimasiri manaconi zoqquerrari.

1 Corintodeniza 9:17

Nazama oua touini oneza Zeso Cristo tauimari maride orrezape: —Ozepe irrirraro manaconi −onanitouiraha. Deo Pouana oua tocatterrizaza oua cazosserraride. Nazama pocca zossenirri ouaza bica terre, bica terrererre naraha oneboniuarrine ssamo tani.

Carasiadeniza 4:4

Naraha Deo pocca erredeni Zeso Cristo madirra iassa naha zosse inaronauiuarrinecca uada bacco teza amonerreza tossonarrari. Moizecca marinarraza ibora tauiuarrine tossonarraride.

Epesodeniza 1:10

Narraroa niza zotode Poua touini nauicca uada bacco teza pocca tonauatobaqquinarra bazima arra memeuarricca, namiuarricca naco bazima inatassaqquiuitoui. Nazapa Poua Bedi Zeso Cristo bazimaza deni inanazapa pouana bazima ecauabaqquiuitoui.

Epesodeniza 2:17

Zeso Cristo namiuarri ccaronarraripa uima bicani Deo tezerre icarroneraniuarrinecca uati uati narizarrari. Zodeo tiquerrena- rrerarraro Deoza ssamoqquiri tiquenaporrarodeniza narraro uima uati uati narrari. Ia zodeodeni Deoza nauatoqquiri inarrarodeniza naco uati uati narrari.

Piripodeniza 1:13

Narraria tamine pocca ozauarricca isso teppeppedeni naco occa uima nauatoto tarraria arri Zeso Cristo tauimari mari mari onarizarrarorrine tozepe orrarraroparri. Narraria madirra motadeni naco otauimari nauatoqquiri narrariparra.

Corosadeniza 1:23

Nema tiquenaniuarrinepe Zesoza parri rrehe tizanapomanarini narri. Arri poua tauimari icassiuaueraniuarrinecca timittemanaporraro naqui tinebomana terrerarri. —Zeso Cristorrine icassiuauerezape Deoza bacco ineza etizenitoui −titizanapomana narri. Nazama poua tauimari uati uati onarrarona zama bazimaza ecomerarizaza torrarizarraroparri. Oua Paoro naqui Zeso oua cazosseza poua tauimari maride orrarizarraroparride.

Corosadeniza 1:6

Arrirraro Zeso Cristo tauimaripe pina tiadeni mari tocanabaqquirrarissa narraria zama onihi onihiza madirizemanarrarideni mittarizemanazapa Zeso Cristoza toquerrenarrariparra. Nezape uima bicani inanarizemanarraro. Tiadeni naqui narrarossa tiquenarraro. Deo titouideni uati uana taui uima timittemanezape pocca touati uaneheza parrissa tiquenarrarode. Nezape tiadeni naqui uima bicani tinanarizemanarraroparri.

1 Tesaronicadeniza 2:4

Deo nacassa tauiccana uati uati ihinanarrarode. Deo ia tonoccozabaqquiza iaza: —Ticcadeni uima bica tani −nanarra nade. Icca uima Deo Pouaza bica tezape Deo Pouana ia tocazossebaqquiza Zeso Cristo tauimari icassiuaueraniuarrinecca mari mari ihicanabaqqui narrari. Arra madirra iaza uatizemanauiuarrine ineza damamera inerrerani. Deo iaza uatizeuiuarrinena damamera inarraro. Pouana ibodicca uima qquide nauato tarrari. Imaiza-rrerani nauato tarrari.

1 Timoti 1:1

Nirra Timoti? Ouape Paoro tiaza occa uima dozo onarraro. Zeso Cristocca zozosse orrani. Deo Atti mari ocanabaqquirizauiuarrinepa Abi Deo, Poua Bedi Zeso Cristo tezerre oua zosse iquenarraro. Ia Tonassiuauade, Poua Bedi Zeso Cristopa itoui ccanipomauiuarrine pouatoui imadirraro. Rrehe Timoti, Zeso Cristoza rrehe tezape parrissa pina occa erredenissa tarraro. Nezape icca Abi Deo, ia Zozossede Zeso Cristo tezerre tiaza uima bicani inanemanana. Poccadeni touati uanehema tia acco icanemanana. Poccadeni rronehe naqui tiaza torrana, onarraro.

1 Timoti 1:11

Rrehe, narraro marinarra bicabotepe Zeso Cristo tauimari icassiuaueraniuarrinecca tazarrani orrariqquirraro. Abi Deo bicabote deni torrarraripa pocca zossenirri oua cazosserraride, madirra mari ocanabaqqui-rizauiuarrine, onarraro.

1 Timoti 2:3

Deoza uati uati inanipe bica tani. Ia Tonassiuauade Deo uatize taui.

1 Timoti 4:10

Narrarorrine ocasserani eraha nema nehe dameraqquiri ineza izepe irrirraroparri. Abi Deo camitta tarraripa ia tonassiuauabaqquiuiuarrine touini imadirraro. Pouapa madirra bazima Tonassiuauade. Pouaza rrehe quenarrarideni inassiuauabaqquiuitoui, parrissa.

2 Timoti 4:17

Otessedenipa oua acco icanemana-rrereraha oua Zozossedepa Zeso Cristo oua nebo-rrararrari. Pina ouinoriza uarrarissa naza pocca dacorehema oua tonadacorazapa poua tauimari icassiuaueraniuarrinecca zodeo querrena-rrararrarideni bazimaza ouacomeranissa tarrarode. Rrehe, ozoqquebote naraha Deo oua idinirrari. Pina zomarri arrariza oua idineza oua tonassiuauarrarissa narrarode.

Titodsa 2:10

Botimana-rrarana. Maizemana-rraraza pouadeni zossede atti inaparriremananissa tana. Naui poccadeni madie qqui toquenazapa: —Ia Tonassiuauade Deocca marinarra bica tani −quenauiuarrine.

Titodsa 2:13

Rrehe, Deocca touati uanehema imadizape Zeso Cristo ccanipomauicca uadatoui imadirraro. Arra icca Deo bicabote ia Tonassiuauade Zeso Cristo ccanipomazapa poua zibehinema pocca deni torrehema auato taha ccanipomauitoui. Narraro parrissa torrezape etizenitoui.

Apocalipsis 14:16

Nazapa zotode meme esseni moponi tetepiza uittarirraripa nami tetepiza pocca massito da ineza zamatapa bono caippirizarrari inaccarrari.