Tahimarideni 9:32 - Kulina New Testament Brazil

³² Pedoro naco Zesoza rrehe quenarrarideni qquide ccarizarrari. Oza panani onini Ridauarricca rrehe quenarrarideniza bacco tarrari.

Culina Mádija

³² Pedro naco Jesodsa jehe quinajarideni qquide ccaridsajari. Odsa panani onini Ridahuajicca jehe quinajaridenidsa bacco tajari.

Tahimarideni 9:32 Iomraidhean Croise

Mateo 27:52

Tonoccobiri mota naqui touabarizarraro. Deoza parrissa quenaporrari rricaporrarideni uapi taha Deorrine nauatonimanaui nade.

Tahimarideni 1:8

Naraha Deo Corime ccarronabote naui. Tibodideniza torrarizazana pocca dacorehe ticarrimananitoui. Nazana otauimari maride tiquerrenarizaniuarrine. Arri timadimananicca oza panani Zerozareza maride tiquerrena, ticcadeni zama Zodeaza maride tiquerrena, Zodea uinorinicca zama Samariaza maride tiquerrena narizaniuarrine, onarraro. Arra zama uarri tanicca madirizemanarrarideni naco bazima otauimari mittarizemanauiuarrine teccorarize-manana. Arri ouaza rraui tirrarizeza qqui tiquenarrarocca uima, occa marinarra timittemanarrarocca uima naqui mari ticanabaqquirizana, onarraro –narrari Zeso.

Tahimarideni 26:10

Ouape Zerozareza nema onarizade. Dada toqquimade taminedeni oua icazossemaneza naqui Zesoza rrehe quenarrarideni uapi taha otadamazapa toponi cocoroza coro coro ohozimabaqqui naccade. Zesoza rrehe quenarrarideni inarriquemanaza naco: Rrehe, bica tani, ohonanaccade.

Tahimarideni 8:14

Nazama Zesocca zozosse tabaqqui Zerozareza madimanarrari uima mittemanarrari: —Samariauarricca madirrapa Deo Attiza parrissa quenaui −mittemanazapa Pedoro Zouao tezerre Samariauarri touedauiuarrine zosse inabaqquimanarrari.

Tahimarideni 8:25

Nazapa naui Samariaza Zesocca zozosse tabaqquipa Zeso Cristo tauimari maride nama zanapomanarrari. Arra pouadeni qqui toquenarraricca mittemanarraricca naco uati uati totoquena narrari. Nazapa oza panani Zerozareuarri rrauiniza naco arra Samariacca oza capamema narizaniuarri Zeso Cristo tauimari bicani icassiuaueraniuarrinecca maride toquerrena nanirrari.

Tahimarideni 9:13

Naraha Anania: —Rraho, oua Zozossede, narrari maqquiderrepa arra Zerozarecca tiaza toquerrenarrari bicaqquiri narrarideni inarrizobaqquiui quenaui uima omittade.

Tahimarideni 9:33

Nauiza maqquiderre ide tone biqueraza isso siri torrarrari bacco inarrari, onipa Enea. Pouapa uarrano 8 naha coma tarrari. Ccariza-rraraui. Pouarrineza popori narrari.

Tahimarideni 9:41

Nazapa zapaniza Pedoro rroca inimezape totemarraro. Nazapa arri amonerre camittemanirraro qqui toquenauiuarrine Zesoza rrehe quenarraridenitoui amonerredenitoui uaua narrari. Qqui toquenazapa uatizemanarrari.

Epesodeniza 1:1

Nirra ouimecotedeni? Occa uima tiadeniza dozo onarraro. Ouape Paoro. Deo ouaza nacassa taza Zeso Cristocca zozosse orraniuarrine otoui uaua narrari. Rrehe, nani oza panani Epesoza timadimanarrarope Deocca madirra bicaqquiri tiquenani, Zeso Cristoza dameraqquiri tiquenarrarodeniza dozo onarraro.

Piripodeniza 1:1

Nirra imecotedeni? Ouape Paoro. Otesse Timoti tezerre Zeso Cristocca zozosse iquerrenani. Tiadeniza: —Nirra, bicaqquiri tiquenaqui? −inarraro. Arri oza panani Piripocca Deoza tiquerrenarrarodeni Zeso Cristoza tirrariqquimanarraro tiadeniza uima dozo inarraro. Titiqueriqqui nanicca tiadeni maridedeni, tibirrideni accodedeni bazimaza naqui dozo inarraro.