Tahimarideni 9:22 - Kulina New Testament Brazil

²² Naraha Saoropa Deocca dacorehe carriza poua atti bica taza uati uati tarrari: —Zesopa arra Cristo-Mesiatoui imadirraroparri −narizarraria arra Damascouarricca zodeodeni pouaza atti atti quenaraha arramani toquerrenaza tossamomanazapa zama rrama quenarrariparra.

Culina Mádija

²² Naraha Saoropa Diocca dacorehe cajidsa pohua atti bica tadsa huati huati tajari: —Jesopa aja Cristo-Mesiatohui imadijaropaji −naridsajaria aja Damascohuajicca jodiodeni pohuadsa atti atti quinaraha ajamani toquejenadsa tossamomanadsapa joma quinajaripaja.

Tahimarideni 9:22 Iomraidhean Croise

Roca 21:15

Tettideni tecomeremananiuarrinepe tiadeni acco ocanabaqquinitoui, tiadeni uadidedeni tettideni inassamomana-rreraniuarrine, uima uatide nauatoqquiri tiquenaniuarrine. Nazapa pouadeni attina tettideniza arrimani torranitoui.

Tahimarideni 17:3

Cristo-Mesiacca uima pouadeniza auato taniuarrine mari icanabaqquirrari. Pouadenipa Mesiatoui madimanarrari. Mesiapa ocasserani auaza zoqqueuitoui, zotode nauatoniuitoui, quequenanarrari Deo Atti cacomeraqquiri narrarideni. Narraro uima Paoro mari icanabaqquizapa poua atti zodeodeniza: —Arra Zeso tauimari tiadeni mari ocanabaqquirrarope arra icca Mesiaparra −narrari.

Tahimarideni 18:5

Nanarra Sira Timoti tezerrepa zama Masedoniauarri uedarronaza bacco narronemanarrari. Nazapa Paoro zepe irriraha neboza Deo Attira inarrariza mari mari ihicanabaqqui narrari. Zodeodeni mittemanauiuarrine pocca marinarrape: —Madirra Tonassiuauade arra Cristo-Mesia quequenanarraripa Zesoparra −narrari.

Tahimarideni 28:23

Nazapa pocca marinarra mittemanauiuarrine uada orrarie icatterrizemanade. Narraro uada bacco taza izamassa Paorocca ozauarri bazima queriqquimanade. Nazapa Paoro Deocca cacauehe tauimarini, Zeso tauimari naco mari icanabaqquirrari. Zeso tauimariza parrissa quenauiuarrine damera tarrari. Moizecca marinarraza, Deo Atti cacomeraqquiri narraridenicca dozonirriza naqui mari icanabaqquirrari. Narraro maridepe marri touaqquemanaraha zomezana paparra quenade.

Tahimarideni 9:20

Nazapa Saoro amazati zodeodenicca Deo Atti mamariuarri maride torrarrari. —Zesopa Deo Bedi −narizarrari pouadeniza.

Tahimarideni 9:21

Nazapa madirra bazima Saorocca marinarra mittemanazapa: —A pohua bodi cacarriqquimerarrari ttarana? Naza narraripa Zerozarecca madirra Zesoza toquerrenarrari nanarrizo narizaccade. Arrauarri ccarronaza naco Zesoza rrehe quenarrarideni itadamaza dada toqquimade taminedeniza iaccanibaqquiuitoui quequenanaraha narrari rraraco? −quenarrari.

Tahimarideni 9:23

Nazama zotode naco zodeodeni pouadenira uimahaha canaza: —Rrari, Saoro zoqquena −quenarrari.

Tahimarideni 9:27

Naraha Banabena Zesocca zozosse tabaqquiza Saoro iaccarrari. Poua tauimari pouadeniza uati uati tarrari: —Arrarraripa Damasco rraui toccaraha ia Zozossede Zeso Cristo pouaza auatoza atti mittarrari. Naui zotodepa cappinera taza Damascouarri Zeso Cristo tauimari maride torrarrari −narrari Banabe.

1 Corintodeniza 1:27

Arrirraro zamacca madirrapa madirra ouahadeniza: —Ssamoqquiri naui −quequenanaraha Deopa ssamoqquiri narraridenina icatterrizabaqquirrari. Deo nama narraripa madirra: —Iape iara nauatoqquiri inani −quequenanarrarideni arramani toquerrenauiuarrine. Arrirraro zamacca madirrapa madirra ouahadeniza: —Rrapariqquiri naui −quequenanaraha Deopa rrapariqquiri narraridenina icatterrizabaqquirrari. Deo nama narraripa madirra: —Iape dacoco irrirani −quequenanarrarideni arramani toquerrenauiuarrine.

Carasiadeniza 1:18

Nazapa uarrano 3 tossoniqquimazana Zerozareuarri Pedoro qquide oqquemoranirrarode. Naui Pedoroza uada 15 nehe omadirrarode.

Piripodeniza 4:13

Cristo oua tonadacorarra narrarirrine uima onihi onihi ouaza torrazape oparrireni.

1 Timoti 1:12

Ouape ia Zozossede Zeso Cristoza: Rrehe, tirrine bica tani, onarraro. Arri poua tauimari maride occarizaniuarrine ouaza pocca dacorehe inanezape ouatizerraro. Rrehe, poua attiza ibora onaniuarrine nauato tapozapa oua zosse tarrari.