Tahimarideni 9:13 - Kulina New Testament Brazil

¹³ Naraha Anania: —Rraho, oua Zozossede, narrari maqquiderrepa arra Zerozarecca tiaza toquerrenarrari bicaqquiri narrarideni inarrizobaqquiui quenaui uima omittade.

Culina Mádija

¹³ Naraha Anania: —Jaho, ohua Medsede, najari maqquidejepa aja Jerosarecca tiadsa toquejenajari bicaqquiri najarideni inajidsobaqquihi quinahi ima omittade.

Tahimarideni 9:13 Iomraidhean Croise

Mateo 10:16

—Rrehe tibodideni uatome-manarri! Oua tiadeni zosse onabaqquirrarope pina eueue zomarri panauiuarri tiadeni zosse onabaqquirrarossa narraro. Rraui tirrarizaniuarripe madirra tiadeniza uadiqquiri naui carri taui. Nema nezape tinoccodeni panarri. Pina macca nocco panarrarissa tiquenarri. Naraha tiadenipe tedimana terrerana, pina ococo rrone tarrarossa tiquenarri, onarraro.

Tahimarideni 22:4

Nazama ouape arra Zesoza rrehe quenarrarideni onarrizobaqquiuiuarrine touideni occarizeza otadamazapa ouattiza toponi cocorouarri coro coro ihizimabaqquimana nade. Maqquiderre, amonerredenima rricauiuarrine ohonanaccade.

Tahimarideni 8:3

Naraha Saoropa rrehe quenarrarideni Zeso tauimari nebomanauiuarrine damera tarrari. Oza bazimaza toqquezimarra narizapoui nazapa maqquiderredeni itadama, amonerre itadama narizaza toponi cocorouarri rroca rroca inabaqquiza ua ua ihizimabaqqui narrari.

Tahimarideni 9:1

Nazama Saoropa Zesoza rrehe quenarrarideni rricauiuarrine rrara rrara zanaporrari. Nazapa dada toqquimadedenicca tamine deni torrarrariza uatide toccarrari.

Tahimarideni 9:21

Nazapa madirra bazima Saorocca marinarra mittemanazapa: —A pohua bodi cacarriqquimerarrari ttarana? Naza narraripa Zerozarecca madirra Zesoza toquerrenarrari nanarrizo narizaccade. Arrauarri ccarronaza naco Zesoza rrehe quenarrarideni itadamaza dada toqquimade taminedeniza iaccanibaqquiuitoui quequenanaraha narrari rraraco? −quenarrari.

Tahimarideni 9:32

Pedoro naco Zesoza rrehe quenarrarideni qquide ccarizarrari. Oza panani onini Ridauarricca rrehe quenarrarideniza bacco tarrari.

Tahimarideni 9:41

Nazapa zapaniza Pedoro rroca inimezape totemarraro. Nazapa arri amonerre camittemanirraro qqui toquenauiuarrine Zesoza rrehe quenarraridenitoui amonerredenitoui uaua narrari. Qqui toquenazapa uatizemanarrari.

Romanodenidsa 15:31

Zama arobeni Zodeacca rrehe quena-rrararraridenicca narrizoueza Deo oua zori tonanauiuarrine Pouaza uati uati tiquenarri. Arra Masedoniadeni, Acaiadenicca acco canehe Zerozarecca imecotedeniza da onezape uatizemanaza: —Rrehe bica tani −quenauiuarrine naqui uati uati tiquenarri.

Romanodenidsa 16:15

Pirorocoza, Zoriaza nirra onarraro. Nereo, poua caripene, Oripa quenarrarideniza naqui nirra onarraro. Imecotedeni pouadeniza quequeriqquimana narrari bazimaza nirra onarraro.

Romanodenidsa 16:2

Ia Zozossede onima poniza nirra tarizemanarri. Poni ticatizemanarri, pina Zeso Cristoza iquerrenarraro icatizerara cacana narrarossa tiquenarri. Poni birrini acco ticanemanarri. Ponipe madirra acco icanabaqquiui uapi taui. Oua naqui oua acco canade.

1 Corintodeniza 1:2

Oza panani Corintouarricca Deoza tiquerrenarraro titiqueriqqui naniuarri tiadeniza arrirraro uima zosse inarraro. Bazima Zeso Cristoza parrissa tiquenezape pouarrine tibodideni touissorizarraro. Narrarorrine Deocca tiquerrenarraroparri. Deo tiadeniza uaua narraripa: —Ouazara tibodideni uatoni orrari narri −narrari. Zama bazimaza madirizemanarrari Zeso Cristoza parrissa quenarrarideniza naco: —Ouazara tibodideni uatoni orrari narri −nanarra narrari. Zeso Cristopa pouadeni Zozossede. Narrari orrariui ia Zozossede.

1 Corintodeniza 14:33

Deopa touatti carrimama canaza pina mouanirrissa narrarocca nacassera tarrari. Poua Atti mouaraza imittaniuarrinena nacassa tarrari. Deopa rronehe rrinede. Pouaza quequeriqquiriza narrarideni bazimapa nama quenauiuarrine.

1 Corintodeniza 16:1

Rridapanape imecotedeni Deoza rrehe quenarrari acco ticanabaqqui-manauiuarrine da naqquinarra tauimarini tiadeniza uati onana. Pina arra zama Carasiauarri Deoza quequeriqquimana narrarideniza uati onarizaporrarossa tinanemananiuarrine bica tani.

1 Corintodeniza 6:5

Arri tiadeniza ouatti nema onarrarope ticomemanani, onarraro. Naui tiadenizapa madirra uima cattemade nauato tarrari nouerarrarico? Aniuitiderra!

Epesodeniza 1:1

Nirra ouimecotedeni? Occa uima tiadeniza dozo onarraro. Ouape Paoro. Deo ouaza nacassa taza Zeso Cristocca zozosse orraniuarrine otoui uaua narrari. Rrehe, nani oza panani Epesoza timadimanarrarope Deocca madirra bicaqquiri tiquenani, Zeso Cristoza dameraqquiri tiquenarrarodeniza dozo onarraro.

Piripodeniza 1:1

Nirra imecotedeni? Ouape Paoro. Otesse Timoti tezerre Zeso Cristocca zozosse iquerrenani. Tiadeniza: —Nirra, bicaqquiri tiquenaqui? −inarraro. Arri oza panani Piripocca Deoza tiquerrenarrarodeni Zeso Cristoza tirrariqquimanarraro tiadeniza uima dozo inarraro. Titiqueriqqui nanicca tiadeni maridedeni, tibirrideni accodedeni bazimaza naqui dozo inarraro.

Piripodeniza 4:22

Arri oua omadini Rromauarricca Zeso Cristoza toquerrenarrarideni bazima, rromanodenicca tamine deni torrauicca zozosse tabaqqui mota Zeso Cristoza toquerrenarrarideni naco tiadeniza nirra quenarrari.

Corosadeniza 1:2

Arrirraro uimape nani oza panani Corosauarri Deocca tiquerrenarrarodeniza dozo inarraro. Tiadenipe imecotedeni. Zeso Cristoza dameraqquiri tiquenarraro. Icca Abi Deo tiadeniza uima bicani inananiuarrine, inarraro. Deo pocca rronehe naqui tiadeniza inananiuarrine, inarraro.

Ebreodenidsa 13:24

Tiadeni maridedeni bazimaza nirra onarraro. Zesoza rrehe quenarrarideni bazimaza naqui nirra onarraro. Zama Itariacca madirra naco tiadeniza nirra quenarrari.

Jodacca 1:3

Ouimecotedeni, titouideni ouati uana tani. Zeso Cristocca tossiuauehe ia bazimaza da inarizarraro tauimarini tiadeniza dozode touini oneraha uima onihi anizape narraro uimara tiadeniza dozo onarraro. Deo pocca marinarra parrissehecca iaza da inarrarope nema zanaponitoui. Narraroza icassiuaueraniuarrine. Arri Zeso Cristoza iquerrenarrarope narraro marinarraza parrissa inarraro. Narraro marinarra tecauemananissa tarri. Narraroza uima onihi inauariniuarrine bica terrerani. Madirrarrine cacarriqquimera-rreraniuarrine dacoraqquiri tiquenaza poni tiquenarri, onarraro.