Tahimarideni 9:11 - Kulina New Testament Brazil

¹¹ Nazapa Zeso pouaza uati tarrari: —Anania, titemarri. Arricca rraui onini Boroccobote quequenanauiuarri ticcarri. Naui Zodacca ozaza bacco tinezape oza panani Tarsocca madirra qqui tinauitoui, poua onipa Saoro. Pouapa otoui naza ouaza uatide torrarrari.

Culina Mádija

¹¹ Nadsapa Jeso pohuadsa huati tajari: —Anania, titehemaji. Ajicca jahui onini Boroccobote quiquinanahihuaji ticcaji. Nahi Jodacca odsadsa bacco tinadsapi odsa panani Tarsocca madija qqui tinahitohui, pohua onipa Saoro. Pohuapa otohui nadsa ohuadsa huatide tojajari.

Tahimarideni 9:11 Iomraidhean Croise

Huano 4:10

Naraha manaco Zeso poniza uati tarrari: —Rridacca Deocca danirri nauato tinezape arra tiaza passo mitta tozarrariza manacora ouaza passo mitta tizanitouiraha ssamo tinarraro. Naraha rridacca ouaza nauato tineza ouaza uati tinezape passo camittehecca tiaza da onanitouiraha −naui nade Zeso.

Tahimarideni 11:13

Nazapa Conerio pocca uima iaza uati tade. Poua attipa: “Deo Atti ccaccaronade occa oza bodiuarri auatoza ueza naza ouaza arrama narrari nade: ‘Ticca madirra Zopeuarri zosse tinabaqquirro, Simao-Pedoro arrauarri ccarronauiuarrine.

Tahimarideni 11:25

Naui zotodepa Banabe Saorotoui oza panani Tarsouarri toccarrari.

Tahimarideni 2:21

Naraha arra madirrapa: ‘Oua Zozossede, oua naqui tiaza orraniuarrine oua tidinirri’ quenarraridenina tocassiuauerauitoui” naui nade Deo Atti Zoueo dozo inapoza −narrari Pedoro.

Tahimarideni 21:39

Naraha Paoro attipa: —Ouape narrari orrarrerani. Ouape zodeo madirra, zama Sirisiauarri ossonarrarode. Occa oza pananipe Tarso. Narrarope oza panani imeni. Madirra bazima nauatoqquiri naui. Ouattiza rrehe taqui? Occa madirraza uati onaccana, onarraro −narrari.

Tahimarideni 22:3

—Ouape zodeo madirra orrani, zama Sirisiacca oza panani Tarsoza ossonarraro −narrari. —Naraha arri oza panani Zerozarezana onapirrarode. Nazama oua maridepa Camarieoparra. Madirra bazima poua oni nauatoqquiri naui. Pouapa icca ididenicca marinarra maride bica tarrari. Icca ididenicca marinarra oua mari canauissa tade. Ouape narraro uimaza ibora onade. Nazama Deotoui naqui damera onade. Pina rridapana tiadeni Deoza dameraqquiri tiquenarrarossa onarrarode.

Tahimarideni 8:22

Rrari, tibodi nema zanapo-rreraniuarrine ticca uimasiri tineborri. Tibodicca uaidirehe rricaniuarrinepe ia Zozossedeza uati tinarri. Poua touini naza ticca uimasiri peperri inananitoui.

Tahimarideni 8:26

Naui zotode naco Deocca zozosse memeuarricca Piripiza auatoza uati tarrari: —Piripi, arri zama Caza uarri tiqquezipparri, madirra madide nouerauicca rrauiuarri ticcana. Narrarope Zerozarecca rraui oza panani onini Cazauarri toccarraro.

Tahimarideni 9:30

Naraha Zesoza rrehe quenarraridenipa Saoro inanazoqque-manauiuarrinecca uima mittemanazapa oza panani Sezareauarri poua iaqquemanarrari. Naui Sezareaza bacco toquenazapa Saoro pocca oza panani Tarsouarri zosse inanimanarrari.