Tahimarideni 8:9 - Kulina New Testament Brazil

⁹ Naraha nauiza naco zoppinerre madirrari, onipa Simao. Poua attipa: —Ouape zoppinerre nauatorride orrirani, orrari onani −nanarra narrari. Samariacca madirra ihicamaizabaqqui nazapa —A, nauato taui −quequenanarrari.

Culina Mádija

⁹ Naraha nahidsa naco dsoppineje madijari, onipa Simao. Pohua attipa: —Ohuapi dsoppineje nahatojide ojirani, ojari onani −nanaja najari. Samariacca madija ihicamaidsabaqqui nadsapa —A, nahato tahi −quiquinanajari.

Tahimarideni 8:9 Iomraidhean Croise

Huano 7:18

Arra madirra pocca uima uati uati tatarra narraripa madirra ouaha pouaza: “A, tiape nauato tinani” nauiuarrine uati uati tatarra narrari. Naraha madirra ouaha uati uati tatarra narraripa: “Arrirraro uimape orrine rrerani, oua Cazossedecca uima, pouazara tetizemanarri” narrari. Narrarina parrissehecca uima uati uati tatarra narrari. Maiza-rrararrari −nade Zeso.

Tahimarideni 13:6

Nazapa narraro zama uittacossani Sipreza maride rrauirizazapa oza onihi onini Papo bacco toquenarrari. Naui Papozapa zodeodenicca zoppinerre bacco iquenarrari. Poua onipa Barieso. Poua attipa: —Deo Atti uati toqquimade nauato onani −nanarra naraha maizarrari.

Tahimarideni 13:8

Naraha zoppinerre Barieso, poua oni zama Cresiacca touattiza: Erima quequenanarrari, narraripa poua tesse Sezio-Paoropa Deoza torrauiuarrine nacassera taza pocca uimara uati uati narrari. Poua attipa: —Pouadeni attiza rrehe onerrerani. Tia naqui rrehe terrerarri −narrari Barieso-Erima.

Tahimarideni 5:36

Tibodideni uatome-mananissa tarri. Arrana, maittazama onihima naha Teoda madiccaza poua atti: “Ouape nauato onani” nanarra nazapa madirra 400 quenaha pouaza toquerrenarraride. Naraha madirrarrine Teoda zoqqueza pocca madirra torraribaqquizapa pocca uima rricaqquirrarode −narrari Camarieo atti taminedeniza.

Tahimarideni 8:11

Uarrano uapi taha canauatori cacanana nazapa pouaza parrissa quequenanarrari.

2 Tesaronicadeniza 2:4

Arra madirra uimasiri ssebotepa Deoza uadi, arra Deo rrararaha —Ia cacauade −quequenanarrariza uadi, arra madirra poccadeni nauatonirriza uauatizemana narrarideniza naco uadi tauitoui. Nazama arra uimasiri ssebote mamaizade attipa: —Ouana deni orrani, orrari onani −nanarra nauitoui. Nazapa Deoza dada toqquimauarri toqquezimaza uittarizapa: —Ouana Deo orrani −nauitoui.

2 Timoti 3:2

Madirrapa poccadeni uima touini dameraqquiri nauitoui. Zinirotoui naco dameraqquiri nauitoui. Madirra attidenipa —Orrine uima parrirenissa tani −quenauitoui. Bodideni naco: —Ouana bica onani, ouana deni orrani −quenauitoui. Madirrapa attideni uaidira taza atti atti quenauitoui. Imehideni attideniza naco iboqquiri nauitoui. Imenideniza, Deoza naco: —Peperri, tirrine bica tani −quena-rrarauitoui. Deo Poua noppine cappinemana-rrarazapa Deo oniza rrarra quenauitoui.

2 Timoti 3:5

Inoccoza qqui inabaqquizapa pina Deoza dameraqquiri narrarissa quenaraha Deocca dacorehe ettarromanani poccadeni madieza auato tanitoui. Nezape narrarideniza tiarrini narri, onarraro.

2 Pedoro 2:18

Attideni deni torraniccaza uati uati toquenaraha pouama uati uati toquenarrari. —Ia touini inanicca inananipe oppinera tani −quequenanarrari. Pouadenirrine madirra uimasiri carrimanarrarideniza touarrimane-zatipa uaidireheza toquerrenanirrari.

Apocalipsis 22:15

Naraha arra madirra Zeso Cristoza parrissa quena-rrararrarideni, zoppinerre doriza dameraqquiri narrarideni, uananeheza dameraqquiri narrarideni, irrinedeni auemanarrarideni, siba nauatoniza uauatizemana narrarideni, maizeheza dameraqquiri narrarideni, poua tesse mamaizadedeni, narrarideni bazimapa Deocca oza pananiza rraui torrezima-rrarauitoui.