Tahimarideni 8:39 - Kulina New Testament Brazil

³⁹ Nazapa passo dopaniza niqui, idimora naza uedemoraniraha Deo Corimerrine Piripi amazati zama onihiuarri toccarrari. Naraha tamine birri accodepa Piripi qqui inimani-rrararaha poua motta touatizenirrari.

Culina Mádija

³⁹ Nadsapa topa, idimora nadsa huedemoraniraha Dio Corimejine Feripe amadsati dsama onihihuaji toccajari. Naraha tamine bijini accodepa Feripe qqui imani-jararaha pohua motta tohuatidsenijari.

Tahimarideni 8:39 Iomraidhean Croise

Mateo 13:44

—Rrehe, Deocca cacauehepe pina tozepetarri bicabote uatini ccara taniccassa narraro. Madirrapa parramarauiuarri qquide ccarizaza tozepetarri narrimaui bacco inarrari. Tozepetarri bicabote, uati ccara tauicca qqui tazapa narrari tozepetarri denima inarrimapomarrari. Nazapa uatizeza toccanirrari. Pocca ozauarri bacco tanizapa poua zepetarri nemanehe manaconitoui da inaha rricarrari. Narraro manaconi carrizapa arra poua qquide ccarizapouiuarri toccapomarrari. Nazapa narraro zama mitta inezape pocca torrarraro. Arra tozepetarri bicabote uati ccara tauicca pouarrine narrimaui naco pocca torrarrari. Narraro uimassa narraro Deocca cacauehe denima bica tezape madirra pocca uimabote nemanehe inebozape Deozara uatize-zanapouitoui −nade Zeso.

Mateo 3:16

Nazapa Zeso passo dopaniza niqui izanarrari. Zeso passoza totemaza tocattamacossa nanarra meme touaba narraro. Deo Corime auato taha pina ococossa naha ccaronarrari. Ccaronaza Zesoza uarirraro.

Maraco 1:10

Naza Zeso passo dopaniza totemazapa tocattamacossa nanarra meme touaba narraro. Deo Corime auato taha pina ococo naha Zesouarri ccaronarrari.

Tahimarideni 13:52

Naraha naui Atioquiacca Zesoza rrehe quenarrarideni uatizemaneri narrari. Deo Corime naco pouadeni bodiza torrarizauissa tarrari.

Tahimarideni 16:34

Passo dopaniza niquide rricazapa toponi cocoro cacauadepa pocca ozauarri Paorodeni inarripabaqquirrari. Deoza rrehe nazapa uatizeri narrari. Pocca ozacca bazima naco Deoza rrehe quenazapa uatizemaneri narrari.

Tahimarideni 8:29

Nazama Piripi tezerre bacco tocanirebote nazapa Deo Corime Piripiza uati tarrari: —Rrari, uassinarra tiqqueza arricca nami rrorroppade uinorinina tianarri −narrari.

Tahimarideni 8:38

Nazama Piripi rrehe naza tamine birri accodepa pocca nami rrorroppade cauittauiuarrine uati tarrari. Cauittaza touedezippaza Piripi tamine birri accode passo dopaniza niqui izanarrari.

Tahimarideni 8:8

Piripirrine nama naui qqui toquenazapa naui oza pananicca madirra uatizemanarrari.

Romanodenidsa 5:2

Cristoza parrissa inezape pouarrine Deo ia catize taui. Narraroa arri Deo Pouaza dameraqquiri inarraroparri. Niza Deo zamariuarripe pocca deni torrehe iaza torranitoui ineza ehetize narraro.

Piripodeniza 3:3

Naraha iana marinarra parrisseheccaza iquerrenarraro. Ibodicca uimasiri rriquehe rriquezape pina zopori cotani eteroni uissinarrassa nehe icarrirraro. Deo Corime ibodiza madirrarirrine Deo Pouaza ehetize narraroparri. Zeso Cristoza iquerrenarrarope etizeheri nanerre narraroparri. Ettipe: —Imeza narraro uissinarra icarrirrarorrine icassiuaueranitoui −inerrerani. Zodeodenicca marinarra rradanipe dacorehe cappirani. Zeso Cristona dacorehe carrirrari.

Piripodeniza 4:4

Uarrirriraza ia Zozossede Deoza tetetizemana narri. Tiadeniza uati omanipomarraro: Ia Zozossede Deoza tetetizemana narri, onarraro.

Satiacocca 4:16

Naraha tiadenipe: —Ia motta nauatoto inani −rridede tirrirani. Nema tiquenanipe pina: —Deo rrirehe nauatoto inani −tiquenarrarossa narraro. Narrarope uaidira tarraro.