Tahimarideni 8:34 - Kulina New Testament Brazil

³⁴ Nazapa Etiopiauarricca tamine birri accodepa Piripiza uati tarrari: —Rrari, oua mari ticanarri. Izaiacca dozonirriza nerreco madirrara pina eueuessa nauiuarrine? Izaia poua uitide, madirra ouaharana? Ssamo onani −narrari tamine birri accode.

Culina Mádija

³⁴ Nadsapa Etiopehuajicca tamine bijini accodepa Feripedsa huati tajari: —Jari, ohua mari ticanaji. Isahiacca dsodonijidsa ¿nejeco madijara pina ededessa nahijine? ¿Isahia pohua itide, madija ohuaharana? Ssamo onani −najari tamine bijini accode.

Tahimarideni 8:34 Iomraidhean Croise

Mateo 13:36

Nazapa nauiza Zeso madirra bazima inebobaqquizapa toqquemoranirrari. Ozauarri toqquezimanizapa nauiza pocca zozosse tabaqquideni iape pouauarri uarrirrira ineza uati inarraro: —Rrari, rridacca uizarracca arroi rrizaza tirico tezerre mina pocani carrimani tauimarini uati tinaporraro iaza uati timanipomarri, imittanissa taniuarrine, inarraro −inade.

Mateo 15:15

Naza Pedoropa Zesoza uati tarrari: —Ia Maride, ticca marinarra arri “Bazima itapari dappi inaza ibodiza torrazapa uimasiri torra-rrerani” tarrarope nerrecoma narraro? −nade Pedoro.

Tahimarideni 8:27

Nazapa narraro rraui Piripi toccazapa zama Etiopiauarricca madirra qqui tarrari. Pouapa Etiopiacca tamine birri accode deni torrauicca. Nauato tarrari. Etiopiacca ziniro naqui pouana ecauarraro. Pouapa Deotoui naza Zerozareuarri ccarronarrari, Deoza dada toqquimaza uatizeuiuarrine.

Tahimarideni 8:33

Pouapa arramani inanemanarrari. Uimasiri carri narrararaha uimasiri manaconi pouaza inanemanezape inanazoqque-manarrari. Nizaranibote poua potemaui tauimarideni uatide anipazarra? Nouerauitoui. Poua potemaui cappiraha zoqquezapa arrirraro zamaza amossi narrari −naui nade Deo Atti.

Tahimarideni 8:35

Nazapa Piripi narraro Deo Atti arri Izaiacca dozonirriza Zeso tauimari uati uati narronarraripa arri Zesorrine icassiuaueraniuarrinecca uima bicani bacco tarraro.