Tahimarideni 7:8 - Kulina New Testament Brazil

⁸ —Deopa Abarahao tezerre rrehe canirerrari. Narraro rrehe canirenirripe Abarahaocca madirra Deo Pouaza toquerrenaui auatoqquiri nauiuarrine Deopa Abarahao icazosserrari. Poua Attipa: “Abarahao, tia, ticca madirrama occa madirra tiquerrenani auato taniuarrinepe zopori cotani eteroni uissinarra ticarrimanana” narrari. Nazapa poua bedi Izaqui tossonazapa uadari 8 naza imehirrine Deocca torraui auato tauiuarrinecca uissinarra carrirrari. Zotode naco Izaqui poua bedi Zaca tossonaza narrari naco uissinarra carrirrari. Zaca bedi 12 quenarrarideni naco uissinarra carrimanarrari. Narraridenipa ia Izarraeo potemauideni icca idideni parra! −narrari Estevao.

Culina Mádija

⁸ —Diopa Abarahao tedseje jehe canirejari. Najaro jehe canirenijipi Abarahaocca madija Dio Pohuadsa toquejenahi ahuatoqquiri nahijine Diopa Abarahao icadossejari. Pohua Attipa: “Abarahao, tia, ticca madijama occa madija tiquejenani ahuato tanijinepi huissinaja ticajimanana” najari. Nadsapa pohua bedi Isahaca tossonadsapa huadari 8 nadsa imehijine Diocca tojahi ahuato tahijinecca huissinaja cajijari. Dsotode naco Isahaca pohua bedi Jacobo tossonadsa najari naco huissinaja cajijari. Jacobo bedi 12 quinajarideni naco huissinaja cajimanajari. ¡Najaridenipa ia Isaraeri potemahideni icca idideni paja! −najari Esteba.

Tahimarideni 7:8 Iomraidhean Croise

Mateo 1:2

Taidepa Abarahao. Abarahaopa Izaquicca abi. Izaquipa Zacacca abi. (Zaca oni ouahapa Izarraeo.) Zaca bedideni orraria onipa Zoda. Poua, poua imecotedeniza: —Izarraeo potemaui zodeodeni −quequenanarrari.

Huano 7:22

Arri Moizecca marinarrazape: “Maqquiderredenipa zopori cotani eteroni uissinarra cacarrimana nauiuarrine” napoui nade. (Naraha narraro uimape Moize uati taza rrerani. Abarahao madipozama nema narronarraro.) Narraroa arri erredeni uadari 8 nazapa sabadoraha zopori cotani eteroni uissinarra titinacarribaqquimana narrariparra.

Tahimarideni 2:29

Nazapa denima uati uati tarrari: —Ouimecotedeni, parrissehera tiadeniza uati onana. Tamine Dabipa maittaccazama zoqquezapa ppa izemanarrari. Poua noccobiri naqui rridapana ecauemanani parri naccani.

Romanodenidsa 4:10

Naraha nerrecoma naza Deopa: —Abarahaopa bica taui −narraritta? Abarahao zopori cotani eteroni uissinarra carrizattaco? Narraro uissinarra carri-rrarazattaco? Naraha narraro uissinarra carri-rraraccazama Deopa: —Abarahaopa ouaza bica taui −naporrari.

Carasiadeniza 3:15

Ouimecotedeni, arrirraro namiza imadirrarocca uimaza tiadeni mari ocanabaqquina. Madirrapa poua tesse tezerre —Rrehe icanirena −quenazapa poccadeni rrehe canirenirri papeoza dozo iquenarraro. Nazapa narraro papeoza pouadeni zepe ppa quenazapa madirra ouaha atti: —Narraro dozonirripe poni, nebona −nauiuarrine ssamo tani. Uima onihi inauarimananiuarrine naqui oppina tani.

Carasiadeniza 3:17

Narraro Deo uati taporraricca uima uati onarrarope arrima narraro: Abarahaopa Deoza parrissa naza Deo Abarahao tezerre rrehe canireui quenade. Naraha zotode uarrano 430 naha tossoniqquimazana Deo pocca zossenirri Moizeza da ineza dozo inarraro. Naraha narraro zossenirripe Deo Abarahao tezerre rrehe canirerraricca uima inassamoniuarrine parrire-rrerani. Deo Abarahaoza uati taporraricca uima naqui ponima inananiuarrine parrire-rrerani.

Ebreodenidsa 7:4

Rrehe, nazama Meoquizedequi deni torrarrari tauimariza tibodideni uatonissa tana. Icca idi Abarahaopa zodeodeni iaza deni torrarrari. Naraha pouaza torrarraricca mota Meoquizedequiza da inarraripa pina Meoquizedequiza: —Deni tirrani −narrarissa narrari.