Tahimarideni 7:32 - Kulina New Testament Brazil

³² “Ouape Deo. Ticca idideni Abarahao, poua bedi Izaqui, poua bedi Zaca quenarraridenicca Deo orrani” naui nade Moizeza. Nazapa Moize rrororo cananiuarri atti mittazapa cappinarrari. Tacca-cca canazapa rrororo cananiuarri qqui nimani-rraraui nade −narrari Estevao.

Culina Mádija

³² “Ohuapi Dio. Ticca idideni Abarahao, pohua bedi Isahaca, pohua bedi Jacobo quinajaridenicca Dio ojani” nahi nade Moisesidsa. Nadsapa Moisesi jororo cananihuaji atti mittadsapa cappinajari. Tacca-cca canadsapa jororo cananihuaji qqui nimani-jarahi nade −najari Esteba.

Tahimarideni 7:32 Iomraidhean Croise

Mateo 17:6

Nazapa Pedorodeni touatti mouini mittemanaza cappinemanazapa pouadeni baccouarri domodeni pona narrari.

Mateo 22:32

Arri maittaccazama Abarahao, Izaqui, Zaca quenarrari zoqquemanaui nattipa Deopa Moizeza uati tarrari: “Ouape Deo, ticca idideni Abarahao, poua bedi Izaqui, poua bedi Zaca quenarraridenicca Deo orrani” naui nade. Arra Deo Atti nama nazapa Abarahaodeni nauatonimanaza madimana-zanapouicca uima auato tarraro. Deopa parra zoqquemanariui narraridenicca Deo rraraui. Deopa camittaqquiri narraridenicca Deo. Pouapa rridapana naco poccadeni Deo −nade Zeso.

Mateo 22:46

Pouadenipa narraro uima ecomeremananiuarrine parriremana-rrararrari. Narraro uadaza Zesorrine poccadeni uima tossamorizezape uima onihi Zesoza uati toquenauiuarrine bazima cappinemanarrari.

Roca 5:8

Nazapa Simao-Pedoro narrari aba uemaui qqui tazapa uarro narrari. Nazapa Simao Zeso baccouarri poua pitoza uitti naza uati tarrari: —Ia Zozossede, arri ouazape uarri tinarri! Ouape uimasiri sse onani −narrari.

Tahimarideni 3:13

—Icca Abi Deopa, icca idideni Abarahao, poua bedi Izaqui, poua bedi Zaca quenarraridenicca Deo. Pouarrine isso siri tobicazapa Poua Bedi Zeso deni inanarrariparra. Narrari Zesoa tirrinedeni tozepe torrarraride. Tamine Pirato attipa: “Zeso tappa onaza toccaniuiuarrine” naraha tiadenipe tettarromanaza: “Aua porimacossaniza zoqquena zoqquena!” tiqueneza zoqquerraride −narrari Pedoro.

Tahimarideni 7:31

Nazapa Moize uarro narrari: “Nerrecotoui nema narraro?” narrari. Nazapa qquide touarriressiza ia Zozossede Deo Atti mittarrari:

Ebreodenidsa 11:16

Pouadenipa memeuarri Deo madiuicca zama denima bica tanicca touini quenarrari. Nama quenarrarirrine Deopa Pouaza: —Abarahaodenicca Deo −quequenanauiuarrine comehi tarrararrari. Nama nazapa oza panani memeuarricca pouadeniza inanarrorarraro.

Apocalipsis 1:17

Qqui onazapa pina ouatiarrarossa narraro. Poua amoriuarri ouedimeza oponarraro. Naraha poua zepe nauatoniccaza oua bara naza uati tarrari: —Ticappina-rrerarri. Ouape taidezama omadiporraroua arri rricaqquini bacco onanitoui −nade.