Tahimarideni 6:9 - Kulina New Testament Brazil9 Naraha zodeodeni motapa Estevao tezerre arrauarri uati arrauarri uati quenarrari. Naui Zerozareza pouadeni quequeriqquimana nauiuarricca oninipe: Zozosse toquerrenaporaha tappa tabaqquiuicca icanacanimanarraro. Pouadenipa oza Sirenecca, oza Aresadriacca, zama Sirisiauarricca, zama Asiauarricca quenarrari. Faic an caibideilCulina Mádija9 Naraha jodiodeni motapa Esteba tedseje ahuaji huati ahuaji huati quinajari. Nahi Jerosaredsa pohuadeni quequeriqquimana nahihuajicca oninipi: Medse toquejenaporaha tappa tabaqquihicca icanacanimanajaro. Pohuadenipa odsa Sirenecca, odsa Arejadriacca, dsama Ciliciahuajicca, dsama Asiahuajicca quinajari. Faic an caibideil |
Tahimarideni 6:9
27 Iomraidhean Croise
Nema nezape tiadeniza Deo Atti cacomeraqquiri narrarideni, Deorrine nauatoqquiri narrarideni, Deo Atti parrissehecca mamaridedeni zosse onarizabaqquiuitoui. Naraha motapa tinanazoqque-baqquimanauitoui. Motapa aua porimacossaniza tinanazoqque-baqquimanauitoui. Motapa zodeodenicca Deo Atti mamariuarri titacossimanaza biqueremanauitoui. Motapa oza onihiuarri oza onihiuarri moua tinabaqquimana-rizauitoui.
—Parri, tetideni uatomanarri! Madirra uadiqquiri narrari carririzaui. Narraridenipa tiadeni tadamemanazapa zodeodenicca taminedeniuarri ticcadeni uima mittemanauiuarrine tiadeni touaqquezimabaqqui-manauitoui. Zodeodenicca Deo Atti mamariuarri naqui tiadeni itauaqquemananitoui. Otauimari tiadeniza torrarraro acconi uadimanaza zama cacauadedeni baccodeniza tidomo uaniuarrine tiadeni touaqquezimabaqqui-manauitoui. Zama onihicca zama onihicca madirra tamine deni toquerrenarrari baccodeniuarri naqui tidomo uaniuarrine tiadeni touaqquezimabaqqui-manauitoui. Nanizana ticcadeni uima tecomeremanezape taminedenipa otauimari mittemanauiuarrine.
—Naraha arri uima bazima uati uati onarrarocca torra-rreraqquezama tiadeniza uima torrarizaponitoui. Madirra boqueqquiri narrarideni tiadeni tadamemanazapa tiadeni tonarrizobaqqui-manauitoui. Zodeodenicca Deo Atti mamariuarri tiadeni touaqquezimabaqqui-manauitoui, toponi cocoroza naqui tiadeni coro tozima-baqquimanauitoui. Otauimari tiadeniza torrarraro acconi uadimanaza zama onihicca zama onihicca madirra tamine deni toquerrenarrariuarri tiadeni touaqquezimabaqqui-manauitoui. Zama cacauadedeniuarri naco tiadeni touaqquezimabaqqui-manauitoui.
Nazama oza panani Atioquiacca Zesoza rrehe quenarrarideniza quequeriqquimana narraripa Deo Atti uauati toqquimadedeni, Deo Atti mamaridedeni naco. Pouadeni onidenipa: Banabe, Simeao-Soueui, Rosio Sireneuarricca, Saoro, Manahe quenarrari. (Manahepa zama arobeni Carireacca tamine Erodi tezerre canapirerrari.)
Nazapa pouadeniza uima teppe zosse iquenarrarope arrima narraro: —Nirra imecote zodeo tiquerrena-rrerarrarodeni bicaqquiri tiquenaqui? Iape Zesocca zozosse tabaqqui oza panani Zerozareuarri Zesoza rrehe quenarrarideni cacauadedeni ineza tiadeniza icca uima dozo inarraro. Arri oza panani Atioquiaza timadimanarrarodeniza, zama Siriaza timadimanarrarodeniza, arri zama Sirisiaza timadimanarrarodeniza naqui icca uima zosse inarraro.
—Tiadenipe arra Paoro mari mari narizarraricca uimape ssamomo tinarrarorane? Paorocca marinarrape arrima narraro: “Madirrarrine siba nauatonipe Deo rraraui” nanarra narrari. Narraria arra Paoro attiza madirra ibobora tazapa ia cacauade Artemisaza tonacasseremanarrariparra. Narraria arra imadini Epesocca madirra mota naco Paoroza toquerrenarrari, icca zama Asiacca madirra mota naco Paoroza toquerrenarizarrariparra.
Nazapa uada 7 nehe bacco tabote naza Paoropa poua motta Deoza dada toqquimauarri toqquezimapomarrari. Naraha zama Asiauarricca zodeodeni naui bodiuarri rraui torrezimaza Paoro qqui toquenazapa pouaza uadimanarrari. Pouadenipa Paoroza noccodeni rrizera narrari. Poccadeni zamauarri maride ccarizaza taide pouaza uadimanaporrari. Nazapa narrarideni uadimanapomazapa Paoroza uima inanemanarraro. Rroua rroua quenaza Paoro dama iquenarrari. Madirra bazima pouaza uadimanauiuarrine attidenipa arrama quenarrari:
Naraha ouape Zerozareza poua tauimari mari ocanabaqquiuiuarrine touini oneza pouaza uati onade: “Oua Zozossede, arrarrari madirradenipa occa madiecca uima nauatoqquiri naui. Arra zodeodenicca Deo Atti mamari onihi onihiuarri ohoccariza nezape tiaza rrehe quenarrarideni ohotadama naccade. Ohonarrizobaqqui nazapa arra toponi cocoroza coro coro ohozimabaqqui naui naco nauatoqquiri naui.
—Ouape zodeo madirra orrani, zama Sirisiacca oza panani Tarsoza ossonarraro −narrari. —Naraha arri oza panani Zerozarezana onapirrarode. Nazama oua maridepa Camarieoparra. Madirra bazima poua oni nauatoqquiri naui. Pouapa icca ididenicca marinarra maride bica tarrari. Icca ididenicca marinarra oua mari canauissa tade. Ouape narraro uimaza ibora onade. Nazama Deotoui naqui damera onade. Pina rridapana tiadeni Deoza dameraqquiri tiquenarrarossa onarrarode.
Nazapa Perisipa uima teppe ua inehe rriquezape Paoroza uati tarrari: —Nerreco zamauarricca tirrani? −naza Paoro: —Zama Sirisiauarricca orrani −narrari. Nazapa: —Niza tia rraradedeni bacco narronemanazana ticca uima omittaniuarrine −narrari Perisi. Nazapa pocca zozosse tabaqqui icazossebaqquirrari, tamine Erodi tazariboteza Paoro ecauemanauissa tauiuarrine.
Nema onezape Deoza dada toqquimauarri oqquezimarraroparride. Pina ia zodeodeni icca marinarrassa ihinana narraro onanarrarode. Narraro rriquezape occa danirri Deoza dade oqquezimeza oua qqui toquenarrari. Madirra uapi taha ouaza rraui torrezima-rrararrari. Orrine naco madirra moua moua cana-rrararrari.
Nema onarizarraroa zodeodenicca Deo Atti mamariuarri bazima quequeriqquimana narrarideni onarrizobaqquiuiuarrine touideni ohoccariza naccade. Zesoza rrehe quenarrari nebomanauiuarrine touini oneza pouadeni ohonarrizobaqqui narraride. Pouadeniza boque oneza nacassera onezape oza panani uarri tanicca onihi onihiuarri naqui touideni ohoccariza naccade −narrari Paoro.
Sanasan