Tahimarideni 6:2 - Kulina New Testament Brazil

² Nazapa Zesocca zozosse tabaqqui 12 quenarrarideni narraro uimaza nacasseraqquiri naza Zesoza rrehe quenarraridenitoui uaua quenarrari, uima cattemade queriqquimanauiuarrine. Rrehe quenarrarideni queriqquimanazapa pouadeniza uati toquenarrari: —Ia zamatapa dade iquerrenezape Deo Atti mari inanissa terrererana −quenarrari.

Culina Mádija

² Nadsapa Jesocca dodosse tabaqqui 12 quinajarideni najaro imadsa jiperaqquiri nadsa Jesodsa jehe quinajaridenitohui huahua quinajari, ima cattemade queriqquimanahijine. Jehe quinajarideni queriqquimanadsapa pohuadenidsa huati toquinajari: —Ia dsamatapa dade iquejenadsapi Dio Atti mari inanissa tejerarana −quinajari.

Tahimarideni 6:2 Iomraidhean Croise

Tahimarideni 21:22

Nezape nerrecoma inaniuarrine? inarraro. Pouadenipa bacco tarronani mittemanazapa tiaza uima inanemanerana −quenade Tiaco, Zesoza rrehe quenarrarideni cacauadedeni tezerre.

Tahimarideni 25:27

Madirra toponi cocoroza uezazapa pocca uimasiri tauimarini ssamo onezape Icca tamine deni torrauicca pouauarri zosse onaui bica taco? Bica tarraraui. Uimasiri tauimarini dozo onerrerezape pina pouama zosse onarrarissa nauitoui −narrari Pesto.

Tahimarideni 4:19

Naraha manaco Pedoro Zouao tezerre pouadeniza uauatiti tarrari: —Deopa tettideni mittaui. “Ettizara ibobora tana” tiquenarraroqui? Nema tiquenezape “Deo Atti tinebomanarri” tiquenarraro nitide −quenarrari. —Rrari, narraro uima tibodideni uatome-manarri. Tettideni nema tiquenezape Deoza bica tapazerre?

Tahimarideni 6:1

Rrehe, nauizapa Zesoza rrehe quenarrarideni denima touapirra zanapoui naraha pouadenirrine uima bica terrerarraro. Pouadeni bazimapa zodeodeni. Motapa zama Cresiacca madirra attideni nauatoqquiri narrari, motapa pouadeni attira nauatoqquiri narrari. Pouadeni atti oninipe: ebereo. Nazapa zama Cresiacca touatti nauatoqquiri narraridenipa atti atti quenarrari: —Arra zamatapa inatassaqquimanarraripa cappiremanarrarodeniza da iquenauissa tarrararrari −quenarrari. —Icca madirra amonerre tobaccopero deniza zamatapa arramani da da iquenarrari. Naraha zodeodeni pouadeni atti ebereo nauatoqquiri narraridenicca madirra amonerre tobaccopero deniza zamatapa denima da da iquenarrari −quenarrari.

Tahimarideni 6:3

—Nazapa zamatapa dade toquerrenauiuarrine madirra 7 quenaha ticatterrizabaqquimanarro. Pouadenipa Deo Corimecca dacorehe carrimanarrari. Bicaqquiri, bodideni nauatoqquiri narraridenira zamatapaza zepedeni irrimanauiuarrine qqui tinabaqquimanarro. Iaza teccarronabaqquimanazapa bazima qqui toquenaza pouadeniza: “Rrehe, zamatapa dade tiquerrenana” inaniuarrine −quenarrari.

2 Timoti 2:4

Madirra isso teppeppe torrarraripa isso teppeppe rrararraridenicca madiecca uimaza carrima-rrararrari. Poua zossedecca zossenirrizara ibora zanaporrari, poua zossede inauatizeuiuarrine.