Tahimarideni 5:24 - Kulina New Testament Brazil

²⁴ Nazapa dada toqquimade taminedeni, nauicca oza cacauadedenicca tamine tezerre narraro uima mittemanazapa uarro canirerrari. Uimahaha canaza: —Rraho nerrecoma quenarrari? Nerreco uima torrapazerre? −quenarrari.

Culina Mádija

²⁴ Nadsapa dada toqquimade taminedeni, nahicca odsa cacahuadedenicca tamine tedseje najaro ima mittamanadsapa huajo canirejari. Imahaha canadsa: —Jaho ¿nejecoma quinajari? ¿Nejeco ima tojapadseje? −quinajari.

Tahimarideni 5:24 Iomraidhean Croise

Roca 22:4

Nazapa dada toqquimade taminedeni, nauicca oza cacauadedeni quenarrarideniza Zoda uatide toccarrari. —Zeso tizepedeniza onanauiuarrine, onarraro −naza pouadeni tezerre Zeso dama iquenauiuarrine uimahaha canarrari.

Roca 22:52

Zesotoui rrauirronarraridenipa arra dada toqquimade taminedeni, Deoza dada toqquimauarricca cacauadedeni, ime rrocouideni quenarrari. Narrarideniza Zeso uati tarrari: —Nerrecotoui tiadenipe rrazirecca massito cauidireqquima nanima, uauaccama rraui tirrarronarraro? Nema tiquenezape pina bobotidetoui rraui tirrarronarrarossa narraro.

Huano 12:19

Naraha zodeodeni mota marinarra parizeoza rrehe quenarraridenipa pouadenira uimahaha canarrari nade: —Arrina, iape irronerizani tarri. Pouaha deni torraui. Madirra bazima pouaza toquerrenaui −quenaui nade.

Tahimarideni 2:12

Bazima uarrorro canazapa uimahaha canarrari: —Nerrecotoui nama quenarrari? Iape nerrecoma inapazerre? −quenarrari.

Tahimarideni 4:1

Nazapa Pedoro Zouao tezerre uima uatide toquerrenaccaraha dada toqquimade motadeni bacco narronemanarrari. Dada toqquima cacauadedenicca tamine qquezima, zodeodeni mota marinarra onini sadoseoza rrehe quenarrarideni naco rrauizima narrari.

Tahimarideni 4:21

Nazapa taminedeni atti pouadeniza: —Parri tipamarronerana −quenarrari. Denima rrara inabaqquimanazapa tappa inabaqquimanarrari. Taminedenipa Pedoro Zouao tezerre inarrizo-baqquimanauitouiraha madirradeni noppine cappinemanarrari. —Iaza boquemanarana −quenarrari. Arra Deocca canauatori caneherrine isso siri tobicaui bazima qqui toquenazapa: —Deopa bica taui −quenarra naza taminedeni cappinemanarrari. Nazama isso siripa uarrano uapi taha tonomi-rrararaha uarranori 40 denima carrizana tobicarrari.

Tahimarideni 5:23

—Totoqquezimape pico cazacossanissa tani, bodicca totoqquezima cacauadedeni naco uaueri narizaui. Icataborrizeza rrauirrezimeraha Zesocca zozosse tabaqquipa noue querapa. Qqui inabaqqui-rraraui −nanimanarrari.

Tahimarideni 5:25

Nanarra orraria qquezimaza taminedeniza uati tarrari: —Maitta toponi cocoroza ua tozimarraripa Deoza dada toqquimauarrina madirra maride toquerrenapa −narrari.

Tahimarideni 5:26

Nanarra Deoza dada toqquimacca oza cacauadedenicca tamine, pocca zozosse tabaqqui tezerre uima mittemanazapa Zesocca zozosse tabaqquitoui rraui torrarrari. Bacco inabaqquimanazapa mouaraza rrina inanibaqquimanarrari. Sibaza pouadeni iquenabaqquimanaui noppine cappinemanazapa Zesocca zozosse tabaqqui inarrizobaqquimana-rrararrari.