Tahimarideni 4:7 - Kulina New Testament Brazil

⁷ Nazapa Pedoro Zouao tezerre uedenaza uedarronauiuarrine touideni madirra zosse iquenarrari. Nazapa eccarronabaqqui-manaza queriqquimanaui nocconiza barrari. Nazapa pouadeniza uati toquenarrari: —Rrari, toponi tonabicadepe nerrecouarricca ticauatterarrarotte? Ticcadeni nauatouepe nerrecouarricca ticarrimanarrarotte? Arra isso siri tinabiquemanarraricca uima iaza tecomeremanarri −quenarrari taminedeni atti.

Culina Mádija

⁷ Nadsapa Pedro Huano tedseje huedenadsa huedajonahijine tohuideni madija dosse quinajari. Nadsapa eccajonabaqqui-manadsa queriqquimanahi nocconidsa bajari. Nadsapa pohuadenidsa huati toquinajari: —Jari, toponi tonabicadepi ¿nejecohuajicca ticahatterajarotte? Ticcadeni nahatohuepi ¿nejecohuajicca ticajimanajarotte? Aja isso siri tinabicamanajaricca ima iadsa tecomeramanaji −quinajari taminedeni atti.

Tahimarideni 4:7 Iomraidhean Croise

Mateo 21:23

Nani zotode Zerozareuarri bacco inanipomezape Deoza dada toqquimauarri rrauirrezimapomarraro. Nauiza Zeso maride torraraha pouaza nacasseraqquiri narrarideni arra dada toqquimade taminedeni, zodeodeni ime rrocouideni quenaza Zesoza touarriressimanaza pouaza uati toquenarrari: —Iaza ticca uima tecomerarri. Nerrecorraricca dacorehe ticarrirraro? Nerrecorrari attiza dadadedeni moua tininebaqquirrari? −quenade, Zeso poua cacomerauiuarrine touini quenaza.

Maraco 11:28

Nazapa pouaza uati toquenarrari: —Iaza ticca uima tecomerarri. Nerrecorraricca dacorehe ticarrirraro? Nerrecorrari attiza dadadedeni moua tininebaqquirrari? −quenaui nade.

Huano 2:18

Naraha zotodepa zodeodeni Zeso uati icanemanade: —Nerrecorrari tia cazosseza nema nema tarraro? Rrari, ticanauatori canarri! Qqui inezana parrissa inaniuarrine −quenade.

Huano 8:3

Nauizana zodeodenicca marinarra maridedeni, marinarra parizeoza rrehe quenarrarideni tezerrepa amonerre eccarronemanarraro. Ponipe maqqui carriraha maqquiderre ouaha narrade torreza qqui toquenazapa rroua icanabaqquimanarrari. Nazapa amonerre dama iqueneza Zesoza eccarronemanarraro. Zeso boroniza mari mari nauiuarri inauemana narrarode.

Huano 8:9

Naraha Zeso atti mittemanaza bodideni uatozapa maqquiderre rradauidenina taide toqquena, toqquena rriquemana nade. Bazima naco rraui torremaha rricazapa Zeso poua, amonerre poni tazarranira ba narraride.

Tahimarideni 4:10

Rrehe, nazama narraro uimape tiadeniza uati onana. Icca madirra Izarraeodeni bazima naco bodideni nauatoqquiri nauiuarrine uati onana. Iape: “Parrissa Nazaretiuarricca Zeso Cristo atti dacorani” inarraro. Poua onima isso siriza: “Titemeza ticcarizarri” inezape Zesorrine isso siri tonomirrariparra. Narraria arra tobicaui qqui tiquenarrariparra. Narrari Zesopa tirrinedeni aua porimacossaniza coba tizanemanaza zoqqueraha Deorrine nauatonirrariparra. Pouarrinea arri nauatoue icarrirraroparri.

Tahimarideni 4:6

Anasa naco naui pouadenizama carrimarrari. Pouapa dada toqquimadedenicca tamine deni torrarrari. Pouapa taminedenicca tamine. Caipa naco nauiza carrimarrari. Pouapa Anasaza: Coco, narrari. Anasa poua imecotedeni naco nauiza carrimemanarrari. Orraria onipa Zouao, ouaha onipa Aresadre, denima uapi taha nauiza carrimemanarrari.

Tahimarideni 4:8

Nazapa Pedoroza Deo Corime torrauissa tarrarirrine cappinera taza ecomerarraro: —Rrehe taminedeni, ime rrocouideni, tiadeniza uati onana. Titauaribobo canarri.

Tahimarideni 5:40

Nazapa Camarieo atti mittemanazapa paparra quenaza Zesocca zozosse tabaqqui rrauizimaniuiuarrine uaua quenarrari. Nazapa itacossimanaza izauabaqquimanarrari. —Rridapanape Zeso Cristo tauimari mari maripe tinebomanarri −quenazapa zosse inanibaqquimanarrari.