Tahimarideni 4:32 - Kulina New Testament Brazil

³² Nazapa Zesoza rrehe quenarrarideni bazima poccadeni uima narrarossa caniqquimerezape rrehe canirere quenarrari. Pouadeni zepetarri naqui pouadeni attipa: —Oua mottacca −quena-rrararrari. Tozepetarri, zamatapa naco bazima poccadeni orrariqquirrari. Narrarossa naza pouadeni zepetarri dade accoraqquiri narrari.

Culina Mádija

³² Nadsapa Jesodsa jehe quinajarideni huapima poccadeni ima najarossa caniqquimeradsapa jehe canirere canajari. Pohuadeni dsepetaji naqui pohuadeni attipa: —Ohua mottacca −quina-jarajari. Todsepetaji, dsamatapa naco huapima poccadeni ojariqquijari. Najarossa nadsa pohuadeni dsepetaji dade accoraqquiri najari.

Tahimarideni 4:32 Iomraidhean Croise

Huano 17:11

—Rridapanape arrirraro namiza omadizanapo-rrerani. Tiauarri occaniraha arra pouadenipa arrirraro namiza madimanaccauitoui. Rrehe, Abi bicabote tirrani. Arra ouaza tinanabaqquirraridenipa ticca dacoreheza tecauabaqquirro, bazima orrariqquimanauiuarrine. Pina Tia oua titezerre irrariqquirrarossa quenauiuarrine.

Tahimarideni 1:14

Oza tetepiccaza madimanazana uarrirriraza Deoza uatide totoqueriqqui narrari. Zeso imecotedeni, poua imeni Maria, amonerre onihi naqui naui pouadenizama Deoza uatide totoqueriqqui narrari.

Tahimarideni 2:1

Nezape zodeodenicca errete imenibote bacco tarraro. Errete oninipe Pentecosti. Narraro uadaza Zesoza rrehe quenarrarideni queriqquimanarrari.

Tahimarideni 5:12

Nazama Zesocca zozosse tabaqquipa Deocca dacorehe pouadeniza torrarizezape nauatoqquiri narrari. Canauatorimanana canazapa Zerozarecca madirra qqui toquenarrari. Arra Zesoza toquerrenarraridenipa Deoza dada toqquima boroni inidi tetepini carrini Portico de Saromao quequenanauiza quequeriqquimana narrari.

Romanodenidsa 12:5

Ia Zeso Cristocca iquerrenarraro naqui narrarossa inarraro. Uapi ineraha Zeso Cristoza itassaqquizape pina poua assire orrarirrarissa inarraro. Iape orrari orrari inarizeraha imecotedeni bazimape irrariqquirraro.

1 Corintodeniza 1:10

Ouimecotedeni, ia Zozossede Zeso Cristo onima tiadeniza uati onana: Timecotedeni tezerre rrehe ticanirere canarri. Tiadenira tiadenira tarizemana-rrerarri, onarraro. Ticcadeni uima bica taniuarrinepe pina ticarronerara caneza Zeso Cristozara tibodideni orrariqquimananissa teza timadimanarri.

2 Corintodeniza 13:11

Rrehe ouimecotedeni Zeso Cristoza rrehe tiquenarraro, arrirrarope occa uima rricanicca. Deozara tetetizemana narri, onarraro. Ticcadeni uima ticattememanarri, ticcadeni madie tobicaniuarrine. Tibodideni acco acco ticanana. Timecotedeni tezerre rrehe ticanirenissa tarri. Ticarronerara caneza timadimananissa tarri. Nema tiquenezape Deo tiadeniza madiuitoui. Deopa touati uanehe rrinede, rronehe rrinede naco.

Piripodeniza 1:27

Nazama ouape ozoqquerre ozoqquerrererre nanitide. Tiadeni qquide naqui oqquerre oqquerrererre nanitide oneza tiadenira pina Zeso Cristocca marinarrassa tinanemana-zanapona, onarraro. Tiadeniuarri bacco oneza bacco onerrereza naqui ticcadeni uima bicanira omittazanaponiuarrine. Tirrinedeni uima arrima zanaponina bica tarraro: Bazima tirrariqquimaneza Zeso Cristo tauimari icassiuaueraniuarrinecca tinebomana-rreraniuarrine acco acco ticanarri. Dacoco tirrirehe nema tizanapomanarri, naui Deoza nacasseraqquiri narrarideni attideniza tirraparimana-rreraniuarrine.

1 Pedoro 3:8

Rrehe, tiadeni bazimape ticarronerara caneza timadimananissa tarri. Tibodideni orrariqquinissa teza rrehe ticanirere canarizerarri. Tetideni cauanerara caneza pina timecotedeniza tetideni uanaqquiri narrarossa tiquenarri. Bazimaza bicaqquiri tiquenarri. —Ouape deni orrani −tiquenerrerana, onarraro.

1 Pedoro 4:11

Madirra maride nauatoqquiri tiquenezape pina Deo Attissa narrarora mari mari titiquena narri. Madirra birrideni accode nauatoqquiri tiquenezape Deocca dacorehema acco ticanabaqquimanarro. Nema tiquenezape madirra bazima qqui toquenaza: —Rrehe, Zeso Cristorrine nama quenarrari −quenauitoui. Nazana pouadeni naco Deoza uatizemanaza: —Rrehe, Deopa bica taui, bica taui −quenauitoui. Parrissa, Deopa bica tarrari. Dacorehe carriui. Nama zanapouitoui. Parrissa nema nana.