Tahimarideni 4:28 - Kulina New Testament Brazil

²⁸ Abi Deo, Tettipe Dabirrine dozo nani maittareraha taminedeni narrarossa inanemanarraro −quenarrari.

Culina Mádija

²⁸ Abi Dio, Tettipi Dabijine dsodo nani maittararaha taminedeni najarossa inanamanajaro −quinajari.

Tahimarideni 4:28 Iomraidhean Croise

Mateo 26:24

Rrehe, ouape Madirra Bedi orrarraroa niza ozoqquenitoui. Pina maittaccazama otezerremacca uima Deo Atti cacomeraqquiri narrarideni dozo iquenaporrarossa onanitoui. Neraha oua ccaccoradeza oppina tehe torranitoui. Rraho, narrari maqquiderre tossona-rrarazapa bica teraha, oppina tanicca zori tauitouiraha −nade Zeso.

Mateo 26:54

Naraha nema onezape pina Deo Atti dozo naporrarossa onana-rreranitoui. Arri, ouaza uima oppina tanicca torraniuarrinepe maittaccazama Deorrine dozo iquenaporraro. Peperri! Deo Atti nemanehe onaparrirenissa taniuarrine. Oua accodetoui uaua onerrerana onarraro −nade Zeso atti.

Roca 22:22

Naraha ouape Madirra Bedi orrarraroa niza ozoqquenitoui. Pina Deorrine maittaccazama otezerremacca uima narroraporrarossa onanitoui. Naraha oua ccaccoradeza oppina tehe torranitoui −narrari Zeso.

Tahimarideni 3:18

Naraha Deopa madirra Tonassiuauade torrauiuarrine poua icatterrizaporrari ocasserani auaza zoqqueuiuarrine nauato taporrari. Maittaccazama Poua Atti cacomeraqquiri narrarideniza naco Cristo-Mesia zoqqueui tauimari uati tapoza dozo iquenaporraro. Narraro uimassa narraro torrarrarode, pina arri Deo uati taporrarissa narraro tinanemanarraroparri.

Epesodeniza 1:11

Deopa Poua nacassa tauicca inananiuarrine touini naza narrarossa inanarraro. Taide madirra iquerrene- rreraccazama Deopa: —Madirra ocatterrizabaqquiuitoui, occa madirra toquerrenaza pouadeniza occa danirri bicani da onabaqquiniuarrine −napoui nade. Nezape Zeso Cristoza parrissa ineza Deocca madirra iquerrenarraro. Nezape Deo pocca danirri bicani uati taporraricca iaza inanarizanitoui.

Ebreodenidsa 6:17

Narraro uimassa narraro Deo uati taza pocca uatinarra carrimanarrarideni nauatoqquiri nauiuarrine Poua Attipa: —Oua onima uati onarraro. Ouattissa onananiuarrine parrissa −narrari. Nama narraria Poua Atti mittemanarraridenipa: —Parrissaqui? Parrissa rrererane? –quena-rrararrari. Attidenipa: —Rrehe, Deopa parrissa uati tarrari. Poua Attissa inananitoui −quenarrari. Pocca uatinarra cacarriqquimera-rrerani pouadeni nauatoqquiri narrari.