Tahimarideni 3:7 - Kulina New Testament Brazil

⁷ Nazapa Pedoro isso siri zepe nauatoniuarriccaza dama inaza rroca inazapa totemarrari. Deorrine poua amori, amori cosarini naqui tobicarraro.

Culina Mádija

⁷ Nadsapa Pedro isso siri dsepe nahatonihuajiccadsa dama nadsa joca imadsapa totehemajari. Diojine pohua amori, amori cocorini naqui tobicajaro.

Tahimarideni 3:7 Iomraidhean Croise

Maraco 1:31

Nazapa Zeso poniza touarriressiza zapani equidi, rroca inimezape uapini tonauiui narraro. Tonomizape pouadeni inarripabaqquirrari.

Maraco 5:41

Nazapa Zesoa erredeni zapani equidiza poua attiza uati tarrari: —Tarita comi −narrari. (Narraro ettizape: —Erredeni, titemarri −narrari.)

Maraco 9:27

Naraha Zeso erredeni zepeza dama inazapa nomi taha inatema narrari.

Roca 13:13

Nazapa poua zepeza bara ineza amazati ideni tobicarraro. Neza uanissa tezape uatizeza Deoza rriri rriri narraro: —Rrehe, tiape bica tinani, bica tinani −narraro Deoza.

Tahimarideni 3:6

Naraha Pedoro attipa: —Ouape ziniro ocappirani. Nouerani! Naraha Abi Deorrine nauatoue ocarrizape tia acco ocananiuarrine. Nazaretiuarricca Zeso Cristo onima uati onarraro. Titemeza ticcarizarri! −narrari.

Tahimarideni 3:8

Nanarra isso siri ccarizaui tobicazapa rroppa rroppa narizarrari. Nazapa Pedorodenizama Deoza dada toqquimauarri toqquezimarrari. Uatizeri naza rroppa rroppa tozaza: —Deopa bica taui! Deopa deni torraui! −narizarrari.

Tahimarideni 4:16

—Nerrecoma inanabaqquiuiuarrine? Naraha pouadenirrine isso siri tobicaua. “Maizehe” inerrerana. Arra Zerozarecca madirra bazima qqui toquenarra naui −quenarrari.

Tahimarideni 4:9

Tettidenipe: “Nerrecoma tiqueneza isso siri tinabiquemanarraritta?” tiquenarraro. Tettideni onihi naqui: “Nerrecouarricca dacoreheza toponi tonabicade ticauatterarrarotte?” tiquenarraro.

Tahimarideni 9:41

Nazapa zapaniza Pedoro rroca inimezape totemarraro. Nazapa arri amonerre camittemanirraro qqui toquenauiuarrine Zesoza rrehe quenarraridenitoui amonerredenitoui uaua narrari. Qqui toquenazapa uatizemanarrari.