Tahimarideni 3:26 - Kulina New Testament Brazil

²⁶ Narraria Deo Poua Bedi taide tiadeniza zosse inaronapoza pina madirrassa naha tossonarrariparrade. Nerrecotoui Poua Bedi arra namiuarri zosse inaronarrari? Poua Bedirrine tibodideni bazimaza uatizeheri inananiuarrine, arra pouapa tiadeni tonauarriui narrari ticcadeni uimasiri tinebomananiuarrine −narrari Pedoro poua imecote Izarraeo potemauideniza.

Culina Mádija

²⁶ Najaria Dio Pohua Bedi tahide tiadenidsa dosse inaronapodsa pina madijassa naha tossonajaripajade. ¿Nejecotohui Pohua Bedi aja namihuaji dosse inaronajari? Pohua Bedijine tiadeni huapima ima bicanihuaji tiquejenanijine, aja pohuapa tiadeni acca inahuajani-baqquidsapi aji ticcadeni imasiri tinebomananijine −najari Pedro pohua imecote Isaraeri potemahidenidsa.

Tahimarideni 3:26 Iomraidhean Croise

Mateo 1:21

—Niza poni bedi tossonazapa onipa “Zeso” tana. (Ettizape: Ia Zozossede madirra Tonassiuauade, inarraro.) Narraripa pocca madirra inassiuauabaqquiuitoui, poccadeni uimasiri manaconi narrizoue pouadeniza inassonari-rreranitoui −narrari Deo Atti ccaccaronade atti.

Mateo 15:24

Nazapa Zeso attia: —Occa Abi Deo oua zosse naronarraripa Izarraeo potemaui zodeodenizara oua zosse naronarraride. Narraridenipa pina eueue touatorarizemanarraridenissa quenarrari −nade Zeso.

Roca 24:47

Narraro poua tauimari ecomerarize-manezape madirra bodideni cacarriqquimere-manauiuarrine naco uati toquenauitoui. Nazapa madirra pouadeni bodi cacarriqquimere-manaza: “Occa uimasiri onebona” quenazapa Deo poccadeni uimasiri peperri inananitoui. Narraro uima bicanipe madirra bazima mittarizemanauiuarrine Cristo-Mesiapa pocca zozosse tabaqqui mari narizemanauiuarrine zosse inarizabaqquiuitoui. Taidepa Zerozareza mari icanabaqquimanauitoui, zotodepa zama bazimaza maride rraui torrarizauitoui. Narrari Cristo-Mesiapa oua. Otauimari maridepa oua occa madirra zosse onabaqquiuiuarrine −narrari Zeso.

Huano 4:22

—Samaritano tiadenipe Deoza tetetizemana naraha, narraro uimape ssamoqquiri tiquenani. Naraha zodeodeni iana parrissa Deoza ehetize narraro. Ia zodeodeniza tossiuauehe ccarronaporrarona madirra bazimaza torraribaqquirraro.

Tahimarideni 1:8

Naraha Deo Corime ccarronabote naui. Tibodideniza torrarizazana pocca dacorehe ticarrimananitoui. Nazana otauimari maride tiquerrenarizaniuarrine. Arri timadimananicca oza panani Zerozareza maride tiquerrena, ticcadeni zama Zodeaza maride tiquerrena, Zodea uinorinicca zama Samariaza maride tiquerrena narizaniuarrine, onarraro. Arra zama uarri tanicca madirizemanarrarideni naco bazima otauimari mittarizemanauiuarrine teccorarize-manana. Arri ouaza rraui tirrarizeza qqui tiquenarrarocca uima, occa marinarra timittemanarrarocca uima naqui mari ticanabaqquirizana, onarraro –narrari Zeso.

Tahimarideni 13:26

—Rrehe ouimecotedeni, arri tiadenipe Abarahao potemaui tiquerrenani titauaribobo canarri. Arri motape madirra ouaha tiquerreneraha Deo Attiza iboraqquiri tiquenani titauaribobo canarri. Deopa ia bazimaza pocca uima icassiuaueraniuarrinecca inanarizarraroparri.

Tahimarideni 2:24

Zesopa zoqqueraha Deorrine nauatonirrari. Zoqquehe comanipe pouaza mari zaneraha Deorrinena Zeso tappa inarrari. Zoqquehepe pouaza mari zananiuarrine ssamo tani.

Tahimarideni 2:32

Narraria arra Zeso Cristo Deorrine nauatoniui qqui inarrariparra.

Tahimarideni 26:20

Taidepa oza panani Damascouarri Deoza toquerrenauiuarrine uati onabaqquiporraride. Zotode oza panani Zerozarecca naco uati onabaqquirraride. Arrirraro zama Zodea bazimacca naco uati onabaqqui-rizarraride. Zodeo querrena-rrararrarideni naco uati onabaqqui-rizarraride. “Tibodideni tecarriqquimeremaneza ticcadeni uimasiri tinebomanarri. Deozara tiquerrenarri” ohonanade. “Ticcadeni rrehenirri, tibodideni cacarriqquimere-manani auato taniuarrinepe Deo Attizara iboraqquiri tiquenarri. Uima bicanira tinanarizemanarri” oneza mari mari ohocanabaqqui narraride.

Tahimarideni 3:13

—Icca Abi Deopa, icca idideni Abarahao, poua bedi Izaqui, poua bedi Zaca quenarraridenicca Deo. Pouarrine isso siri tobicazapa Poua Bedi Zeso deni inanarrariparra. Narrari Zesoa tirrinedeni tozepe torrarraride. Tamine Pirato attipa: “Zeso tappa onaza toccaniuiuarrine” naraha tiadenipe tettarromanaza: “Aua porimacossaniza zoqquena zoqquena!” tiqueneza zoqquerraride −narrari Pedoro.

Tahimarideni 3:15

Tiadeni camittehe rrinede tinanazoqquemanaraha Deorrine nauatoniza Deo Pouauarri toccamacossanirraride. Iape parrissa qqui inarraroa arri nauatoqquiri inarraroparri.

Tahimarideni 3:20

Poua Bedi Zeso icatterrizaporraripa tiadeniza zosse inaronapomauitoui. Narraria arra tiadeni Idinide Cristo-Mesia torrarrariparra.

Tahimarideni 3:22

Narraro uimape Moize icca idideniza dozo inaporraro: “Ia Zozossede Deorrine icca madirra orraria Poua Atti cacomerabote torrauitoui, pina ouassa inanauitoui. Narrari attizape ibobora tinarri.

Tahimarideni 3:25

Nazama tiadenipe narrarideni potemaui tiquerrenani. Poccadeni dozonirri arri Deo uati taporraricca uima bicani rridapana tiadeniza torrarraro. Deopa idideni tezerre rrehe canireporrari naqui tiadeniza torrarraroparri. Arra idi Abarahaoza Deo Attipa: “Tipotemani zotodecca naco pouarrine arrirraro zamacca madirra bazimaza uatizeheri torrarizanitoui” napoui nade Deo.

Romanodenidsa 1:16

Ouape Zeso Cristo tauimari icassiuaueraniuarrinecca ouacomeraniuarrinepe ocappina-rrerarraro. Ouape nauato onani: Zeso Cristo tauimaripa Deocca dacorehe madirra tocassiuauerauiuarrine, onarraro. Taidepe zodeodeniza, zotodepa zodeo querrena-rrararrarideniza naco Zeso Cristo tauimari dacorarraro. Bazima narraroza rrehe quenazapa tocassiuauerauiuarrine.

Romanodenidsa 15:29

Nani ticcadeni oza panani Rromaza bacco onezape Cristocca uima bicani tocassiuauerauiuarrine uatizehema sse onehe tiadeniza bacco onanitoui.

Romanodenidsa 15:8

Tiadeniza uati onarraro. Cristo zodeodeni acco icanabaqquiuiuarrine ccarronarraripa Deo icca idideniza uati taporraricca uima inaparrirenissa taniuarrine ccarronarrari. Parrissehera uati uati narronarraria Cristorrine auato tarraroparri.

Epesodeniza 1:3

Deoza etti arrima inana: — Rrehe Abi Deo, bica tinani, deni tirrani. Iaza uatizeheri tinanarraro −ihizanapo nana. Deopa parrissa ia Zozossede Zeso Cristocca Abi. Zeso Cristoza iquerrenarrarorrine uatizeheri memeuarri anirraro bazima iaza da inarraro. Poua Corimepa ibodiza uatizeheri inanarizarraro.

1 Pedoro 1:3

Deopa ia Zozossede Zeso Cristocca Abi. Pouaza etizeza ettipe: —Abi Deo bica tinani, deni tirrani! −inana, onarraro. Pouapa itoui uati cauanari canaza Pouarrine ibodi zati torrarraro. Pina issonapomarrarossa inarraro. Zeso Cristo zoqqueza nauatonirrarirrine ettipe: —Ia naqui izoqqueraha inauatoniza imadipomanitouiua −inarraro.

1 Pedoro 3:9

Nazama madirra tiadeniza uaidirehe inanemaneza naqui manaco pouadeniza uaidirehe tinanemana-rrerarri. Tiadeni totamasso-baqquimanaza naco manaco titamassobaqquimana-rrararro. Arrima tinanemananina bica tani: Pouadeniza uima bicanira tinanemanarri. Tettideni bica teza pouadeniza uati uati titiquena nana. Nema tinanemanezape Deo tiadeniza uima bicani inananitoui. Narrarorrine tiadeni tocatterrizabaqquirrari.

Jodacca 1:24

Deo dacorarrariza etizena. Icca rrehenirri tossamo-rreraniuarrine ia touacauabaqqui-zanaporrari. Pocca dacoreherrine Poua ssiuerrene bicaboteza uissoqquiri inehe idomo uezape uatizehe imeni icarrinitoui.