Tahimarideni 3:21 - Kulina New Testament Brazil

²¹ Rridapanapa Zeso Cristo memeuarri madiccaui, naraha niza Deo Poua nacassa taza zosse inaronapomauitoui. Nazana zama bazima inabiquemaninitoui. Narraro uima naqui maittaccazama Deo Atti cacomeraqquiri narrarideni dozo iquenaporraro.

Culina Mádija

²¹ Jidapapa Jesocristo memehuaji madiccahi, naraha nidsa Dio Pohua jipa tadsa dosse inaronapomahitohui. Nadsana dsama huapima inabiquemaninitohui. Najaro ima naqui maittaccadsama Dio Atti cacomeraqquiri najarideni dsodo quinapojaro.

Tahimarideni 3:21 Iomraidhean Croise

Roca 1:70

Deopa maittaccazama Poua Atti cacomeraqquiri narrarideniza ia Tonassiuauade ccarronauiuarrine tauimari uati tapozapa ehecomeremana narronarraro.

Tahimarideni 1:11

Pouadeni attipa arrama quenarrari: —Arri zama Carireacca madirra arriza timadimanarrarodeni nerrecotoui memeuarri ticattamacossassa canarraro? Arra Zesopa tiadeniza madiraha Deo idinimacossanirrari, memeuarri madipomauiuarrine. Arra toccamacossaniui qqui tiquenarraripa ccanipomaza naco narrarissa nauitoui. Meme essenima carrimaha namiuarri ccaronapomauitoui −quenarrari.

Tahimarideni 10:43

Narraria Zeso poua tauimari maittaccazama Deo Atti cacomeraqquiri narrarideni dozo narronemanarraripa arrama quequenanarrari: “Ia Idinide icca uimasiri inanamossiniuarrine nauato taui orrari naui. Pouaza parrissa inezape icca uimasiri inanamossi tani” quenapoui nade. Narraro uimape madirra bazimaza torrarraro −narrari Pedoro.

Tahimarideni 3:19

—Narrarorrinea tiadeniza ouattipe: Rridapanape tibodideni cacarriqquimerarri, Deoza tiquerrenarri, onarraro. Nema tiquenezape Deo ticcadeni uimasiri sse inanitoui. Nazapa ia Zozossede Deo tibodideni rrassi tonanabaqquiuitoui.

Tahimarideni 3:20

Poua Bedi Zeso icatterrizaporraripa tiadeniza zosse inaronapomauitoui. Narraria arra tiadeni Idinide Cristo-Mesia torrarrariparra.

Romanodenidsa 8:21

Niza Deo pocca erredenideniza pocca deni torrehe inanarizezape zoqquehecca dacorehepe rricanitoui. Narraro deni torrehe Poua inauatorizarrarideniza naqui inanarizezape zoqquehe tappa inabaqquiuitoui.

Ebreodenidsa 1:1

Maittaccazama Deopa Poua Atti cacomeraqquiri narraridenizana uati taza narraridenina icca idideniza uati uati ihiqquimemana narraro. Deopa pocca zossenirri, madirra pouadeni tezerremacca uima auato inanarrarope onihi onihi inanarraro. Naraha Poua Attiza uati taui orrari-rrerani. Poua Atti cacomeraqquiri narraridenicca uadaza naqui auato inanarraro, bodideni naco inauattabaqquirrari.

2 Pedoro 1:21

Rrehe, Deo Atti cacomeraqquiri narrarideni Deo Atti ehecomerarizemana narrarope pouadeni touini quenauicca rrerani. Pouadeni bodiza: —Arrima onanana −quena-rraraui. Deo Corime pouadeni bodideni acco icanabaqquizana Deo Poua touini nauiccara ehecomerarizemana narraro.

2 Pedoro 3:2

Arri maittaccazama Deo Atti cacomeraqquiri narrarideni uati toquenaporraricca naqui tibodideni uatome-manarri. Arra ia Zozossede, ia Tonassiuauade Zeso Cristocca zossenirripe pocca zozosse tabaqqui ia tiadeniza ecomerarraro naqui tibodideni uatome-manarri, onarraro.

Apocalipsis 18:20

Nezape memeuarri timadimanarrarodenipe arrirraro oza panani rricarraroza tetizemanarri! Zeso Cristocca zozosse tabaqqui, Deo Atti cacomeraqquiri narrarideni, Deoza tiquerrenarrarodeni bazima tetizemanarri. Ponirrine nanarrizo tiquerrenarizaporraro manaconi rridapanana Deo inarrizorraro.

Apocalipsis 22:6

Nazapa Deocca zozosse ouaza uati tapomarrari: —Arrirraro uimape parrissa. Uimape pina arrirrarossa nehe torranitoui. Ia Zozossede Deopa Poua Atti cacomeraqquiri narrarideniza Poua Atti inanarizaporraro. Narrari Deopa oua zosse naronarrari. Ouape pocca zozosse, pocca zozossedeniza pouadeni tezerremacca uima torrabote nanicca auato onananiuarrine occaronarraro −nade ouaza.