Tahimarideni 3:15 - Kulina New Testament Brazil

¹⁵ Tiadeni camittehe rrinede tinanazoqquemanaraha Deorrine nauatoniza Deo Pouauarri toccamacossanirraride. Iape parrissa qqui inarraroa arri nauatoqquiri inarraroparri.

Culina Mádija

¹⁵ Tiadeni camittehe jinede tinanadsoqquemanaraha Diojine nahatonidsa Dio Pohuahuaji toccamacossanijaride. Iapi pajissa qqui inajaroa aji nahatoqquiri inajaropaji.

Tahimarideni 3:15 Iomraidhean Croise

Roca 24:48

—Nazama tiadeni occa zozosse tabaqqui tiquerrenarrarope oua Cristo-Mesia orrani nauatoqquiri tiquenani. Ozoqqueraha onauatonini parrissa tinoccodeniza qqui tiquenarraro. Nema nezape otauimari tecomerarizemanarri.

Huano 1:4

Nazama Zeso pouapa camittehe rrinede. Narraricca camittehena madirraza ssiuarrani torrarizarraro.

Huano 10:28

Ouape pouadeniza camittehe rriquerreranicca da onarizarraro. Pouadenipa parra zoqquemanari-rrarauitoui. Pouadenipa ouacauabaqquiuissa tarrari. Ozepeccapa idinibaqquimana-rrarauitoui.

Huano 14:6

Naraha Zeso uati tade: —Ouape rraui orrani. Orrinena madirra Abiza bacco toquenauiuarrine. Ouape parrissehe rrinede orrani. Ouape camittehe rrinede orrani. Rridacca oua noue orrirezape madirrapa Abiza bacco toquena-rraranarra.

Huano 17:2

Arri oua ticca erredenipe madirra bazimaza tirrine tamine orrarraro. Arra ouaza tinanabaqquirraridenipa pouadeniza camittehe rriquerreranicca da onarizaniuarrine.

Huano 4:10

Naraha manaco Zeso poniza uati tarrari: —Rridacca Deocca danirri nauato tinezape arra tiaza passo mitta tozarrariza manacora ouaza passo mitta tizanitouiraha ssamo tinarraro. Naraha rridacca ouaza nauato tineza ouaza uati tinezape passo camittehecca tiaza da onanitouiraha −naui nade Zeso.

Huano 4:14

—Naza arri oua passo da ocanarraro ze quenauipa baccodeni rrocomanapoma-rrarauitoui. Arri occa danirri passona madirra bodideniza rriquerreranitoui. Camittehe rriquerreranicca torraniuarrine −naui nade Zeso.

Huano 5:26

—Abi Deopa camittehe rrinede. Ouape Poua Bedi ouaza naqui camittehe da inarraro.

Tahimarideni 1:22

Narrarideni orraria nerrecorrarina Zouao Zeso passo dopaniza niqui izanapouizama qqui narronarraria Zeso poua toccamacossaniui qqui tarraritta? Narrarina iazama Zeso nauatoniui tauimari eccorarizaniuarrine, onarraro −narrari Pedoro.

Tahimarideni 2:24

Zesopa zoqqueraha Deorrine nauatonirrari. Zoqquehe comanipe pouaza mari zaneraha Deorrinena Zeso tappa inarrari. Zoqquehepe pouaza mari zananiuarrine ssamo tani.

Tahimarideni 2:32

Narraria arra Zeso Cristo Deorrine nauatoniui qqui inarrariparra.

Tahimarideni 4:2

Narraridenina Pedorodeniza boquemanarrari. Pedoro pouadenipa Zeso Cristorrine madirra tocassiuauerauiuarrine tauimari maride toquerrenarrari. —Zesopa zoqqueraha Deorrine nauatonirraride. Pouarrinepa madirra naco nauatonimanauitoui −quenaui mari icanabaqquiraha taminedenipa narraro uimaza nacasseraqquiri naza boquemanarrari.

Tahimarideni 5:31

Deopa pocca dacorehe Zesoza inanezape deni inanarrariparra. Deo Poua uinori nauatoniuarri Zeso inauittarizapa Pouarrine madirra bazimacca tamine torrarrari. Deo Pouarrine madirra Tonassiuauade torrarrariparra. Ia Izarraeodeni Tonassiuauade torrazapa pouarrine ibodi cacarriqquimerezape Deoza iquerrenarraro. “Icca uimasiri inebona” inezape Pouapa icca uimasiriza: “Ouati rrimani” narrari.

1 Corintodeniza 15:45

Deo Atti dozo nanizape arrima narraro: —Taidecca madirra Adaopa namiza madiuiuarrine Deorrine camitta tarrari −nani nade Deo Atti dozo naniza. Naraha arra Cristo pouaza: Adao rricariuicca ihinanarraro pouana memeuarri madiuiuarrine parrirerrari. Pouapa camittehe rriquerreranicca da inarraro.

Epesodeniza 1:20

Deopa pocca dacoreheza Zeso Cristo zoqqueraha inauatonirrari. Memeuarri iaccamacossaniza deni inanazapa Poua uinori nauatoniuarri inauittarirrari.

Ebreodenidsa 12:2

Poua tezerremara tocattaza parra rroppa tariui nazapa rricaqquiniuarri bacco tarrari. Ia naqui Zeso touira icattomama canana. Pouapa icca rrehenirri rrinede. Pouapa taide Deoza: —Rrehe Abi, Tettissa tinananiuarrine tiparrireni −naporrari. Pouarrine icca rrehenirri parrirenissa tarraro. Zesopa Imehiuarri toccamacossanizapa uatizehe imeni carriuitoui nauato taporrari. Narrarorrine aua porimacossaniza zoqquehe inauanarraro. Arri aua porimacossaniza izoqqueniuarrinepe oppina taraha pouapa cappina-rraraza poua ccaccorarraride. Nazapa parrissa nauatoniza Imehiuarri toccamacossanizapa madirra cacauade torrauiuarrine Deo Poua uinoriuarri uittarirrari.

Ebreodenidsa 2:10

Memecca namicca bazimapa Deo pocca. Pouarrine nauatorizaporrari, Pouarrine anizanaporrari. Poua Bediza rrehe quenarrarideni pocca deni torreheza toquerrenauiuarrine touini narrari. Narrarorrine Zeso ocasserani inauaneza zoqqueuiuarrine Imehi Deo ecossa-rrerarraro. Nama nazapa Deo Poua Bedi Zeso Cristo madirra Tonassiuauade torrauiuarrine inaparrireuissa tarrari.

Ebreodenidsa 5:9

Pocca iborehe Deoza parrirenissa taza Deorrine madirra Tonassiuauade torrauiuarrine inaparrireuissa tarrari. Bazima pouaza iboraqquiri narrarideniza tossiuauehe rriquerreranicca inanarizarraro.

1 Zouao 5:20

Uima onihi naqui nauatoqquiri inarraro: Deo Bedi iaza ccaronarraripa ibodiza touattehe da inarrarorrinea Deopa iaza rrizera tarrariparra. Deopa parrissa orrari narrari. Pouana Deo. Iape narrariza imadi-zanaporraro. Iape pocca Erredeni Zeso Cristoza imadirraro. Narrarina parrissa Deo Poua ia Cacauade. Narraripa camittehe rriquerreranicca rrinede.

Apocalipsis 21:6

Nazapa ouaza uati tarrari: —Arrirraro uima uati onarrarope torranissa tehe rricani. Ouape Oua. Arrirraro zama nauatopo-rreraccazama omadiporraro. Niza zotode arrirraro zama rricaraha Ouape omadi-zanaponitoui. Madirra bacco rrocorizazapa passo camittehecca qquenarraro ze nauiuarrine pouaza da onanitoui. Pouaza: Manaconi, onerreranitoui.

Apocalipsis 22:1

Nazapa Deocca zozosse ueni bicaui oua qqui tonanarraripa passo ssaua tarraro, tocassiuerreqquimera narraro. Narrarope passo camittehecca. Deo, Eueue Bedi pouadeni pamahacca uiuittari cauittariniza passo qquenarrarope ueni tocarrarrari.

Apocalipsis 22:17

—Nirra, ticcarronarri −quenaui Deo Corime, Eueue Bedicca amonerre tazarrani. (Narraro amonerrecca uimape Zeso Cristoza ihiqueriqqui narrarocca uima.) Madirra arrirraro uima mittemanarrarideni naco: —Rrehe, ticcarronarri −quenana. Passotoui bacco rrocorrari zede touini nazapa ccarronana, passo camittehecca manaconi rrirehe ze nauiuarrine.