Tahimarideni 3:1 - Kulina New Testament Brazil

¹ Nazapa uada onihiza Pedoro Zouao tezerre Deoza dada toqquimauarri marri touenarronarrari pina 3'za touedezimarrari. Narrari marriza zodeodeni Deoza uatide rrarraui torrezima narrari.

Culina Mádija

¹ Nadsapa huada onihidsa Pedro Huano tedseje Diodsa dada toqquimahuaji maji tohuenajonajari pina 3ʼdsa tohuededsimajari. Najari majidsa jodiodeni Diodsa huatide jajahi tojedsima najari.

Tahimarideni 3:1 Iomraidhean Croise

Mateo 17:1

Zeso poua tezerremacca uima uati taui nattini uada 6 naza ssonouarri Zeso toqquemorazapa Pedoro, Tiaco, Zouao quenarraridenira iaqquemorabaqquirrari. Rraui torremorazapa ssono tetepiuarri bacco tomoremanarrari.

Mateo 26:37

Nazapa poua uatimade 3 quenaha rrina inabaqquirrari. Pouadenipa Pedoro, Zebedeo bedideni Zouao, Tiaco quenarrarideni pouaza denima rraui torrarrari. Nauizana Zeso bodi qquezazapa orribote narrari.

Mateo 27:45

Marri orrari uaririnaza zama nemanehe tozizini narraro. Zizi zanaporrarope marri 3 bacco tarraro.

Roca 1:10

Toqquezimazapa marro bicabote iessiza rrami-mi cananarra amossiniuarri madirra bazima Deoza uatide toquerrenarra narrari.

Roca 18:10

—Madirra pamahapa Deoza uati toquenauiuarrine dada toqquimauarri touedezimarrari. Orraria Deoza damera tarrari, pouapa marinarra onini parizeoza rrehe narrari. Ouahapa uimasiri sse tarrari, pouapa rromanodenicca taminecca zossenirri ziniro nanaccade.

Roca 22:8

Naza Zesopa Pedoro Zouao tezerre zosse inabaqquirrari: —Rridapana Pascoacca rripaqquie tinarroremanaporri, zome irripaqquiniuarrine −narrari.

Roca 24:53

Uarrirriraza Deoza dada toqquimauarri quequeriqquimana zanaporrari. Deoza uatizemanaza rriri rriri quenarrari. Poua Atti mimittemana narrari, Pouaza uati uati zazanapomana narrari.

Huano 21:7

Nezape ouape Zeso uatimade ouazana uati uana tarrari. Ouattia Pedoroza: —A, narraripa ia Zozossede! −onade pouaza. Nazapa Simao-Pedoropa pocca etero bodiccazara aba coro coro narizaraha ouatti mittazapa uassinarra pocca etero ueza, rroppa, corro naza ssiquiuarri cona tarraride.

Tahimarideni 10:3

Nazapa marri touenarronaza pina 3'za Conerio pocca uadassa neza Deo Atti ccaccaronade auatorrari. Conerioza qquezimaza uaua narrari: —Conerio! −narrari.

Tahimarideni 10:30

Nazapa Conerio Pedoroza uati tarrari: —Arri maittazama onihima neza rridapanape uada 4 nani occa ozauarri Deoza uatide orrezape marri touenarronaza pina 3'za Deo Atti ccaccaronade ouaza auatoza qqui onarraride. Pocca eterope zibehi tarraro.

Tahimarideni 2:46

Deoza dada toqquimauarri naco rrarraui torrezima narrari. Poccadeni ozauarri naco arrauarri rripa, manaco arrauarri rripa nanarizemana nazapa bodideni parrissehema uatizemaneri nanarra narrariparra.

Tahimarideni 3:3

Nanarra isso siripa Pedoro Zouao tezerre uedarronaui qqui inabaqquirrari. Bacco narronemanazapa: —Rrari, ouaza ziniro da tiquenarri −narrari pouadeniza.

Tahimarideni 3:4

Nazapa isso siri qqui toquenazapa Pedoro pouaza uati tarrari: —Rrari, iauarri qqui tarri −narrari.

Tahimarideni 4:13

Nazapa Pedoro Zouao tezerre pouadeni cacomeremanaza taminedenipa uarro canireza: —A iaza cappinanera tarrarico? −quenarrari. Pedorodenicca madie taide nauatoqquiri nazapa: —A, pouadenipa pouama madimanaccade. Moizecca marinarra, Deo Atti cacomeraqquiri narraridenicca dozonirriza ssamomo taccade. Zeso uatimade toquerrenazapa tocauatterarrari uitiderra −quenarrari.

Tahimarideni 5:25

Nanarra orraria qquezimaza taminedeniza uati tarrari: —Maitta toponi cocoroza ua tozimarraripa Deoza dada toqquimauarrina madirra maride toquerrenapa −narrari.

Tahimarideni 8:14

Nazama Zesocca zozosse tabaqqui Zerozareza madimanarrari uima mittemanarrari: —Samariauarricca madirrapa Deo Attiza parrissa quenaui −mittemanazapa Pedoro Zouao tezerre Samariauarri touedauiuarrine zosse inabaqquimanarrari.

Carasiadeniza 2:9

Zodeo querrena-rrararrarideni maride orraniuarrine Deo oua cazosserraricca uimape arra Tiaco, Pedoro, Zouao quenarrarideniza auato tarraro. Narraridenipa Zeso Cristoza quequeriqquimana narrarideni cacauade deni toquerrenauicca. Nazama oua, Banabe tezerre zodeo querrena-rrararrarideniza maride icadarizaniuarrine pouadeniza bica tezape izepe cobo tabaqquiza attidenipa: —Peperri. Tiadenipe zodeo querrena-rrararrarideniza tizepedeni irrimananiuarrine bica tani. Iana zodeodenizara izepe irriniuarrine −quenade.