Tahimarideni 27:43 - Kulina New Testament Brazil

⁴³ Naraha rromanodenicca isso teppeppe zossedepa Paoro zoqqueuiuarrine nacassera tazapa rrehe narrarade. Nazapa dicca inabaqquiza zosse inabaqquide: —Rrari, conade nauatoqquiri tiquenezape taide passoza rroppa tizippemanaporri, ssiquiuarri cona cona tiquenaniuarrine −nade.

Culina Mádija

⁴³ Naraha romanodenicca soldado dossedepa Pablo dsoqquehijine jipera tadsapa jehe najarade. Nadsapa dicca inabaqquidsa dosse inabaqquide: —Jari, conade nahatoqquiri tiquinadsapi tahide passodsa joppa tidsippamanapoji, ssiquihuaji cona cona tiquinanijine −nade.

Tahimarideni 27:43 Iomraidhean Croise

Tahimarideni 23:10

Naraha uadimanaza denima parra moua toquenariui nazapa isso teppeppedenicca tamine cappinarrari. Paoro arrauarri rroca arrauarri rroca iquenaui qqui taza poua bodipa: —A, inatarrorimanaza zoqquerana −naza pocca isso teppeppedeni rrauirronauiuarrine uaua narrari: —Paoro inanazoqque-manabote naui! Qqui tiquenarro! Dama tiquenaza icca ozauarri tiaccanimanarro −narrari. Nazapa poccadeni ozaza uezapomarrari Paoro.

Tahimarideni 27:11

Naraha rromanodenicca isso teppeppe zossede Paoro attiza uaribo didi tarrari. Pouapa darroni imeni rrinede atti, ahaccade attidenira mittarraride.

Tahimarideni 27:3

Uada ssiuarrape oza panani Sidouarri uana icanade. Nazapa Paoro cacauade Zoriopa pouaza uati uana taza: —Titessedeni qquide tiqquemorani bica tani −nade. Nazapa poua tessedeniza Paoro toqquemorazapa inarripemanade. Poua cappirauicca naco pouaza da iquenarrari.

Tahimarideni 27:31

Naraha Paoro qqui tazapa poua cacauade rromanodenicca isso teppeppe zozossedeza, arra pocca isso teppeppedeniza naco uati tarrari: —Rraho, darroni imeni ahaccadedeni arraza madimana-rrarazapa tiadenirape ticassiuauera-rreranitoui −nade Paoro.

Tahimarideni 27:42

Nazapa isso teppeppedeni: —Toponi cocoroza ua tozimarrarideni cona cona toquenaza domo toccarana −quenaza: —Rrari, rricana −quenade.

2 Corintodeniza 11:25

Auaza naqui oua idemanani 3 nade. Sibaza naqui oua iquenaqquimanani orraride. Ocasserehe onihi onauanarraro naqui Zeso tauimari mari ocanarizabaqquiuiuarrine darroni imeniza bobode oqquezape darroni imeni rre tocanade. Bobode onihiza occapomeza naqui darroni imeni rre tocanapomade. Zotode occapomeza naqui darroni imeni rre tocanapomade. Ocasserehe onihi onauanarrarope coriza imeni nocconiza rre ocaneza otabozape zome, onassiuarra, marri ouaccapoma nade.