Tahimarideni 27:22 - Kulina New Testament Brazil

²² Naraha rridapanape tiadeniza uati onana: Ticappinemane-rrerarri. Dacoco tirrirarri! Icca darroni imeni cabarariza amossi caneraha irrique-rreranitoui. Bazima icassiuaueranitoui −nade Paoro.

Culina Mádija

²² Naraha jidapapi tiadenidsa huati onana: Ticappinamana-jeraji. ¡Dacoco tijiraji! Icca canoa imeni cabararidsa amossi canaraha ijica-jeranitohui. Huapima icassiejeranitohui −nade Pablo.

Tahimarideni 27:22 Iomraidhean Croise

Tahimarideni 23:11

Narraro zomepe ia Zozossede auatoza Paoro uinoriza ua narrari. Pouaza uati tarrari: —Paoro, daco tirrirana! Arri orrine qqui tinarraro, timittarraro naqui arri Zerozareza tecomerarizarrarope niza oza panani Rromauarri naqui tecomerapomanitoui −narrari.

Tahimarideni 27:25

—Rrehe otessedeni, tibodideni pina tetizemanarri. Ouattipe: Deopa maizera taui, onarraro. Nazama arra Poua uati uati taui omittarrarope Deo Pouarrine nema nanitoui. Pocca zozosse memeuarricca attissa inananitoui.

Tahimarideni 27:31

Naraha Paoro qqui tazapa poua cacauade rromanodenicca isso teppeppe zozossedeza, arra pocca isso teppeppedeniza naco uati tarrari: —Rraho, darroni imeni ahaccadedeni arraza madimana-rrarazapa tiadenirape ticassiuauera-rreranitoui −nade Paoro.

Tahimarideni 27:34

Rrari, rridapanape tirripemanarri! Tidacoremanani nezape ticassiuaueranitoui. Ticappinemane-rrerarri. Tiberorre cane-rreranitoui. Nouerani! Bacco tiquenanissa tanitoui −nade Paoro.

Tahimarideni 27:36

Paoro nama naui qqui toquenazapa bodideni bazira tehe tobicaui naza pouadeni naco rripemanade.

Tahimarideni 27:44

—Naraha conade ssamoqquiri tiquenezape taba qqui tiquenarri. Arri darroni imeni arobeniza naqui titiporimaneri neza tibirrideniza cona cona tiquenarri, ssiquiuarri bacco tiquenaniuarrine −nade rromanodenicca isso teppeppe zossede atti. Nema inezape ia bazima zama bacco ineza icassiuauerade.