Tahimarideni 26:18 - Kulina New Testament Brazil

¹⁸ Pouadenipa pina ziziniza rrauirizaraha tia zosse onarrarope noccodeni ssire tinanabaqquiuiuarrine. Naui zizini nebomanazapa Deo ssiuerrenezana madimanauiuarrine. Uimasiri totonanade Tocorime-Taminecca zosseheza toquerrenaraha nebomanazapa Deozara toquerrenauiuarrine. Ouaza parrissa quenazapa poccadeni uimasiri onanamossiniuarrine. Bodideni onauissobaqquiza naco niza memeuarri Deoza toquerrenazapa pocca zozosse bicaqquiri narrarideni tezerre pocca biquehe carrimanauitoui” nade Zeso ouaza −narrari Paoro.

Culina Mádija

¹⁸ Pohuadenipa pina dsidsinidsa jahiridsaraha tia dosse onajaropi noccodeni ssire tinanabaqquihijine. Nahi dsidsini nebomanadsapa Dio ssiejenedsana madimanahijine. Imasiri totonanade Satanacca dossehedsa toquejenaraha nebomanadsapa Diodsara toquejenahijine. Ohuadsa pajissa quinadsapa poccadeni imasiri onanamossinijine. Bodideni onahirebaqquidsa naco nidsa memehuaji Diodsa toquejenadsapa pocca medse bicaqquiri najarideni tedseje pocca biquehe cajimanahitohui” nade Jeso ohuadsa −najari Pablo.

Tahimarideni 26:18 Iomraidhean Croise

Mateo 4:10

Naraha manaco Zeso Tocorime-Tamineza uati tarrari: —Tocorime-Tamine, arricca ticcanirri! Peperriua. Ouape tiaza ouatizena onerrerani. Deo Atti dozo nanizape arrima narraro: “Ia Zozossede Deo Pouazara tetizemanani orrari zanaporri. Poua Attizara iboraqquiri tiquenarri” nani Deo Attipe −narrari Zeso.

Mateo 4:16

Ziziniza madimanazapa zoqquehe noppineni cappinemanaraha ssiuarrani zati pouadeniza tossiuarrarizezape Deorrine madirra tocassiuauerauiuarrine tauimarini auato inananitoui −napoui nade Deo Atti Izaiarrine dozo naniza.

Roca 1:77

Zouao, tiape icassiuaueraniuarrinecca uima ia Deo pocca madirra iquerrenarraro iaza uati tinarizanitoui. Deo icca uimasiri peperri inanezape niza pocca narrizoue torreza zori icanirenitoui.

Roca 2:32

Pouapa pina ssiuarranissa narrari. Poua ssiuerrene tossiuarrabaqquizape Izarraeo potemaui zodeo querrena-rrararrarideniza Deorrine madirra tocassiuauerauiuarrine tauimarini auato inananitoui. Rrehe Abi Deo, ticca madirra ia Izarraeo potemauidenipe iaza madirra bazima attidenipa: “Ticcadeni zamaza ia Idinide tossonazapa Deorrine tiadeniza uima bicani torrani” quequenanauitoui −narrari Simiao.

Roca 24:45

Nazapa Deo Atti dozo naponicca mittemanauissa tauiuarrine bodideni acco icanabaqquirrari.

Roca 24:47

Narraro poua tauimari ecomerarize-manezape madirra bodideni cacarriqquimere-manauiuarrine naco uati toquenauitoui. Nazapa madirra pouadeni bodi cacarriqquimere-manaza: “Occa uimasiri onebona” quenazapa Deo poccadeni uimasiri peperri inananitoui. Narraro uima bicanipe madirra bazima mittarizemanauiuarrine Cristo-Mesiapa pocca zozosse tabaqqui mari narizemanauiuarrine zosse inarizabaqquiuitoui. Taidepa Zerozareza mari icanabaqquimanauitoui, zotodepa zama bazimaza maride rraui torrarizauitoui. Narrari Cristo-Mesiapa oua. Otauimari maridepa oua occa madirra zosse onabaqquiuiuarrine −narrari Zeso.

Roca 4:18

—Ia Zozossede Deo, Poua Corime ouaza torrazapa pocca dacorehe ocarrirraro. Deopa oua tocatterrizarrari, madirra touati nauanaqquiri narrarideniza uima bicani icassiuaueraniuarrinecca uati uati onarizezape uima mimittemana nauiuarrine. Nazapa pouadeni bodidenipa: “Occa uimasiri ouaza ocassera tani” quenazapa onabicabaqquiuiuarrine, onarraro. Deo oua cazossezapa arra madirra cauacossemanarraridenipa oneqquenabaqquiuitoui. Arra uimasiri rrinede Tocorime-Taminerrine madirrapa pina cauacossemanarrarissa quenaraha poccadeni uimasiri peperri onanezape pina orrine rrauininerrarissa nauitoui. Arra madirra noccodeni siri naco noccodeni ssire onanabaqquiuiuarrine. Arra madirra ziziniza madirizemanarrarideni naco uimasiri rrinede Tocorime-Taminecca maizanirriza rrehe quenaporaha ossiuerrene pouadeniza bacco tezape pouadeni bodideni ssire onanabaqquiza ouazana rrehe quenauiuarrine, onarraro. Madirra nanarrizo toquerrenarrarideni naco odinibaqquiuitoui, onarraro.

Huano 17:17

Ticca parrissehezara tinanabaqquirro, onarraro, uimasiri rrirehe madimanauiuarrine. Tettipe parrissa ponira.

Huano 3:19

—Nazama Deo Bediza parrissa quena-rrararraridenipa poccadeni uaidirehepe arrima narraro: Ssiuarrani arri namiza bacco naroneraha madirra motapa zizinizara uatideni uanaqquiri narrari. Pouadenipa uima uaidira tanicca ihinanemana nezape ssiuarranizapa uatideni uaneraqquiri narrariparra.

Huano 4:10

Naraha manaco Zeso poniza uati tarrari: —Rridacca Deocca danirri nauato tinezape arra tiaza passo mitta tozarrariza manacora ouaza passo mitta tizanitouiraha ssamo tinarraro. Naraha rridacca ouaza nauato tineza ouaza uati tinezape passo camittehecca tiaza da onanitouiraha −naui nade Zeso.

Huano 4:14

—Naza arri oua passo da ocanarraro ze quenauipa baccodeni rrocomanapoma-rrarauitoui. Arri occa danirri passona madirra bodideniza rriquerreranitoui. Camittehe rriquerreranicca torraniuarrine −naui nade Zeso.

Huano 8:12

Zeso madirra bazima mari icanabaqquipomarrari: —Ouape zama bazimaza ossiuerrene auatorizarraro. Madirra ouaza toquerrenarraripa ossiuerrene carrimanaui. Ossiuerrene carrimanazapa camittehe rriquerreranicca naco carrimanaui. Nazama camittehe rriquerreranicca carrimanazapa uimasiricca ziziniza toquerrena-rrarauitoui −nade Zeso.

Huano 9:39

Nazapa Zeso uati tade: —Ouape arrirraro zamaza occarronarraro madirra bazimacca uima cattemade. Naui noccodeni siripa noccodeni ssire onanabaqquiza qqui toquenauiuarrine. Naraha noccodeni bicaui qqui toquenarraridenipa noccodeni sirissa quenauiuarrine −nade Zeso. (Zeso atti nama narraripa pouaza parrissa quena-rrararraridenipa pina noccodeni sirissa quenarrari.)

Huano 9:5

Narraroa arri namiuarri omadiqquezape arrirraro namiza madimanarraridenicca ssiuarrani orraccani –nade Zeso.

Tahimarideni 10:43

Narraria Zeso poua tauimari maittaccazama Deo Atti cacomeraqquiri narrarideni dozo narronemanarraripa arrama quequenanarrari: “Ia Idinide icca uimasiri inanamossiniuarrine nauato taui orrari naui. Pouaza parrissa inezape icca uimasiri inanamossi tani” quenapoui nade. Narraro uimape madirra bazimaza torrarraro −narrari Pedoro.

Tahimarideni 13:47

Abi Deopa madirra bazima maride iquerrenaniuarrine Poua Atti dozo naponiccaza ia tocazossebaqquirrari. Narraroa arri Poua Atti cacomerabote Izaiacca dozonirriza arrima narraro: “Orrine tiadeni pina ssiuarranissa tiquenezape zodeo querrena-rrararrarideniza madirra tocassiuauerauiuarrine tauimari auato tinanemananiuarrine mari mari titicanabaqqui-rizemana nezape zama nemaneheza madirizemanarrarideni tocassiuauerauiuarrine, onarraro” napoui nade Deo −narrari Paoro.

Tahimarideni 15:9

Deopa pina iaza inanarrarossa narraro pouadeniza naqui nema inanarraro. Arra Pouarrine Zesoza parrissa quenazapa pouadeni bodi inauisso-baqquirrari.

Tahimarideni 2:38

Nazapa Pedoro pouadeniza uati tarrari: —Ticcadeni uimasiri tinebomanarri, Deozara tiquerrenaniuarrine. Nazana Deo ticcadeni uimasiri peperri inanezape passo dopaniza niquide ticarrimanani bica tani. Zeso Cristo oniza passo dopaniza niniqui ticarrimanarri. Nazana Deo Poua Corime tibodideniza torrarizauiuarrine.

Tahimarideni 20:21

Arri zodeodeni, zodeo querrena-rrararrarideniza naqui Zeso Cristo tauimari mari mari onarizezape ouatti arrima ohonanarrarode: “Ticcadeni uimasiripe tinebomaneza Deozara iboraqquiri tiquenarri. Ia Zozossede Zeso Cristoza parrissa tiquenarri” ohonanarrarode.

Tahimarideni 20:32

—Ouimecotedeni, rridapanape Deoza timadimanana, tiadeni onebobaqquini. Deo tiadeni touacaua-baqquiuissa tauiuarrine Pouaza uati uati ohonanarraro. Deopa madirraza uati cauanari canaui tauimari tiadeniza uati onarrarode. Pocca touati uanehe tauimarinirrinena ticcadeni rrehenirri todacorani nanitoui. Deo Poua uati taporraricca uima bicani tiadeniza da inanitoui. Narrarope arra pocca madirra toquerrenauiuarrine icatterriza-baqquirrari bazimaza da inarizanitoui. Pina poua uati taporrarissa narrari −narrari Paoro.

Tahimarideni 26:19

Nazapa Paoro attia: —Tamine Aquiripa, arri uati onarrarope Deorrine pina occa uadassa nehe ocarrirraro Zeso ouaza auatozapa poua attiza ibo onerrerarraroparri.

Tahimarideni 26:23

Narraro uimape arrima narraro: “Mesiapa narrizoue imeni tonauanaza uatiauitoui. Ppa izemanaraha nauatoniuitoui. Rricaporrarideni bazimapa niza zotodena nauatonimanauitoui. Naraha Mesiapa taide nauatonipouitoui. Nauatonizapa pina ziziniza ssiuarrani tossiuarrabaqquirrarossa naza pouana icassiuaueraniuarrine tauimarini auato inanezapa zodeodeni, zodeo querrena-rrararrarideni noccodeni ssire inanabaqquiuitoui” quenaporrari Deo Atti cacomeraqquiri narrarideni attidenipa −narrari Paoro.

Tahimarideni 3:19

—Narrarorrinea tiadeniza ouattipe: Rridapanape tibodideni cacarriqquimerarri, Deoza tiquerrenarri, onarraro. Nema tiquenezape Deo ticcadeni uimasiri sse inanitoui. Nazapa ia Zozossede Deo tibodideni rrassi tonanabaqquiuitoui.

Tahimarideni 5:31

Deopa pocca dacorehe Zesoza inanezape deni inanarrariparra. Deo Poua uinori nauatoniuarri Zeso inauittarizapa Pouarrine madirra bazimacca tamine torrarrari. Deo Pouarrine madirra Tonassiuauade torrarrariparra. Ia Izarraeodeni Tonassiuauade torrazapa pouarrine ibodi cacarriqquimerezape Deoza iquerrenarraro. “Icca uimasiri inebona” inezape Pouapa icca uimasiriza: “Ouati rrimani” narrari.

Romanodenidsa 8:17

Nazama Deocca erredeni iquerrenezape pocca danirri bicani iaza torranitoui. Uapima Deorrine pocca erredeni Zeso Cristoza torrarrarope iaza naqui torranitoui. Parrissa Cristo poua tezerre ocasserani ezape niza zotode pocca cacaueheza bacco ineza poua tezerre pocca deni torreheza ia naqui imadinitoui.

1 Corintodeniza 1:2

Oza panani Corintouarricca Deoza tiquerrenarraro titiqueriqqui naniuarri tiadeniza arrirraro uima zosse inarraro. Bazima Zeso Cristoza parrissa tiquenezape pouarrine tibodideni touissorizarraro. Narrarorrine Deocca tiquerrenarraroparri. Deo tiadeniza uaua narraripa: —Ouazara tibodideni uatoni orrari narri −narrari. Zama bazimaza madirizemanarrari Zeso Cristoza parrissa quenarrarideniza naco: —Ouazara tibodideni uatoni orrari narri −nanarra narrari. Zeso Cristopa pouadeni Zozossede. Narrari orrariui ia Zozossede.

1 Corintodeniza 1:30

Taidepe arri Deo Pouarrine Zeso Cristoza irrariqquirraroparri. Pouarrine naqui Cristoza icauatterara canarraroparri. Cristorrine icca uima Deoza parrirenissa tarraro. Ibodi tonauissorrari. Uimasiriza imadizanapo-rreraniuarrine ia todinibaqquirrari.

2 Corintodeniza 4:4

Narrarideni Zesoza rrehe quena-rrararraripa arrirraro zamacca zozossede Tocorime-Tamine bodideni ecossabaqqui-zanaporrari. Nama quenazapa Zeso Cristo tauimari icassiuaueraniuarrinecca bodideniza tossiuarra-rrerarraro. Cristo bicabote, ssiuarra taui, Imehi Deossa narrari tauimari mari mari inarraro mittemana-rrararrari.

2 Corintodeniza 4:6

Deopa zama inauatopozama uati tarrari: —Ziziniza ssiuarrani tossiuarrarizana −napozapa ssiuarrani tossiuarrabaqquirraro. Ibodiza naqui Poua ssiuerrene inanarraro, pocca biquehe, pocca deni torrehe nauatoqquiri inaniuarrine. Narraro pocca biquehe, pocca deni torrehepe Zeso Cristo pouaza auato tarraro.

2 Corintodeniza 6:14

Rrehe, tiadeniza ouatti naqui: Zeso Cristoza rrehe quena-rrararrarideniza ticarrimemana terrerarri. Arri uima bicanipe uimasiri tazarrani carrimaniuarrine ssamo tani. Pina ssiuarrani zizini tazarrani carrimaniuarrine ssamo tarrarossa narraro.

Carasiadeniza 2:20

Ouape Zeso Cristo tezerre aua porimacossaniza ipamarronarrarossa neza occa madie rradanibotepe rricarraro. Rridapanapa Cristona ouaza madirrari. Nazama arrirraro namiza ouassirema omadiccazape Deo Bedi Zeso Cristoza rrehe ozanapoza omadirraro. Narrarina otoui uati uana tarraride. Oua tonassiuauauiuarrine zoqqueheza poua ccaccorarraride.

Carasiadeniza 3:14

Cristo ia todinibaqquirraripa arra zodeo querrena-rrararrari pouaza rrehe quenarrarideni naco uatizeheri carrimanauiuarrine. Narraro uatizeheripe Deo Abarahaoza uati taporrarissa narraro pouadeniza torraniuarrine. Uima onihi naqui iape Zeso Cristoza rrehe inezape Deo Poua Corime iaza inanarizarrari, pina Poua uati taporrarissa narraro iaza da inarrari.

Carasiadeniza 3:2

Rrari, arrirraro ouatti orrarie tecomeremananiuarrine touini onarraro. Arra Deo Poua Corime tiadeniza inanarizarraripa Moizecca marinarraza iboraqquiri tiquenarrarorrinequi? Nouerani! Zeso Cristo tauimari timittemaneza parrissa tiquenezana Deo Poua Corime tiadeniza inanarizarraride.

Epesodeniza 1:11

Deopa Poua nacassa tauicca inananiuarrine touini naza narrarossa inanarraro. Taide madirra iquerrene- rreraccazama Deopa: —Madirra ocatterrizabaqquiuitoui, occa madirra toquerrenaza pouadeniza occa danirri bicani da onabaqquiniuarrine −napoui nade. Nezape Zeso Cristoza parrissa ineza Deocca madirra iquerrenarraro. Nezape Deo pocca danirri bicani uati taporraricca iaza inanarizanitoui.

Epesodeniza 1:14

Deo Poua Corime iaza inanarizarraripa pocca danirri bicani uati taporraricca parrissa iaza torranitoui nauatoto inaniuarrine. Narraro danirri bicanipe niza zotode pocca madirra idinibaqquia rricauissa tazapa pocca danirri bicani bazimaza da inarizanitoui. Deo nama narraria madirra Pouaza uatizemanaza: —Rrehe Abi Deo, bica tinani, deni tirrani! −quequenanauiuarrine.

Epesodeniza 1:18

Deoza ouatti onihi naqui: —Abi Deo, pouadeni tezerremacca uima bicani bodideniza auato tinanarri −ohonanarraro. Deopa pocca madirra tiquerrenaniuarrine tiadeni uaua tabaqquirrari. Itezerremacca uima bicani iaza torraniuarrine touini imadirrarope parrissa iaza torranitoui. Narraro nauatoqquiri tiquenaniuarrine Deoza uati uati ohonanarraro. Deo Pouaza toquerrenarrarideniza pocca danirri bicani da inani nauatoqquiri tiquenaniuarrine naqui Pouaza uati uati ohonanarraro.

Epesodeniza 1:7

Uimasiri iaza dacoreraha Deo itoui uati cauanari canaza ia tappa tabaqquiuiuarrine pocca erredeni eccorarrari. Poua emene toccarrarope icca uimasiri manaconi torrarraro. Nazapa Deo iaza: —Ticcadeni uimasiriza peperri onani −narrari.

Epesodeniza 2:8

Abi Deopa titouideni uati cauanari canarraria tiadeni tonassiuauabaqquirrari. —Zeso Cristo parrissa itoui zoqquerrari −tiquenezape tiadeniza tossiuauehe inanarraro. Tirrinedeni rrerani. Abi Deo touini naza manaconi rrirehe tiadeniza inanarraro.

Epesodeniza 4:18

Bodideni zizi tarrarorrine mittemana-rraraui. Deo Atti ssamoqquiri nazapa Deocca madie bicaniza uatizemana-rrararrari. Bodideniza iboue dacorarraro.

Epesodeniza 5:11

Arra ziziniza madimanarraridenipa uima bicani tonanade ssamoqquiri narrari. Pouadenipa uima ponimacca, uaidira tanicca inanemaneraha tiadenipe pouadeniza ticarrimemana terrerarri. Pouadenirrine uaidira tarrarope auato tinanemananina bica tani. Pina ssiuarraniuarri rroca tininebaqqui-manarrarissa tiquenana.

Epesodeniza 5:14

Deo ssiuerrenerrine bazima touatonissa tarraro. Narrarorrine maittaccazama arrama quequenanarrari: —Tedarraro nocco tirrarri! Tetieraha ticamittemanirri! Cristo poua ssiuerrene tibodiza ssiuarrarizanitoui −quequenanarrari, rriri rriri quenaza.

Epesodeniza 5:8

Rrehe uaidireheza timadimanapozape Deo rrirehe timadimanarrarode. Pina ziziniza timadimanarrarossa naraha Zeso Cristoza tiquerrenezape Deo tiadeniza torrizerarrari. Rridapanape ssiuarraniza timadimanezape pina Deo ssiuerreneza madimanarraridenissa tiquenana.

Epesodeniza 6:12

Uimasiri deni torrarreraniuarrinepe rrazire inanarrarossa narraro. Naraha icauadireniuarrinepe madirra assire carrimana, tone carrimana narrarideni tezerre rrerani. Pouadeni assire cappiremanarrari qqui inabaqqui- rrararrarideni tezerrena icauadirerraro. Narraridenipa uaidirehe rrinede Tocorime-Taminecca zozosse tabaqqui memeuarri rrauirizarrari. Memeuarri madimanaraha arrirraro namiza dacorehe carrimanarrari. Pouadenipa ziziniza madimanarrarideni ihicazosse-baqquimana narrari, uaidirehe inanemananiuarrine.

2 Timoti 2:26

Deorrine bodideni uatomauissa tazapa Tocorime-Taminecca maizehe inebomananiuarrine. Tocorime-Tamine zepeza toquerrenazapa poua toui nauicca inanemanaraha Deo tappa inabaqquiuitoui.

Ebreodenidsa 10:10

Zeso Cristopa ibora taza Deo Poua touini nauicca inanarraro. Poua ime ccaccorazapa icca uimasiri manaconi torrarraro. Pocca danirripe orrarirraro. Onihi noueranitoui. Poua emene icca uimasiri manaconi torrarrarope parrirenissa zanaporraro. Nama narraria Deo pocca madirra bicaqquiri inaniuarrine ia tonanabica-baqquirrari.

Ebreodenidsa 10:14

Pocca danirri uimasiri manaconi torrarrarope orrarirraro. Narraroza Deocca madirra tobiquemanarraridenicca uima Deoza parrirenissa zanaporraro.

Ebreodenidsa 11:6

Ia naqui Deoza rrehe inerrerezape irrine Deo uatizeuiuarrine ssamo tani. Madirra Deoza touarriressiuiuarrine touini nazapa taide poua bodi: —Rrehe, Deo aniui. Pouatoui quenarrarideniza pocca biquehe da ina tani −napozana Deoza touarriressiuiuarrine parrireui.

Ebreodenidsa 9:15

Rrehe, Zeso Cristo poua ccaccoraza poua emene toccarrarorrine pouana Deocca rrehe canirenirri zati iaza inanarraro. Arri Deocca rrehe canirenirri taideccaza madirra iboqquiri nazapa uimasiri ihinanemana narraro. Narraro uimasiri manaconi Zeso zoqquerrariparra. Nama nazapa Deo pocca madirra toquerrenauiuarrine icatterriza-baqquirrarideni pocca biquehe rriquerreranicca carrimana-zanapouitoui. Pina Deo Poua uati taporrarissa inananitoui.

Satiacocca 2:5

Ouimecotedeni, tiadeniza ouati uana tani. Arrirraro uima timittemananissa tarri: Deopa arrirraro zamacca madirra touati nauanaqquiri narraridenina icatterrizabaqquirrari, poccadeni rrehenirri dacoraniuarrine, pocca cacauehe pouadeniza torraniuarrine. Pocca cacauehepe Pouaza uatideni uanaqquiri narrarideniza torrarraro, pina Poua uati taporrarissa narraro.

1 Pedoro 1:4

Narraro touini imadirrarope parrissa iaza torranitoui. Memeuarri Deo Poua madiuizape iaza inananiuarrinecca Pouana ecauarraro. Narraro iaza da inaniuarrinepe bica tanicca ponira. Touaidiraniuarrine ssamo tani, rricaniuarrine naqui ssamo tani.

1 Pedoro 2:25

Taide tiadenipe pina eueue rrano toquerrenarrarissa tiquenarraro. Tiadeni Cacauadeza uarriqquiri tiqueneraha rridapanana Zeso Cristoza rraui tirraqquinirraro. Pouapa eueue cacauadessa narrari. Nocco panaza tiadeni touacaua-baqquirrari.

1 Pedoro 2:9

Naraha tiadenipe Deocca tocatterrizabaqquinarra tiquerrenarraro. Deopa ticcadeni tamine deni torrarrari. Tiadenipe pina Deoza dada toqquimadedenissa tiquenarraro, Deo pocca zossenirriza tizepedeni irrimanazanaponiuarrine. Pocca madirra tiquerrenarraro. Pouazara iboraqquiri tiquenarraro. Tiadeniza: —Occa madirra, occa todinibaqquinarra −narrari Deo. Taidepe ziziniza timadimanaporaha rraui tirrenaniuarrine tiadeni uaua tabaqquirrari. Deo tiadeni nama tonanabaqquirraripa Poua ssiuerrene bicaboteza timadimananiuarrine. Poua tauimari bicabote deni torranicca tecomerarizemananiuarrine.

1 Zouao 1:9

Naraha nauatoqquiri inani: Deopa maizera taui. Pocca uimape toccanissa tarraro. Pouaza icca uima ecomereza: —Occa uima uaidira tani. Uimasiri ocarrini −inezape Deopa icca uimasiriza: —Peperriua, ouadi-rrerani −narrari. Icca uaidirehe sse inarraro.

1 Zouao 2:12

Ouimecotedeni, occa erredenissa tiquenarraro. Tiadeniza dozo onarrarope Zesopa ticcadeni uimasiri manaconi torrarrarirrine Deo ticcadeni uimasiri peperri inanarraroparri.

1 Zouao 3:8

Naraha madirra uimasiri totonanadedenipa Deoza uauadide Tocorime-Taminecca madirra. Tocorime-Taminepa taide uimasiri inanarronarraroa rridapana arrirraroparri. Narraricca uaidirehe inarricaniuarrine Deo Bedi ccaronarrari.

1 Zouao 5:19

Nazama iape Deocca erredeni iquerrenerre narraro ibodi nauatoqquiri inarraro. Naraha zama nemanehecca madirra motapa Deoza uauadide Tocorime-Tamine attizara iboraqquiri narrari.

Jodacca 1:1

Nirra ouimecotedeni? Ouape Zoda, Tiaco imecote orrani. Ouape Zeso Cristoza ozepe irrirraro. Arrirraro uima teppe tiadeniza dozo onarraro. Abi Deo tiadeniza uati uana tazapa tiadeni uaua tabaqquirrari, Zeso Cristoza tiquerrenaniuarrine. Zeso Cristopa tiadeni Cacauade torrarrari.

Apocalipsis 21:27

Narraro oza pananiuarripe Deo nacassera tauicca noueranitoui. Madirra uimasiri totonanadedenipa rrauizima-rrarauitoui. Madirra mamaizadedeni naco rrauizima-rrarauitoui. Arra Eueue Bedicca papeo camittehe carrimana-zanapouiuarrineccaza onideni dozo narizarraridenira rrauizimaui orrariuitoui.