Tahimarideni 24:1 - Kulina New Testament Brazil

¹ Nazapa Perisiza Paoro madiuicca uada 5 nazapa tamine Ananiapa oza panani Sezareaza bacco narronarrari. Pouapa oza panani Zerozareuarricca dada toqquimadedenicca tamine deni torrarrari. Pouaza rrauirronauipa ime rrocouideni mota, uima uauati toqquimade nauatobote orrari narronemanarrari. Uima uauati toqquimade onipa Teotoro. Nazama narraridenipa zama cacauade Perisiuarri rraui torrezimarrari, Paoroza uima inassonarimananiuarrine.

Culina Mádija

¹ Nadsapa Ferisdsa Pablo madihicca huada 5 nadsapa tamine Ananiapa odsa panani Sesareadsa bacco najonajari. Pohuapa odsa panani Jerosarehuajicca dada toqquimadedenicca tamine deni tojajari. Pohuadsa jahijonahipa ime jocohuideni mota, ima huahuati toqquimade nahatobote ojari najonamanajari. Ima huahuati toqquimade onipa Teotoro. Nadsama najaridenipa dsama cacahuade Ferishuaji jai tojedsimajari, Pablodsa ima inassonarimananijine.

Tahimarideni 24:1 Iomraidhean Croise

Tahimarideni 12:21

Naraha Erodipa Barastoza: —Niza uada onihizana uimarideni omittaniuarrine −narrari. Nazapa narraro uada bacco teza pocca uima uati tauiuarrine tamine Erodi pocca etero bicani uezazapa madirra queriqquimanauiuarri toqquezimarrari. Nazapa pocca uiuittari bicaniza uittarizapa uima uati uati tarrari.

Tahimarideni 21:27

Nazapa uada 7 nehe bacco tabote naza Paoropa poua motta Deoza dada toqquimauarri toqquezimapomarrari. Naraha zama Asiauarricca zodeodeni naui bodiuarri rraui torrezimaza Paoro qqui toquenazapa pouaza uadimanarrari. Pouadenipa Paoroza noccodeni rrizera narrari. Poccadeni zamauarri maride ccarizaza taide pouaza uadimanaporrari. Nazapa narrarideni uadimanapomazapa Paoroza uima inanemanarraro. Rroua rroua quenaza Paoro dama iquenarrari. Madirra bazima pouaza uadimanauiuarrine attidenipa arrama quenarrari:

Tahimarideni 23:2

Naraha dada toqquimadedenicca tamine deni torrarrari Ananiapa naui Paoro uinoriza madirra domo uarrarideni icazossebaqquirrari: —Arrari ppa tizimemanarro! −narrari.

Tahimarideni 23:30

Naraha zodeodeni motapa: “Paoro inanazoqquena” quenaui uima omittezape uassinarra tiauarri zosse onarrari. Nezape zodeodeniza uati onarraro: “Paoroza boqueqquiri tiquenezape zama cacauadeuarri rraui tirrarri, pouazana ticcadeni uadie tecomeremananiuarrine” onarraro. Rrehe, peperri, occa uima. Oua onipe: Craodio Risia −narrari pocca uima teppeza.

Tahimarideni 23:33

Nazapa oza panani Sezareaza bacco toquenazapa zama cacauade Perisiuarri rraui torrezimaza uima teppe da iquenarraro. Paoro naco pouaza inebomanarrari.

Tahimarideni 24:11

Maittazama onihima naza Zerozareuarri bacco onanirraro. Rridapanape uada 12 bacco tani. Naniza bacco onanipozape Deoza ouatizeniuarrine dada toqquimauarri oqquezimade. Touini tezape nauiza madimanarrarideniza uati tineza “Parrissa poua qqui inade” quenauitoui.

Tahimarideni 24:2

Nazapa Paoro naco ua iquenaza qquezimazapa Teotoro poccadeni uadie uati tarrari Perisiza: —Nirra tamine Perisi. Tiape bica tineza tirrine rroneheza imadinissa zanaporrarode. Nauato tinezape icca zama Zodea bazima naqui tirrine tobicarizarraro.

Tahimarideni 25:15

—Naraha zama cacauade orrapozape Zerozareuarri oqqueza zodeodeni dada toqquimade taminedeni, poccadeni ime rrocouidenima Paoroza boqueqquiri naui parra nazapa ouaza uati toquenade: “Paorocca uimape uaidira tani. Ticca zozosse tabaqqui ticazossebaqquirro, Paoro inanazoqque-manauiuarrine” quenarrari.

Tahimarideni 25:2

Nauiza bacco taza dada toqquimade taminedeni, zodeodeni ime rrocouideni tezerrepa zama cacauade zatiza rraui torrezimarrari, Paoro tauimari uati toquenauiuarrine. —Paorocca uimape uaidira tani −quenaza uati uati toquenarrari.

1 Corintodeniza 2:1

Ouimecotedeni, Deocca parrissehe auatora taporrarocca tiadeni mari ocanabaqquiniuarrine oqquezape arrirraro zamacca deni toquerrenarrarideni attidenissa narraroza uati uati onerrerade. Nauatoqquiri narrarideni attidenissa narraroza naqui tiadeni mari ocanabaqqui-rrerade.

1 Corintodeniza 2:4

Nazama ouattiza rrehe tiquenaniuarrine touatti nauatoue carriniccaza tiadeniza uati uati onerrerade. Tiadeniza uatide orreza, maride orreza naqui touatti narrora taniccazara uati uati ohonanade. Deo Corime oua acco canaza Deocca dacorehe auato onanarrarorrine occa marinarraza rrehe tiquenade.