Tahimarideni 23:7 - Kulina New Testament Brazil

⁷ Paorocca uima nema nani mittemanazapa parizeodeni, sadoseodeni tezerre pouadenira boquemanaza zaua zaua canarrari. Nazapa uima cacattemadedeni uima inapamemanezapa rrehe canire-rrararrari.

Culina Mádija

⁷ Pablocca ima nema nani mittamanadsapa pariseodeni, sadoseodeni tedseje pohuadenira huadimanadsa dsahua dsahua canajari. Nadsapa ima cacattemadedeni ima inapamamanadsapa jehe canire-jarajari.

Tahimarideni 23:7 Iomraidhean Croise

Mateo 10:34

—Tiadenipe tibodideniza: “Rrehe, Zesopa arrirraro namiza rronehe torrarizaniuarrine ccarronarrari” tiquenanitide. Neraha ouape madirra carronerara canauiuarrine occarrona-rrerani. Madirra cauadirere canauiuarrinera occarronarraro −nade Zeso.

Tahimarideni 14:4

Naraha naui oza pananicca madirra uima inapamemanezape motapa: —Zodeodeni Zesoza rrehe quena-rrararraridenicca uimana bica tani −quenarrari. Naraha motadeni naco: —Zeso tauimari maridedenicca uimana bica tani −quenarrari.

Tahimarideni 23:6

Nazapa Paoro bodi nauato tarraria arra zodeodeni motaha arra marinarra onini parizeoza rrehe quenarrarideniparra. Poccadeni marinarrape onihi ecauemanarraro. Zodeodeni motaha arra marinarra onini sadoseoza rrehe quenarrarideniparra. Poccadeni marinarrape onihi ecauemanarraro. Nazapa parizeodeni pouaza uatideni uanaqquiri nauiuarrine Paoropa rrazirema uati tarrari: —Ouimecotedeni, ouape marinarra parizeoza rrehe onani, occa abi naco rrehe narrari. Nazama ouape arra rricarraridenipa nauatonimanauitoui ohonanarraro. Narraro occa uimarrinea ouaza uadiqquiri narraridenipa oua inarrizomananiuarrine touini quequenanarrari −narrari Paoro.

Tahimarideni 23:8

Arra marinarra sadoseoccape: —Izoqquezape inauatoninira tani, Deocca zozosse tabaqqui memeuarricca naco noueraui, icorime naqui nouerani −quequenanarrari. Naraha marinarra parizeoccape: —Izoqquezape inauatoni tani, Deocca zozosse tabaqqui memeuarricca naco madimanaui, icorime naqui icarrini −quequenanarrari.