Tahimarideni 23:34 - Kulina New Testament Brazil

^34-35 Nazapa Perisipa uima teppe ua inehe rriquezape Paoroza uati tarrari: —Nerreco zamauarricca tirrani? −naza Paoro: —Zama Sirisiauarricca orrani −narrari. Nazapa: —Niza tia rraradedeni bacco narronemanazana ticca uima omittaniuarrine −narrari Perisi. Nazapa pocca zozosse tabaqqui icazossebaqquirrari, tamine Erodi tazariboteza Paoro ecauemanauissa tauiuarrine.

Culina Mádija

^34-35 Nadsapa Ferispa ima teppe hua inehe jicadsapa Pablodsa huati tajari: —¿Nejeco dsamahuajicca tijani? −nadsa Pabloa: —Dsama Ciliciahuajicca ojani −najari. Nadsapa: —Nidsa tia jaradedeni bacco najonamanadsana ticca ima omittanijine −najari Feris. Nadsapa pocca dodosse tabaqqui icadossebaqquijari, tamine Herode tadsaribotedsa Pablo ecahuamanahissa tahijine.

Tahimarideni 23:34 Iomraidhean Croise

Roca 23:6

Madirra attideni: —Zama Carireauarri mari mari naporrari −quenaui mittazapa Pirato attia: —Arrarraripa Carireaccaco? −narrari.

Tahimarideni 15:41

Touedazapa zama Siriaza bacco toquenaza maride toquerrena, denimacca zama Sirisiaza bacco toquenaza maride toquerrena zanaporrari. Nauiuarricca Zesoza rrehe quenarrarideni inauatizebaqquirra zanapoui narrari.

Tahimarideni 21:39

Naraha Paoro attipa: —Ouape narrari orrarrerani. Ouape zodeo madirra, zama Sirisiauarri ossonarrarode. Occa oza pananipe Tarso. Narrarope oza panani imeni. Madirra bazima nauatoqquiri naui. Ouattiza rrehe taqui? Occa madirraza uati onaccana, onarraro −narrari.

Tahimarideni 25:1

Nazapa Pesto zama cacauade torrauiuarrine oza panani Sezareauarri bacco narrari. Naui Sezareaza madiraha uada 3 naza oza panani Zerozareuarri toccarrari.

Tahimarideni 6:9

Naraha zodeodeni motapa Estevao tezerre arrauarri uati arrauarri uati quenarrari. Naui Zerozareza pouadeni quequeriqquimana nauiuarricca oninipe: Zozosse toquerrenaporaha tappa tabaqquiuicca icanacanimanarraro. Pouadenipa oza Sirenecca, oza Aresadriacca, zama Sirisiauarricca, zama Asiauarricca quenarrari.