Tahimarideni 22:21 - Kulina New Testament Brazil

²¹ Naraha manaco oua Zozossede ouaza uati tade: “Peperri, ticcarri. Rridapanape zama uarri tanicca madirra zodeo querrena-rrararrarideni mari ticanabaqquiuiuarrine tia zosse onarraro” nade ouaza −narrari Paoro.

Culina Mádija

²¹ Naraha manaco ohua Medsede ohuadsa huati tade: “Epeje, ticcaji. Jidapapi dsama huaji tanicca madija jodio quejena-jarajarideni mari ticanabaqquihijine tia dosse onajaro” nade ohuadsa −najari Pablo.

Tahimarideni 22:21 Iomraidhean Croise

Tahimarideni 13:2

Nazapa toqueriqquimanaza rripehe nebocossemanaza Deozara uatizemananarra pouadeniza Deo Corime uati tarrari: —Rrari, Banabe Saoro tezerre ticatterrizabaqquimanarro. Pouadeniza uaua onarrarope zama onihi, onihiza Ouattiza zepedeni irrimanauiuarrine −narrari.

Tahimarideni 18:6

Naraha Zeso tauimariza nacasseraqquiri nazapa Paoro itamassoqquimanarrari. Nazapa Paoro pouadeniza paparra naui auato tauiuarrine pocca etero ppoto ppoto naza uati tarrari: —Peperri! Nema tiquenezape tirrinedenina uimasiri tiadeniza tinassonarimanarraro. Deo tiadeni tonarrizo-baqquizapa orrine rrerani. Rridapanapa zodeo querrena-rrararrarira mari ocanabaqquina −narrari Paoro.

Tahimarideni 9:15

Naraha ia Zozossede Zeso Ananiaza: —Rrari, nema nehe ticcarri, pina ouattissa tinanarri. Saoro ocatterrizarrari. Pouapa occa uimaza zepe irririzauitoui. Zama bazimacca madirra, taminedenima mari icanabaqquiuiuarrine. Izarraeodeniza naco otauimari mari icanabaqquiuiuarrine. Nazapa otauimariza: “Rrehe, Zesopa parrissa Deo Bedi” quenauiuarrine, onarraro.

Romanodenidsa 1:5

Narrarina ouaza uati uana taza oua cazosserrari, zama bazimacca madirra poua oni mittarizemanauiuarrine. Ouattipe: —Zeso Cristoza parrissa tiquenanissa tarri. Pocca marinarraza iboraqquiri tiquenarri −ohonariza naniuarrine oua cazosserraride.

Romanodenidsa 11:13

Naraha zodeo tiquerrena-rrerarraro tiadeniza uati onarraro. Deopa oua cazosserrari ouaza bica taza tiadeni maride damera onarraro.

Romanodenidsa 15:16

Zodeo querrena-rrararrarideniza uima bicani torraniuarrine Zeso Cristoza ozepe irrirraro. Pina poccadeni Deoza dada toqquimadessa oneza Deocca uima bicani icassiuaueraniuarrinecca mari ocanabaqquirrari. Nema onezape pouadenipa pina occa danirri Deoza da onarrarossa quenarrari. Narraro danirripe Pouaza bica tarraro. Poua Corime pouadeni inauissobaqquizapa Pouaza toquerrenauissa tarrari.

Romanodenidsa 16:26

Naraha rridapanana touatorraro. Pina Deo Atti cacomeraqquiri narrarideni dozo iquenaporrarossa, pina Deo madizanaporraricca zossenirrissa narraro Zeso Cristo tauimari zama bazimacca madirraza torrarizarraro. Narraroza parrissa quenazapa pouaza iboraqquiri nauiuarrine.

Epesodeniza 3:3

Deo pocca uima bicani taide madirraza auatora taporaha Pouarrine ouaza touatorraro. Narraro uima bazira tehe taideuarri dozo onapopa.

1 Timoti 2:7

Narrarope Zeso poua tauimari ouacomera-rizaniuarrine otoui uaua nazapa pouarrine pocca zozosse orrarraro. Zodeo querrena-rrararrarideni poua tauimariza parrissa quenauiuarrine, pocca parrisseheza naco rrehe quenauiuarrine mari ocanarizabaqquiuiuarrine oua zosse tarrari. Parrissehera dozo onarraro, omaize-rrerani.

2 Timoti 1:11

Narraro uima bicani ouacomera-rizaniuarrinepe Deo otoui uaua naza Pouarrine pocca zozosse orrarraro. Poua tauimari mari ocanabaqqui-rizauiuarrine oua zosse tarrari.