Tahimarideni 21:5 - Kulina New Testament Brazil

⁵ Naraha naniza icca uada 7 nezape Zerozareuarri rrauirraniuarrine irroppemapomade. Darroni imeniuarri rrauirrezippanizape pouadeni naco maqquiderre, amonerre, erredeni bazima ia qquide rrauizippade. Nezape nani ssiquiza ipitoza rrassi inaza Deoza uatide iquerrenade.

Culina Mádija

⁵ Naraha nanidsa icca huada 7 nadsapi Jerosarehuaji jaijanijine ijoppemapomade. Canoa imenihuaji jaijedsippanidsapi pohuadeni naco maqquideje, amoneje, ejedeni huapima ia qquide jahidsippade. Nadsapi nani ssiquidsa ipitodsa jassi inadsa Diodsa huatide iquejenade.

Tahimarideni 21:5 Iomraidhean Croise

Mateo 14:21

Naza arra madirra rripemanarraridenipa maqquiderre 5 mil quenarrari. Denima poccadeni amonerre, poccadeni erredenideni naco rripemanarrari.

Maraco 1:40

Nazapa madirra zamacoma onini leprarrine uapi rrazimaroui Zesoza ccarronarrari. Poua bodipa: —Zesopa deni torraui, ouape arrimani orrani −naza Zeso baccouarri poua pitoza uitta naza Zesoza uati tarrari: —Oua Zozossede, ouape bica onerrereraha tia touini tezape oua tinanabicaniuarrine nauato tinani −narrari.

Roca 22:41

Zesopa pocca zozosse tabaqqui rrassi tauiza toqqueqquimarrari, cauarriqquima naza poua pitoza uittaza Deoza uati uati tarrari.

Tahimarideni 15:3

Nazapa arra icatterriza-baqquirraridenipa Atioquiacca Zesoza rrehe quenarrarideni attideniza Zerozareuarri rraui torrarrari. Zama arobeni Penisiaza bacco toquenazapa nauicca Zesoza rrehe quenarrarideniza Paorodeni uati toquenarrari: —Rrehe, icca bobodezape zodeo querrena-rrararaha poccadeni uima inebomaneza rridapanapa Abi Deozana toquerrenarizaderra −quenarrari. Zama arobeni Samariaza bacco toquenaza naco narraro uima uati narizemanarrari. Nazapa Zesoza rrehe quenarrarideni bazima poccadeni uima mittemanazapa uatizemanarrari.

Tahimarideni 17:10

Naraha narraro zomeza Tesaronicacca Zesoza rrehe quenarraridenipa uassinarra Paoro Sira tezerre zossesse inabaqquimanarrari, oza panani Bereauarri touedauiuarrine. Touedazapa Bereaza bacco toquenaza nauiza madimanarrari. Nazapa zodeodenicca Deo Atti mamariuarri totouedezima narrari, Zeso tauimari maride.

Tahimarideni 20:36

Paoro pocca uima uati taha rricazapa arra Epesouarricca Zesoza rrehe quenarrarideni cacauadedenima Deoza uati toquenauiuarrine pouadeni pitoza rrassi tarrari.

Tahimarideni 20:38

Nazapa Paoro attia: —Oua qqui timanimana-rreranitoui −napoza pouatoui bodideni uatome-manaza bodideni uanacossarrari. Nazapa Paoro darroni imeniza toccauiuarrine qquide rrauizippade.

Tahimarideni 9:40

Naraha Pedoropa bazima amossiniuarri zosse ininebaqquiza poua pitoza uitta naza Deoza uati tarrari. Nazapa totemaza arri uatiarraroza uaua narrari: —Tabita, titemarri −nanarra nocconi ssire-re neza Pedoroza cattoma neza totema, uittari narraro.