Tahimarideni 21:2 - Kulina New Testament Brazil

² Naniza darroni imeni onihi zama arobeni Penisiauarri touaccaniuarrine canarrorani qqui icanade. Nezape narrarozana rrauirrezezape rrippeuarri iaqquerrizade.

Culina Mádija

² Nanidsa canoa imeni onihi dsama arobeni Penisiahuaji tohuaccanijine canajorani qqui icanade. Nadsapi najarodsana jaijedsadsapi jippehuaji iaqquejidsade.

Tahimarideni 21:2 Iomraidhean Croise

Tahimarideni 11:19

Nazama Estevao zoqqueui nattipa Zesoza rrehe quenarrarideni mota nanarrizo toquerrenaza arrauarri domo tocca, arrauarri domo tocca narizarraria arra zama Penisiauarri bacco, zama Sipreuarri bacco, oza panani Atioquiauarri bacco toquenarrariparra. Nauiza bacco tarizemanazapa Zeso Cristo tauimari icassiuaueraniuarrinecca uima nauiuarricca zodeodenira mari icanabaqquimanarrari.

Tahimarideni 15:3

Nazapa arra icatterriza-baqquirraridenipa Atioquiacca Zesoza rrehe quenarrarideni attideniza Zerozareuarri rraui torrarrari. Zama arobeni Penisiaza bacco toquenazapa nauicca Zesoza rrehe quenarrarideniza Paorodeni uati toquenarrari: —Rrehe, icca bobodezape zodeo querrena-rrararaha poccadeni uima inebomaneza rridapanapa Abi Deozana toquerrenarizaderra −quenarrari. Zama arobeni Samariaza bacco toquenaza naco narraro uima uati narizemanarrari. Nazapa Zesoza rrehe quenarrarideni bazima poccadeni uima mittemanazapa uatizemanarrari.

Tahimarideni 21:3

Nezape passo imeni nocconi iquerrenaza zama onihi uittacossani qqui inade, oninipe Sipre. Naraha narraro zamazape issoniqquimade. Denima iaccarrarope zama Siriaza bacco inade. Nanicca oza panani Tirozana uana icanezape darroni imenicca tozepetarri inebomananiuarrine narromanaza rrauirremoraccade.

Tahimarideni 27:6

Nazapa nauiza rromanodenicca isso teppeppe zossede darroni imeni onihitoui qqui narizazapa oza panani Aresadriacca darroni imeni Itariauarri touaccaniuarrine qqui icanade. Pouapa narraroza ia touaqquezabaqquizapa iaccapomade.