Tahimarideni 21:16 - Kulina New Testament Brazil

¹⁶ Imecotedeni Sezareacca mota naco iaza rraui torrarraride. Zerozareuarri bacco inezape pouadenina Masonacca ozauarri ia tonequebaqqui-manarraride. Arra Masonapa zama uittacossani Sipreuarricca madirra. Taidezama Zesoza rrehe naporrari. Narraricca ozaza imadirrarode.

Culina Mádija

¹⁶ Imecotedeni Sesareacca mota naco iadsa jai tojajaride. Jerosarehuaji bacco inadsapi pohuadenina Masonacca odsahuaji ia tonequebaqqui-manajaride. Aja Masonapa dsama huittidsacossani Siprehuajicca madija. Tahidedsama Jesodsa jehe napojari. Najaricca odsadsa imadijarode.

Tahimarideni 21:16 Iomraidhean Croise

Tahimarideni 10:24

Nazapa uada ssiuarrana oza panani Sezareaza bacco tanimanarrari. Nauizapa Conerio, pocca madirra, poua tessedeni quenaza Pedorotoui madimanarrari.

Tahimarideni 10:48

Nazapa Conerio pocca madirrama passo dopaniza niniqui carrimanauiuarrine Pedoro icazossebaqquirrari: —Rrari, Zeso Cristo onima passo dopaniza niniqui carrimanana −nazapa madirra passo dopaniza niqui izanabaqquirrari. Zotodepa Pedoroza uati toquenarrari: —Rrari, iaza timadiccarri –quenarrari. Nazapa Pedoro uada pamehe pouadeniza madirrari.

Tahimarideni 11:19

Nazama Estevao zoqqueui nattipa Zesoza rrehe quenarrarideni mota nanarrizo toquerrenaza arrauarri domo tocca, arrauarri domo tocca narizarraria arra zama Penisiauarri bacco, zama Sipreuarri bacco, oza panani Atioquiauarri bacco toquenarrariparra. Nauiza bacco tarizemanazapa Zeso Cristo tauimari icassiuaueraniuarrinecca uima nauiuarricca zodeodenira mari icanabaqquimanarrari.

Tahimarideni 15:39

Nazapa uimahaha canaraha rrehe canire-rraraza pouadeni queneborezapa arrauarri toccade arrauarri toccade quenarrari. Nazapa Banabe Maraco tezerre darroni imeniza touedarrari. Zama bedeni ueni imehiza uittacossani onini Sipreuarri bacco toquenarrari.

Tahimarideni 15:7

Nazapa bazima arrauarri uati, arrauarri uati, arrauarri uati quenanarra manaco Pedoro totema naza pouadeniza uati tarrari: —Ouimecotedeni, occa uima tiadeniza rrizera tapode. Arra madirra ouahadeni naco zodeo querrena-rrararaha pouadeniza Poua Atti ouaccoraniuarrine Abi Deopa oua tocatterrizarraride. Zeso tauimari bicani icassiuaueraniuarrineccaza parrissa quenauiuarrine oua cazosserraride.

Tahimarideni 21:8

Uada ssiuarra iaccapomezape oza panani Sezareaza bacco inade. Nanizape Piripicca ozauarri rrauirrade. Pouapa totapari dadade 7 quenarrari orraria. Poua naco madirra Zesoza rrehe quenauiuarrine mari mari narizarrari. Iape pocca ozaza imadirrarode.

Tahimarideni 4:36

Nazapa madirra oni Zoze naco narrarossa narraro inanarraro. Pouapa rebitadeni. Zama bedeni ueni imehiza uittizacossani onini Sipreza tossonarrari. Zesocca zozosse tabaqqui pouaza: Banabe, quequenanarrari. (Ettizape: Toponi nanauatizede, inarraro.)

Tahimarideni 8:40

Naraha Piripipa oza panani Asotozana auatomarrari, uarri teraha. Nazapa Asotoza rroppemaza oza capamema narizaniuarri naqui Zeso tauimari bicani icassiuaueraniuarrinecca mari mari narizarraria oza panani Sezareauarri naqui uarri teraha bacco tarrariparra.

Romanodenidsa 16:7

Adonicoza, Zoniaza naqui nirra onarraro. Pouadenipa occa madirra zodeodeni. Ouazama toponi cocoroza bezarraride. Pouadenipa Zeso Cristocca zozosse tabaqqui bicaca tarrari. Zeso Cristoza orrarreraccazama pouadenipa taide Zeso Cristoza toquerrenaporraride.

Piremao 1:9

Arrima onanina bica tani: Deocca touati uanehema tiaza uati onarraro, ouattissa tinananiuarrine nacassa oneza. Ouape Paoro rradaui ocarrani. Zeso Cristo tauimariza damera onarrarorrine rridapanape toponi cocoroza ouezani.