Tahimarideni 20:6 - Kulina New Testament Brazil

⁶ Naraha iape zodeodenicca errete imenibote Pao ssarra tarrarauicca rricazana arri oza panani zama Piripoza irroppemarraro. Darroni imeniza iaqquezape icca uada 5 nazana Troadeza itessedeni bacco inabaqquide. Nanizape uada 7 nehe imadirrarode.

Culina Mádija

⁶ Naraha iapi jodiodenicca ejete imenibote Pan ssaja tajarahicca jicadsana aji odsa panani Piripodsa ijoppemajaro. Canoa imenidsa iaccadsapi icca huada 5 nadsana Troadedsa itessedeni bacco inabaqquide. Nanidsapi huada 7 nehe imadijarode.

Tahimarideni 20:6 Iomraidhean Croise

Tahimarideni 12:3

Narrari zoqquezapa zodeodeni uatizemanarrari. Uatizemanaui tamine Erodi qqui tazapa: —Pedoro naco dama tiquenarro −narrari pocca madirraza. Zodeodenicca errete imenibote onini Pao ssarra tarrarauicca (onini onihipe Pascoa) narraro erretecca uadaza Erodi atti nama narrari.

Tahimarideni 16:10

Nazapa pocca uadassa naza qqui tarrarirrine Masedoniauarri rraui torrauiuarrine narroremanarrari. Arri oua Roca naqui pouadeniza occaniuarrine onarrorarraro. Deocca zossenirri ibodiza auato tezape parrissa naniuarri Zeso tauimari bicani icassiuaueraniuarrinecca mari icanabaqquiuiuarrine nauatoqquiri inarrarode.

Tahimarideni 16:12

Naniza rrauirremoreza rrauirrarrarope oza panani zama Piripoza bacco inade. Narraro oza pananipe Rromacca colonia torrarraro. Zama Masedonia arobeniuarricca oza panani deni torranicca, bica tanicca. Naniza uada pamehema imadirraro.

Tahimarideni 16:8

Nazapa naui Misiaza tossoniqquimemanazapa passo imeni inidiuarri rraui torrezippaza oza panani Troadeuarri bacco toquenarrari.

Tahimarideni 20:16

Paoropa arri zodeodenicca errete Pentecostes bacco tabote naza narraro qquide touini naza: —Zama Asiauarri inarro-rreraccana, uassinarra oza panani Zerozareuarri rrauirrana −nade. Narrarorrine Epesozape uana icana-rrerarrarode.

Tahimarideni 20:5

Nazapa motadenia taide oza panani Troadeuarri rraui torraporrari. Troadeza bacco toquenapozapa itoui madimanarraride.

Tahimarideni 21:4

Nani Tiroza Zesoza rrehe quenarrarideni bacco inabaqquirraride. Nazapa: —Iaza timadimanaccarri −quenazapa pouadeniza uada 7 nehe imadide. Nazapa Deo Corimerrine Zesoza rrehe quenarrarideniza Paoro tezerremacca uima auato inaneza Paoroza uati toquenarrari: —Zerozareuarri tiqquerrerana. Tiqquezape ocasserani tenitoui −quenade.

Tahimarideni 21:8

Uada ssiuarra iaccapomezape oza panani Sezareaza bacco inade. Nanizape Piripicca ozauarri rrauirrade. Pouapa totapari dadade 7 quenarrari orraria. Poua naco madirra Zesoza rrehe quenauiuarrine mari mari narizarrari. Iape pocca ozaza imadirrarode.

Tahimarideni 28:14

Nezape narraro oza pananiza Zesoza rrehe quenarrarideni bacco inabaqquide. Pouadeni attipa: —Rrari, iaza semana orrarie timadimanaccarri −quenaza pouadeniza uada 7 nehe imadide. Zotodepe oza panani Rroma rrauini rrauirrapomade.

Piripodeniza 1:1

Nirra imecotedeni? Ouape Paoro. Otesse Timoti tezerre Zeso Cristocca zozosse iquerrenani. Tiadeniza: —Nirra, bicaqquiri tiquenaqui? −inarraro. Arri oza panani Piripocca Deoza tiquerrenarrarodeni Zeso Cristoza tirrariqquimanarraro tiadeniza uima dozo inarraro. Titiqueriqqui nanicca tiadeni maridedeni, tibirrideni accodedeni bazimaza naqui dozo inarraro.

1 Tesaronicadeniza 2:2

Taide tizamarideniuarri bacco inerreraccazape oza panani Piripocca madirra Deo Atti mari icanabaqquizapa nauiuarricca madirra motapa ia totamasso-baqquimana, ia tonarrizo-baqquimana nade. Nazama narraro uimape nauatoqquiri tiquenani. Arra tiadeniuarri naco madirra mota: —Deo Atti imitte-rrerana −quenazapa iaza uadiqquiri nade. Naraha Deorrine cappineraqquiri ineza pocca uima bicani icassiuaueraniuarrinecca tiadeni mari icanabaqquirrarode.

2 Timoti 4:13

Ticcarronezape occa etero motaranicca ssiriniuarrine zorro tarronana. Nani oza panani Troadeuarri otesse Caopocca ozaza onebode. Rrehe, occa papeo naqui touini onani uapima teccarronarri, onarraro. Arra bani eteroza dozo nani pico zaniuiccana denima touini onani, onarraro.