Tahimarideni 20:30 - Kulina New Testament Brazil

³⁰ Arri tiadeni titiqueriqquimana narraro motadeni naco maizeheza toquerrenauitoui. Poccadeni maizehera mari mari quenazapa arra Zesoza rrehe quenarrari pouadenizara toquerrenauiuarrine touini quenarrari.

Culina Mádija

³⁰ Aji tiadeni titiqueriqquimana najaro motadeni naco maidsehedsa toquejenahitohui. Poccadeni maidsehera mari mari quinadsapa aja Jesodsa jehe quinajari pohuadenidsara toquejenahijine tohuini quinajari.

Tahimarideni 20:30 Iomraidhean Croise

Mateo 23:15

—Rraho, zodeodenicca marinarra maridedeni, marinarra parizeoza rrehe tiquenarraro, tiadenipe uauattarro tiquerrenanitoui. Maizarridede tirrirani. Madirra ouaha zodeodenicca marinarraza toquerrenauiuarrine maride dameraqquiri tiquenezape zama onihiuarri, zama onihiuarri maride rrarraui tirrariza narraro. Ueni imehi rrippeuarri naqui maride rrarraui tirrariza narraro. Madirra ouahadenipa: “Zodeodenissa inana, Deoza iquerrenaniuarrine” quenaraha tirrinedenina ticcadeni marinarrazara toquerrenarrari. Narrarorrinena poccadeni uima denima touaidirarraro. Ticcadeni uima uaidira tezape rrororoni rriquerreraniuarri tiquerrenanitoui. Tirrinedeni poccadeni uima denima touaidirezape pouadeni naco rrororoni rriquerreraniuarri toquerrenauitoui.

Tahimarideni 11:26

Pouaza bacco tazapa Atioquiauarri rrina inanirrari. Bacco nanimanazapa nauicca Zesoza rrehe quenarrarideniza uarrano orraria madimanaza madirra bazima mari icanabaqquimanarrari. Nazapa naui Atioquiazana Zesoza rrehe quenarrarideniza: Cristocca madirra, icanacanibaqqui-manaporrari.

Tahimarideni 21:38

Nazapa tamine attia: —Naraha zodeodeni tiaza uadimana naza oua: Tiape zama Ezitocca madirra tirrarraroqui? onapa. Arra uarrano taideccaza toponi uauarrina zozorrodedeni 4 mil quenaha madirra madide nouerauiuarri queriqquimanarrari, rromanodeniza rrazire inanemananiuarrine. Narrarideni tamineridenibote tirrarraroqui? onaraha −narrari rromanodenicca isso teppeppedenicca tamine deni torrauicca.

2 Corintodeniza 11:13

Pouadenipa Zeso Cristocca zozosse tabaqqui parrissehecca attidenissa quenaza tiadeni tocamaizabaqqui-manarrari: —Zeso Cristo ia tocazossebaqquirrari −quenaraha maizemanarrari.

1 Timoti 5:13

Ponidenipe zapanideni irriniuarrine touibomaneza oza onihiuarrira qquide rrauirizarridede rarraro. Naraha narraro uimaha orrari-rrerani. Uimarinideni onihipe uarrirriraza uima ponimacca uati uati nanarizemana narraro. Ponidenipe madirra ouahadenicca uimaza ssonacossemanarraro. Uima bica terreranicca naqui uati toqquimarridede rarraro.

1 Timoti 6:5

Pouadenipa cauadirere cacana narrari. Uadierrine bodideni tossamomanarrari. Deocca parrissehe pouadeniza touatorarrarossa narraro. Pouadeni bodi naco: —Deoza iquerrenezape izepe sseqquiri nanitoui −quenaraha narrarope parrissa rrerani.

2 Pedoro 2:18

Attideni deni torraniccaza uati uati toquenaraha pouama uati uati toquenarrari. —Ia touini inanicca inananipe oppinera tani −quequenanarrari. Pouadenirrine madirra uimasiri carrimanarrarideniza touarrimane-zatipa uaidireheza toquerrenanirrari.

1 Zouao 2:19

Pouadenipa iaza quequeriqquimana naraha ia tonebobaqquirrari. Rridacca iazama Zeso Cristocca toquerrenazapa iaza quequeriqquimana-zanapouitouiraha iaza carrimemana-rrarazapa poccadeni uima iaza auato tarraro: Pouadenipa imecote querrena-rraraui.

2 Zouao 1:7

Naraha arrirraro zamazape mamaizade carri tarizaui. Pouadenipa: —Zeso Cristo Deoza madiporraripa pina madirrassa naha tossona-rraraui −quenarrari. Madirra nama narraripa mamaizade torrarrari. Narraripa Cristoza uadi tarrari.

Apocalipsis 2:6

Naraha ticcadeni uima onihipe bica tani. Nicolaitadenicca uima uaidira taniccaza nacasseraqquiri tiquenani. Oua naqui Nicolaitadenicca uimaza nacassera onani.