Tahimarideni 20:21 - Kulina New Testament Brazil

²¹ Arri zodeodeni, zodeo querrena-rrararrarideniza naqui Zeso Cristo tauimari mari mari onarizezape ouatti arrima ohonanarrarode: “Ticcadeni uimasiripe tinebomaneza Deozara iboraqquiri tiquenarri. Ia Zozossede Zeso Cristoza parrissa tiquenarri” ohonanarrarode.

Culina Mádija

²¹ Aji jodiodeni, jodio quejena-jarajaridenidsa naqui Jesocristo tahimari mari mari onaridsadsapi ohuatti ajima ohonanajarode: “Ticcadeni imasiripi tinebomanadsa Diodsara iboraqquiri tiquinaji. Ia Medsede Jesocristodsa pajissa tiquinaji” ohonanajarode.

Tahimarideni 20:21 Iomraidhean Croise

Mateo 3:2

Mari mari ihicanabaqquiriza nazapa arrama nanariza narrari: —Ticcadeni uimasiri tineborizemanarri! Deotouira tizanapomanarri! Deocca cacauehepe iaza bacco narronabote nani −nanarra narrari Zouao.

Mateo 4:17

Nauiuarri Zeso bacco tazana Deo Atti maride taide torraporrari. Madirra mari mari ihicanabaqqui naza poua attipa: —Ticcadeni uima Deoza tecomeremaneza ticcadeni uimasiri tinebomanarri. Deotouira tizanapomanarri. Deocca cacauehepe iaza bacco narronabote nani −nanariza narrari Zeso.

Maraco 1:15

Poua attipa: —Rridapanape Deocca cacauehe iaza bacco narronabote nani. Pina Deo uati tapouissa narraro. Ticcadeni uima Deoza tecomeremaneza ticcadeni uimasiri tinebomanarri. Deotouira tizanapomanarri. Deocca uima bicani ticassiuaueraniuarrineccazara rrehe tiquenanissa tarri −naui nade Zeso.

Maraco 6:12

Nazapa pocca zozosse tabaqqui rraui torrarrari. Madirra bodideni cacarriqquimere-manauiuarrine mari icanabaqqui-rizemanarrari. Pouadeni attipa: —Ticcadeni uimasiri tinebomanarri. Deozara tiquerrenarri −quenaui nade.

Roca 13:3

Naraha uimape nema nerrerani. Tiadeni bazima Deo Attiza ibobo tineza tibodideni cacarriqquimere-rrerezape zoqquehe rriquerreranicca bacco tiquenanitoui −narrari Zeso.

Roca 13:5

Naraha uimape nema nerrerani. Tiadeni Deo Attiza ibobo tineza tibodideni cacarriqquimere-rrerezape zoqquehe rriquerreranicca bacco tiquenanitoui −narrari Zeso.

Roca 15:10

—Nazama ouape tiadeniza uati onana: Narrarossa narraroa madirra uimasiri sse tarraripa: “Deoza orraniuarrine, occa uima onebona” nazapa Deo pocca zozosse tabaqqui memeuarri tezerre uatizemana taui −narrari Zeso.

Roca 15:7

Nazama parrissehera tiadeniza uati onarraro: Narrarossa narraro madirra uimasiri sseqquiri narraridenipa pina eueue rrano torraza amossi narrarissa quenarrari. Naraha orraria: “Deoza orraniuarrine, occa uima onebona” nazapa Deopa pocca zozosse tabaqqui memeuarricca tezerre uatizemana taui. Arra madirra taide Deoza toquerrenaporraridenicca uimaza naco memeuarriccapa uatizemana taui. Naraha arra madirra Deoza torrezatizapa denima uatizemana taui −narrari Zeso.

Roca 16:28

Nazama ouape ouimecote 5 quenaha ocarriderra. Pouadeniza ouatti Razaro uati taniuiuarrine: ‘Parri Deocca zossenirriza iboqquiri tiquenezape nacassereheuarri bacco tiquenanitoui’ nauiuarrine pouadeniza” narrari zepe ssebote atti.

Roca 24:47

Narraro poua tauimari ecomerarize-manezape madirra bodideni cacarriqquimere-manauiuarrine naco uati toquenauitoui. Nazapa madirra pouadeni bodi cacarriqquimere-manaza: “Occa uimasiri onebona” quenazapa Deo poccadeni uimasiri peperri inananitoui. Narraro uima bicanipe madirra bazima mittarizemanauiuarrine Cristo-Mesiapa pocca zozosse tabaqqui mari narizemanauiuarrine zosse inarizabaqquiuitoui. Taidepa Zerozareza mari icanabaqquimanauitoui, zotodepa zama bazimaza maride rraui torrarizauitoui. Narrari Cristo-Mesiapa oua. Otauimari maridepa oua occa madirra zosse onabaqquiuiuarrine −narrari Zeso.

Huano 20:31

Nazama arrirraro orrine papeoza dozo narraroza naqui —Parrissa Zesopa Cristo-Mesia, Deo Bedi −tiquenaniuarrine, onarraro. Parrissa tiquenezape ticassiuaueraniuarrine, onarraro.

Huano 3:36

Nazapa Poua Bediza parrissa quenarraridenina camittehe rriquerreranicca carrimana-zanapouiuarrine. Naraha pouaza iboqquiri narraridenipa camittehe carrimana-rrarauitoui. Deo Pouana narrizoue rriquerreraniccaza inanabaqquiuitoui −naui nade Zouao Batista.

Tahimarideni 10:43

Narraria Zeso poua tauimari maittaccazama Deo Atti cacomeraqquiri narrarideni dozo narronemanarraripa arrama quequenanarrari: “Ia Idinide icca uimasiri inanamossiniuarrine nauato taui orrari naui. Pouaza parrissa inezape icca uimasiri inanamossi tani” quenapoui nade. Narraro uimape madirra bazimaza torrarraro −narrari Pedoro.

Tahimarideni 11:18

Nezape narraro uima Zodeacca madirra arra zodeodeni Zesoza rrehe quenarrarideni mota mittemanazapa poccadeni boquehe nebomanarrari. Nazapa Deoza uatizemanarrari: —Rrehe, zodeo querrena-rrararaha Deopa pouadeniza naco uati uana tarrari. Deorrine bodideni cacarriqquimeraza Zesoza parrissa quenazapa camittehe rriquerreranicca carririzemanaui. Deopa bica taui! Deopa deni torraui! −quenarrari.

Tahimarideni 16:31

Naraha manaco pouaza uati toquenarrari: —Ia Zozossede Zesoza parrissa tezape tissiuauanitoui. Ticca madirra naco Zesoza parrissa quenazapa tocassiuauerauitoui −quenarrari Paoro Sira tezerre.

Tahimarideni 17:30

Madirrapa Deoza ssamoqquiri naporaha Deo pouadeni inarrizobaqquirra narronapoui narrararrari. Deo Pouana madirracca uimasiri inauanarronaporaha rridapanape zama bazimacca madirraza Poua Attia: “Ticcadeni uimasiriza peperri tiquenarri, tibodideni tecarriqquimera-rizemanarri” narrariparra Deo.

Tahimarideni 19:17

Nazapa oza panani Epesocca madirra bazima narraro uima mittemanazapa zodeodeni cappinemana, zodeo querrena-rrararrarideni cappinemana naraha attidenipa: —Ia Zozossede Zeso Cristona bica taui, deni torraui −quenarrari.

Tahimarideni 2:38

Nazapa Pedoro pouadeniza uati tarrari: —Ticcadeni uimasiri tinebomanarri, Deozara tiquerrenaniuarrine. Nazana Deo ticcadeni uimasiri peperri inanezape passo dopaniza niquide ticarrimanani bica tani. Zeso Cristo oniza passo dopaniza niniqui ticarrimanarri. Nazana Deo Poua Corime tibodideniza torrarizauiuarrine.

Tahimarideni 2:40

Nazapa Pedoro denima uati uati tarrari. Poua attiza rrehe quenauiuarrine uatide damera tarrari: —Niza Deocca uadie torrezape pouaza iboqquiri narrarideni zori tocanire-rrarauitoui. Rricauitoui. Narrarideniza tiarrimanani narri −narrari Pedoro.

Tahimarideni 20:23

Naraha uima orrariepe nauato onani. Zerozareuarripe ocasserehe imeni onauananitoui. Deo Corime ouaza uati tarrari: “Cadeiaza tia rrore iqueneza tia coro izimemananiuarrine titoui narroremanaui” napode. Oza uapima occarizeza naqui narraro uima Deo Corime ouaza uati uati tatarra napode.

Tahimarideni 20:24

Naraha ouape narraro uimaza ocappina-rrerani. Oua inanazoqque-maneza naqui peperri, bica tani. Oua Zozossede Zeso Cristo oua cazosserraricca uimaza ouatizezape orrine parrirenissa taniuarrine, onarraro. Arra oua cazosserraripa Deo madirraza uati cauanari canauicca uima bicani mari mari ohonanarraroparride.

Tahimarideni 24:24

Nazapa uada onihiza Perisipa Sezareauarri bacco nanirrari, pocca amonerre Drosira tazarrani. Ponipe zodeo madirra. Perisipa Paorotoui uaua naza pouadeniuarri eccanimanarrari. Nazapa Paoro Zeso Cristoza rrehe inani tauimarini mari icanabaqquizapa tauaribobo canarrari.

Tahimarideni 26:18

Pouadenipa pina ziziniza rrauirizaraha tia zosse onarrarope noccodeni ssire tinanabaqquiuiuarrine. Naui zizini nebomanazapa Deo ssiuerrenezana madimanauiuarrine. Uimasiri totonanade Tocorime-Taminecca zosseheza toquerrenaraha nebomanazapa Deozara toquerrenauiuarrine. Ouaza parrissa quenazapa poccadeni uimasiri onanamossiniuarrine. Bodideni onauissobaqquiza naco niza memeuarri Deoza toquerrenazapa pocca zozosse bicaqquiri narrarideni tezerre pocca biquehe carrimanauitoui” nade Zeso ouaza −narrari Paoro.

Tahimarideni 26:20

Taidepa oza panani Damascouarri Deoza toquerrenauiuarrine uati onabaqquiporraride. Zotode oza panani Zerozarecca naco uati onabaqquirraride. Arrirraro zama Zodea bazimacca naco uati onabaqqui-rizarraride. Zodeo querrena-rrararrarideni naco uati onabaqqui-rizarraride. “Tibodideni tecarriqquimeremaneza ticcadeni uimasiri tinebomanarri. Deozara tiquerrenarri” ohonanade. “Ticcadeni rrehenirri, tibodideni cacarriqquimere-manani auato taniuarrinepe Deo Attizara iboraqquiri tiquenarri. Uima bicanira tinanarizemanarri” oneza mari mari ohocanabaqqui narraride.

Tahimarideni 28:23

Nazapa pocca marinarra mittemanauiuarrine uada orrarie icatterrizemanade. Narraro uada bacco taza izamassa Paorocca ozauarri bazima queriqquimanade. Nazapa Paoro Deocca cacauehe tauimarini, Zeso tauimari naco mari icanabaqquirrari. Zeso tauimariza parrissa quenauiuarrine damera tarrari. Moizecca marinarraza, Deo Atti cacomeraqquiri narraridenicca dozonirriza naqui mari icanabaqquirrari. Narraro maridepe marri touaqquemanaraha zomezana paparra quenade.

Tahimarideni 3:19

—Narrarorrinea tiadeniza ouattipe: Rridapanape tibodideni cacarriqquimerarri, Deoza tiquerrenarri, onarraro. Nema tiquenezape Deo ticcadeni uimasiri sse inanitoui. Nazapa ia Zozossede Deo tibodideni rrassi tonanabaqquiuitoui.

Tahimarideni 8:25

Nazapa naui Samariaza Zesocca zozosse tabaqquipa Zeso Cristo tauimari maride nama zanapomanarrari. Arra pouadeni qqui toquenarraricca mittemanarraricca naco uati uati totoquena narrari. Nazapa oza panani Zerozareuarri rrauiniza naco arra Samariacca oza capamema narizaniuarri Zeso Cristo tauimari bicani icassiuaueraniuarrinecca maride toquerrena nanirrari.

Romanodenidsa 1:14

Zeso Cristo otoui uaua narraripa: —Madirra zama bazimacca otauimari mittemanauiuarrine maride ticcarizarri −narraride. Nezape pina oza pananiza madimanarrarideniza, zama dopeza madimanarrarideniza naco poua tauimari mittemanauiuarrine maride occarizarraro. Arra papeo nauatoqquiri narrarideniza, papeo ssamoqquiri narrarideniza naqui Zeso Cristo tauimari mittarizemanauiuarrine maride onebo-rrerarraro.

Romanodenidsa 1:16

Ouape Zeso Cristo tauimari icassiuaueraniuarrinecca ouacomeraniuarrinepe ocappina-rrerarraro. Ouape nauato onani: Zeso Cristo tauimaripa Deocca dacorehe madirra tocassiuauerauiuarrine, onarraro. Taidepe zodeodeniza, zotodepa zodeo querrena-rrararrarideniza naco Zeso Cristo tauimari dacorarraro. Bazima narraroza rrehe quenazapa tocassiuauerauiuarrine.

Romanodenidsa 10:9

Madirraza tecomeremanezape: —Zesopa oua Zozossede, occa tamine deni torrauicca −tiquenarri. Tibodideniza naqui: —Zeso uatiaraha Deo inauatonirraripa parrissa −tiquenezape ticassiuaueranitoui.

Romanodenidsa 2:4

Deopa tiadeniza uati uana tarrari. Biquehe uapi tanicca tiadeniza inanarizarraro. Deo Pouaza parrissa tiquenaniuarrine tinarromaneza naqui titouideni denima madiccarrari. Naraha narraro uima bazimape tiadeniza pina ponimassa narraro. Arri Deorrine pocca biquehe tiadeniza torrarrarope tibodideni cacarriqquimeraniuarrine.

Romanodenidsa 4:24

Narraro uimape iaza naqui dozo narraro. Ia naqui ia Zozossede Zeso Nauatonide Deoza parrissa inezape Pouapa iaza: —Bicaqquiri tiquenani −narrari.

Romanodenidsa 5:1

Ia Zozossede Zeso Cristo itoui zoqquerraricca uimaza parrissa inezape Deopa: —Tiadeniza uima nouerani −narrari. Narraroa arri Deo tezerre icarronerarraroparri.

1 Corintodeniza 1:22

Arra zodeodenipa canauatori canehe auato tani qqui toquenauiuarrine touini quenarrari. Zama Cresiacca madirradenipa touattehe uapi tani tocauatterauiuarrine touini quenarrari.

2 Corintodeniza 7:10

Rrehe orri tiquenarrarorrine tibodideni cacarriqquimeraza Deoza tiquerrenani-pomarrarope Deoza bica tarraro. Narraro orriezape: —Rraho orriepe uaidira tani −tiquenerrerarri. Narraro orrierrinena ticassiuaueranitoui. Naraha arrirraro namicca uimaza dameraqquiri narrarideni orri orri quenaraha zoqquemanazapa narrizoue rriquerreraniuarri toquerrenauitoui.

Carasiadeniza 2:16

Naraha ibodiza nauatoqquiri inarraro: Deocca zossenirri Moize dozo inarraroza iboraqquiri inarrarope icca uima Deoza parrirenissa taniuarrine parrire-rrerani. Zeso Cristo tauimariza parrissa inezana pouarrine icca uima Deoza parrirenissa tarraro. Zeso Cristoza parrissa inezape icca uima Deoza parrirenissa tarrarorrine ia tonassiuauabaqquirrari. Nazama icassiuaueraniuarrinepe Deocca zossenirrissa inanarrarorrine rrerani.

Carasiadeniza 2:20

Ouape Zeso Cristo tezerre aua porimacossaniza ipamarronarrarossa neza occa madie rradanibotepe rricarraro. Rridapanapa Cristona ouaza madirrari. Nazama arrirraro namiza ouassirema omadiccazape Deo Bedi Zeso Cristoza rrehe ozanapoza omadirraro. Narrarina otoui uati uana tarraride. Oua tonassiuauauiuarrine zoqqueheza poua ccaccorarraride.

Carasiadeniza 3:22

Naraha Deo Attiza uima imittarrarope ia bazima uimasiriza pina tozepe iquerrenarrarossa narraro. Narraro uimasiriza ia tappa tabaqquiuiuarrinepa Zeso Cristona orrariui. Madirra bazima pouaza rrehe quenarrarideniza Deocca uima bicani torranitoui.

Epesodeniza 1:15

Ticcadeni uima omittaponizama titouideni Deoza uati uati ozanaporraro. Arra ia Zozossede Zesoza parrissa tiquenanissa tarraro uima omittarraro. Deoza toquerrenarrari bazimaza naqui tetideni uanaqquiri narraro quenaui omitteza ouatizerraro.

Corosadeniza 2:5

Ouape tiadeniza omadi-rrereraha obodiza rrizeraqquiri tiquenezape pina tiadeniza omadirrarossa narraro. Narraroa arri timadimananissa tanicca uima omittezape ouatizerraro. Arri Zeso Cristoza rrehe tizanapomanani dacorani omitteza naqui ouatizerrarode.

Piremao 1:5

Nema onarrarope tirrine uima bica tani quenaui omittarraro. Ia Zozossede Zesoza rrehe tanissa tarraro. Deoza toquerrenarrarideni bazimaza teti uana tarraro. Narrarorrinea Deoza ouatizerraro.

1 Zouao 5:1

Ettipe: —Zesopa parrissa ia Idinide Cristo-Mesia −inezape Deocca erredeni iquerrenarraroparri. Iape imehiza eti uanaqquiri nezape pocca erredenideniza naqui eti uanaqquiri narraroparri.

1 Zouao 5:5

Nerrecorraridenina arrirraro zamacca uimasiriza deni toquerrenauiuarrine nauatoqquiri narrari? Arra madirra: —Rrehe, Zesopa Deo Bedi −quequenanarraridenina parra.