Tahimarideni 20:19 - Kulina New Testament Brazil

¹⁹ Ia Zozossede Zeso Cristocca zozosse orrezape poua tauimariza ozepe irririzade. Obodipe deni orrani ohonana-rrerade. Ocassereherrine orri orri oneraha nema nehe ozepe ihirri nade. Arrina ozoqqueniuarrine zodeodeni occa madirraraha oua dama iquenabote naza naqui ocasserani ouarizade.

Culina Mádija

¹⁹ Ia Medsede Jesocristocca medse ojadsapi pohua tahimaridsa odsepe ijiridsade. Obodipi deni ojani ohonana-jerade. Ocasserehejine oji oji onaraha nema nehe odsepe ihiji nade. Ajina odsoqquenijine jodiodeni occa madijaraha ohua dama quinabote nadsa naqui ocasserani ohuaridsade.

Tahimarideni 20:19 Iomraidhean Croise

Roca 19:41

Nazapa Zeso Zerozareuarri touarriraza narraro oza panani qqui tazapa nauicca madirratoui orri orri narrari.

Huano 12:26

Madirra occa zossenirriza iboraqquiri nazapa oua nebomana-rrarauiuarrine. Ouaza rrauiriza-zanapouiuarrine. Oua omadinizana pouadeni naco madimanauiuarrine. Madirra occa zossenirriza iboraqquiri narraridenipa Abi Deo Pouana pouadeniza: “Bicaqquiri tiquenani” nauitoui −nade Zeso.

Tahimarideni 17:13

Naraha arra Tesaronicacca zodeodeni mota Zeso tauimariza nacasseraqquiri narraridenia uima mittemanarrari: —Paoro Sira tezerrepa Bereacca madirra naco Deo Atti mari icanabaqquiui −quenaui mittemanazapa boquemanapomarrari. Nazapa Bereauarri rraui torrarrari. Bacco toquenaza nauiuarricca madirra Paorodeniza uadimanauiuarrine uima inanemanapomarraro. Moua moua narizemanazapa Bereacca madirra ssamoni auemanarrari.

Tahimarideni 17:5

Naraha zodeodeni mota Zeso tauimariza nacasseraqquiri narraridenipa poccadeni madirra Zesoza toquerrenarrari acconedeni uadimanarrari. Narraridenipa oza pananicca madirra iboueza uaidireheza madirizemanarrarideni uaua inabaqquimanarrari. Nazapa narrarideni tezerre bazima domo ccarizaza moua moua narizemanarrari. Oza pananicca madirra bazima pouadenirrine domo qquenazapa arrauarri rroua arrauarri rroua quenarrari. Arra domo ccarizarraridenipa Paoro Siradenitoui Zasoncca ozauarri bacco toquenazapa moua tozimemanarrari. Paorodeni rrocaca ininebaqquimanaza madirradeniza dahaha inabaqquimanazapa inarrizo-baqquimanauiuarrineraha.

Tahimarideni 20:3

Nauizapa abazico 3 canaha madiccarrari. Zotodepa zama Siriauarri darroni imeniza toccaniuiuarrineraha Paoro poua inarrizomanauiuarrine zodeodeni narroremanaui quenaui mittarrari. Nazapa: —Zamana occaniniuarrine −naza poua natti Masedoniauarri tozodonirrari.

Tahimarideni 20:31

—Nema nezape tiadeni bazimaza ouattipe: Parri! Poccadeni maizeheza parrissa tiquena terrerarri. Tibodideni uatome-manarri. Ouape tiadeniza omadizape tiadeni ouacauabaqquinissa tade. Uarrano 3 naha tiadeni maride orrezape zomema mamari, ssiuarrama mamari onade. Timadimananissa taniuarrine oneza occa orriema tiadeniza uati uati onarrarode.

Tahimarideni 21:27

Nazapa uada 7 nehe bacco tabote naza Paoropa poua motta Deoza dada toqquimauarri toqquezimapomarrari. Naraha zama Asiauarricca zodeodeni naui bodiuarri rraui torrezimaza Paoro qqui toquenazapa pouaza uadimanarrari. Pouadenipa Paoroza noccodeni rrizera narrari. Poccadeni zamauarri maride ccarizaza taide pouaza uadimanaporrari. Nazapa narrarideni uadimanapomazapa Paoroza uima inanemanarraro. Rroua rroua quenaza Paoro dama iquenarrari. Madirra bazima pouaza uadimanauiuarrine attidenipa arrama quenarrari:

Tahimarideni 27:23

—Arra Deo oua zosse narizarraripa oua Zozossede. Narraria arra zome Poua Atti ccaccaronade ouaza zosse inaronaza auatopa.

Romanodenidsa 1:1

Nirra ouimecotedeni? Ouape Paoro, Zeso Cristocca zozosse, tiadeniza occa uima dozo onarraro. Zeso Cristocca zozosse orraniuarrinepe Deo otoui uaua narraride. Narraroa arri pocca uima bicani madirra tocassiuauerauiuarrinecca mari mari ohocanabaqquiriza nauiuarrine omadirraro.

Romanodenidsa 1:9

Obodi ouassirema Deoza ozepe ihirri narraro. Poua Bedi tauimari icassiuaueraniuarrinecca maride damera onarraro. Deopa occa uima qqui taui, nauato taui. Narraroa titouideni Deoza uati uati ohozanapo narraro.

Romanodenidsa 12:11

Tizepedeni irrimananiuarrinepe iboqquiri tiquenerrerarri. Tibodideni uatizeheri neza ia Zozossedeza tizepedeni irrimanana.

2 Corintodeniza 2:4

Naraha occa uima teppe dozode orreza titouideni obodi uatoto canezape: Nerrecoma quenaui? ohonanade. Obodi ocassera teza orri onade. Naraha occa uima teppe tiadeniza dozo onarrarope orri tiquenaniuarrine rrerani. Titouideni ouati uana tani nauatoqquiri tiquenaniuarrinena dozo onarrarode.

2 Corintodeniza 3:5

Naraha Deoza izepe irriniuarrine ia motta iparrireni inerrerani. Deona izepe irriniuarrine iaza inanarraro.

2 Corintodeniza 7:5

Zama Masedoniauarri bacco inezape rrassi inerrerade. Uima ocassera tanicca rriquerrerade. Arriuarri uima, arriuarri uima narizezape ibodi naqui icappinarrarode.

Carasiadeniza 1:10

Ouatti nema onarrarope madirra ouaza: —Rrehe, Paoropa bica taui −quenauiuarrine touini onarraroqui? Nouerani! Deona ouaza: —Rrehe Paoro, tirrine bica tani −nauiuarrinena touini onarraro. Arrina, madirrara onauatizebaqquina onezape Zeso Cristocca zozosse orrarreranitouiraha.

Epesodeniza 6:7

Nezape uatizehema tibodideni bicaqquiri neza tizepedeni irrimanana. Nema tiquenezape tiadeni zossede madirraraha pouaza tizepedeni irrimanezape pina ia Zozossede Deoza tizepedeni irrimanarrarossa tiquenarraro.

Piripodeniza 3:18

Naza tiadeniza madirra ouahadenicca uima uati uati onapode. Poccadeni madiepe bica terrerani. Arra Zeso Cristo aua porimacossaniza zoqquerraricca uimazapa nacassassera taui. Poccadeni uima tiadeniza uati omanipomazape orri onabote nani. Parri, pouadenissa tiquenerrerarri.

Corosadeniza 3:24

Ia Zozossede Cristopa tiadeni Zossede parrissa deni torrauicca. Pouaza tizepedeni irrimanarraro manaconi tiadeniza torraniuarrine nauatoqquiri tiquenani. Narraroa arri niza memeuarri bacco tiquenezape Deocca danirri bicani uati taporraricca tiadeniza da inarizanitoui.

1 Tesaronicadeniza 1:9

Icca uima arri tiadeniza bacco inaponicca ecomera-rizaniuarrineraha pouadenina iaza uati uati toquenade: —Arra Tesaronicauarri Deo Atti mari ticanabaqquipoza naco tiadeniza bicaqquiri nade −quenarrari. Arri ticcadeni pouazama tabariza peperri tiquenanissa tarrarocca uima naqui iaza uati toquenade: —Poccadeni siba nauatoniza: “Ia cacauade” quequenanaporaha rridapanapa Deo parrissa camitta tarrarizana: “Ia Cacauade” quenarrari. Manaco narrarizana iboraqquiri narrari −quenaui naqui imittade.

2 Timoti 1:4

Otoui orri orri tade. Narraro obodiza ouati rrima-rrerani. Tia qqui omaniniuarrine touini onani. Tia qqui omanizape ouatizenitoui.

Satiacocca 1:2

Rrehe ouimecotedeni, tiadeniza uima onihi ssonari, uima onihi ssonari naraha tettidenipe: —Peperri. Nema nehe ouatizeni −tiquenanina bica tani, onarraro.

1 Pedoro 1:6

Narrarotoui tetizemaneri naraha arrirraro zamaza timadimanaqquezape ocasserehe tinauanemanaccanitoui. Naraha nema nehe tetizemaneri nana.

2 Pedoro 1:1

Nirra ouimecotedeni? Ouape Simao-Pedoro, Zeso Cristocca zozosse orrarraro. Pocca marinarra mari ocanabaqqui-rizauiuarrine oua cazosserrari. Nezape occa uima teppe tiadeniza dozo onapomarraro. Zeso Cristopa icca Deo, ia Tonassiuauade. Pouapa tiadeniza bica tarrari, pocca uima tiadeniza parrirenissa tarraro. Pouarrinena pouaza parrissa tiquenarraro, pina ia pouaza parrissa inarrarossa tiquenarraro.

Apocalipsis 7:15

Narraria arra Deocca uiuittari bicabote tazarranima bazima domodeni uarrariparra. Deoza dada toqquimacca ozauarri uatizemanazapa zome zepedeni irrimana, ssiuarra zepedeni irrimana narrari. Deni torrauicca uiuittariza uittari canarraripa pouadeni cacauade pouadeniza madirizauitoui.