Tahimarideni 2:7 - Kulina New Testament Brazil

^7-8 Nazapa arra oza uapiuarri domo uarrari attidenia: —A… Nerrecotoui pouadenipa zama Carireauarriccaraha touatti onihi, onihiza uati uati toquenarrari? Etti imittarizaua −quenarrari.

Culina Mádija

^7-8 Nadsapa aja odsa huapihuaji domo huajari attidenia: —A... ¿Nejecotohui pohuadenipa dsama Carireahuajiccaraha tohuatti onihi, onihidsa huati huati toquinajari? Etti imittaridsaha −quinajari.

Tahimarideni 2:7 Iomraidhean Croise

Mateo 21:11

Naraha madirra Zeso pouaza rrauirronarraripa ecomeremanarrari: —Rrehe, arrarraripa Zeso! Pouapa Deo Atti cacomerabote. Zama Carireauarricca oza onini Nazareticca madirra. Narraria! −quenade.

Mateo 26:73

Naraha zotodepa nauiza toqueriqquirrari attidenipa: —Parrissade! Tiape Zesocca tirrade. Carireauarricca touatti ticarrini −quenaui nade Pedoroza.

Mateo 8:10

Narraro uima Zeso mittazapa uatizeza poua bodi: —A, pouapa nauato taua −narrari. Nazapa poua nattiuarri rrauimissarrarideniza uati tarrari: —Ouape parrissehera tiadeniza uati onana: Arrarrari bodi namanahapa parrissa nauissa tarrari! Tiadeni Izarraeo potemauideni bazimape tettideni ohomitta neraha arrarrarissa narrari tiadenizapa noueraui. Parrissa tiquenanissa tani ohomitta nerrerani −naui nade Zeso.

Maraco 1:27

Nazapa qqui toquenarraridenia uarro canirezapa: —A nerrecoma narrari? −narizemanaui nade. —Zesocca marinarra pina zatissa naha. A, atti carriza zosse inimaua quenaza uimahaha −canarrari. —Tocorime carrirrari poua bodicca Zeso attiza ibora taua −quenaui nade.

Maraco 2:12

Nazapa totema, madirra bazima cattomama canaraha amazati poua taboro idi naza pocca ozauarri toccanirrari. Nazapa madirra bazima cappinemanaraha uatizemanazapa: —A, Deorrine bica tani! −quenarrari. —Nema nani qqui qqui inerreraccade −quenarrari.

Huano 7:52

Naraha Nicodemoza uati toquenarrari: —Tia naqui Carireauarricca tirrarraro nitiderra? Carireacca uimatoui Deo Atti ua timaninissa tarri. Carireauarripa Deo Atti cacomeraqquiri narrarideni qquenarra canima-rraraui −quenaui nade Nicodemoza.

Tahimarideni 1:11

Pouadeni attipa arrama quenarrari: —Arri zama Carireacca madirra arriza timadimanarrarodeni nerrecotoui memeuarri ticattamacossassa canarraro? Arra Zesopa tiadeniza madiraha Deo idinimacossanirrari, memeuarri madipomauiuarrine. Arra toccamacossaniui qqui tiquenarraripa ccanipomaza naco narrarissa nauitoui. Meme essenima carrimaha namiuarri ccaronapomauitoui −quenarrari.

Tahimarideni 2:12

Bazima uarrorro canazapa uimahaha canarrari: —Nerrecotoui nama quenarrari? Iape nerrecoma inapazerre? −quenarrari.

Tahimarideni 3:10

Narraridenipa uarro quenaraha uatizemanarrari. Attidenipa: —A, arrarraria totoqquezima Bicani quequenanauiza zinirotoui uiuittacossa naccade −quenarrari.