Tahimarideni 2:42 - Kulina New Testament Brazil

⁴² Nazapa Zesocca zozosse tabaqquicca marinarra mittemana-zanaporrari. Bazima queriqquimanazapa catizerara canarrari, rrirripaqquimana narrari, Zesoza bodideni uatomauiuarrine naco pao dize nariui rrirripemana narrari. Deoza naco uati uati zazanapomana narrari.

Culina Mádija

⁴² Nadsapa Jesocca dodosse tabaqquicca marinaja mittamana-dsanapojari. Huapima queriqquimanadsapa catidserara canajari, jijipaqquimana najari, Jesodsa bodideni huatomahijine naco pan dside narihi jijipamana najari. Diodsa naco huati huati dsadsanapomana najari.

Tahimarideni 2:42 Iomraidhean Croise

Roca 24:30

Nazapa rripemanauiuarrine rrassi tariza Zeso pao idiza Deoza uati tarrari: —Rrehe Abi Deo, tiaza etizerraro. Ticca danirri iaza bica tinanarrari, inarraro −narrari. Pao icanarobeza pouadeniza da inarizarrari.

Roca 24:35

Manaco Emaouarri touedarrarideni poccadeni uima uati nanimanarrari. Arra rrauiza Zeso pouadeniza uati uati zanaporraricca uima uati, ozaza Zeso pao icanarobeza pouadeniza da inarizaza noccodeni rrizera narrari naco uati toquenarrari.

Tahimarideni 1:14

Oza tetepiccaza madimanazana uarrirriraza Deoza uatide totoqueriqqui narrari. Zeso imecotedeni, poua imeni Maria, amonerre onihi naqui naui pouadenizama Deoza uatide totoqueriqqui narrari.

Tahimarideni 11:23

Nazapa Banabe Atioquiauarri bacco taza Deo pouadeniza uima bicani inanani qqui tazapa uatizerrari. Nazapa pouadeniza uati tarrari: —Deoza parrissa tizanapomanana. Tibodideni dacoreza ia Zozossedeza dameraqquiri tiquenarri −narrari.

Tahimarideni 14:22

Uedaniza naco Zesoza rrehe quenarrarideni uatizemanauiuarrine bodideni acco icanabaqqui-rizapomarrari. Paoro attidenia: —Zesoza parrissa tizanapomanarri. Deorrine ticcadeni rrehenirri todacorani zanaponitoui. Ocasserani terizemaneraha nema nehe tinauanemanarizana. Tiadenizama ia naqui ocasserani inauananitoui. Nema inezana Deocca cacaueheza bacco inaniuarrine, inarraro −quenarrari.

Tahimarideni 2:46

Deoza dada toqquimauarri naco rrarraui torrezima narrari. Poccadeni ozauarri naco arrauarri rripa, manaco arrauarri rripa nanarizemana nazapa bodideni parrissehema uatizemaneri nanarra narrariparra.

Tahimarideni 20:11

Nazapa Paoro ccamaronipomaza pao dize inariza iaza da inarizazapa apa inade. Nazapa Paoro denima maride torrazapa icassiuarrade. Nazapa maride rricaza toccarrari.

Tahimarideni 20:7

Nezape rrassinarracca uada rriquezape narraro zomeza arra Zeso zoqqueui tauimari ibodi uatomaniuarrine, pao dize nariui irripaniuarrine iqueriqquirrarode. Paoro attipa: —Izamassape denima rrauirraniuarrine −naza Zesoza rrehe quenarrarideni mari icanabaqquizapa zome nocconi torrade.

Tahimarideni 4:23

Nazapa taminedeni Pedoro Zouao tappa inabaqquimanazapa touedanirrari. Zesoza rrehe quenarrarideniza bacco tanimanazapa dada toqquimade tamine attideni uati, ime rrocoui attideni uati tanimanarrari.

Tahimarideni 4:31

Deoza uatide rriquezape narraro oza rrene rrene canarraro. Nazapa Deo Corime pouadeniza torrarizauissa tarrarirrine cappinemana-rraraza Deo Atti ecomerarize-manarraro.

Tahimarideni 6:4

—Nezape iana Deozara uati uati izanaponiuarrine. Deo Atti naqui mari mari ihicanabaqqui nauiuarrine, inarraro −quenarrari Zesocca zozosse tabaqqui.

Romanodenidsa 12:12

Arri titezerremadenicca uima bicanitoui timadimanezape uatizehema timadimanarri. Ocasserani temaneza naqui mouaraza tinauanemanarri. Deoza uatide naqui tinebomana-rrerarri.

1 Corintodeniza 10:21

Ia Zozossedecca rripaqquiecca zeze ze tiquenaui natti tocorimeza da tauicca zeze ze tiquenaniuarrinepe bica terrerani, oppina tani. Ia Zozossedecca rripaqquiezara tirripemanani orrari naniuarrine. Tocorimedeniza uatizemanarraricca rripaqquieza tirripemananipe bica terrerani, oppina tani, onarraro.

1 Corintodeniza 11:2

Rrehe ouimecotedeni, ouaza tetideni rrimemana-rrerezape occa marinarra tecauemana-zanaporrarorrine tiadeniza ouatizerraro. Tirrinedeni bica tani, onarraro.

1 Corintodeniza 14:6

Ouimecotedeni, niza tiadeniuarri oqqueza touatti rriza tarraroza tiadeniza uati uati onezape tiadeni acco cananiuarrinequi? Acco canima-rrerani. Ponimassa nanitoui. Naraha Deo ouaza auato inanarrarocca uati oneza pocca nauatoue tiadeniza uati onezape narrarona tiadeni acco canimanitoui. Poua Atti uati oqquimaza, marinarra bicani tiadeni mari ocanabaqquiza naqui tiadeni acco canimanitoui.

Carasiadeniza 1:6

Deopa uati cauanari canaza titouideni uaua narrari. Arra ia Zozossede Zeso Cristo itoui uati uana taza ia tonassiuauabaqquiuiuarrinecca uimaza iboraqquiri tiquenaporaha amazati poua tauimari tinebomanarraro. Icassiuaueraniuarrinecca uima onihizara tiquerrenezape tirraborrerimanarri narraro.

Epesodeniza 2:20

Deorrine Zeso Cristoza tirrariqquimanarraro. Zeso Cristo pocca zozosse tabaqquina Zeso poua tauimari mari mari ihicanabaqquimana narrari. Deo Atti cacomeraqquiri narrarideni naco poua tauimari ehecomeremana neza timittemanezape parrissa tiquenarraro. Uima nema narrarope pina oza canauatoniuarrinecca uimassa narraro. Oza sibaza canauatoniuarrinepe taide poni cauittanicca nami narroraporraro. Zotodena siba ua tamarouarranizape oza tocarrarraro. Zeso Cristocca zozosse tabaqquideni, Deo Atti cacomeraqquiri narrarideni tezerrepa pina oza cauittanicca namissa quenarrari. Tiadenipe pina siba ua tamarouarraninissa tiquenarraro. Zeso Cristopa pina siba bicabotessa narrari.

Epesodeniza 6:18

Uarrirriraza Deoza uati uati titiquena narri. Pouaza uatide tinebomana terrerarri. Deo Corime tibodideni acco tocanabaqquiuitoui. Tetideni uatoza tinoccodeni panehe timadimanarri. Pina isso teppeppe pocca uauadidedeni noppinedeni nocco panarrarissa tiquenana. Tiadeniza uima bica teza, ocassera teza naqui Deoza uatide dameraqquiri tiquenarri. Deoza toquerrenarrarideni bazimatoui Deoza uati uati titiquena narri.

Piripodeniza 1:5

Arri Zeso Cristo tauimari icassiuaueraniuarrinecca timittemanapozama arri tiadeni oua ineza poua tauimari deni torraniuarrine izepe irrirraroparri.

Corosadeniza 1:23

Nema tiquenaniuarrinepe Zesoza parri rrehe tizanapomanarini narri. Arri poua tauimari icassiuaueraniuarrinecca timittemanaporraro naqui tinebomana terrerarri. —Zeso Cristorrine icassiuauerezape Deoza bacco ineza etizenitoui −titizanapomana narri. Nazama poua tauimari uati uati onarrarona zama bazimaza ecomerarizaza torrarizarraroparri. Oua Paoro naqui Zeso oua cazosseza poua tauimari maride orrarizarraroparride.

Corosadeniza 4:2

Nazama tiadeni bazimape Deoza uatide dameraqquiri tiquenerri. Uatide tiquerrenaza naqui uima onihitoui tibodideni uatomana terrerarri. Deo Pouaza naqui: —Rrehe, peperri. Ticca danirri iaza bica tani −titiquena narri.

2 Timoti 3:14

Pouadenipa nama quenaraha Timoti tiana Zeso Cristo tauimari tia mari icanarraroza parrissa tade. Narraroza parrissa tizanaporri, onarraro. Tia maridedeni nauato tinani: maizeraqquiri inani.

Ebreodenidsa 10:25

Uima onihi naqui Deo Pouaza ihiqueriqqui zanaporraro inebo-rrerana. Pina arra motadeni neneboqquimana narraridenissa inerrerana. Iape uarrirriraza icatizerara canarizana. Ia Zozossede Zeso ccanibote naui. Deo madirra bazimacca uima icattemaniuarrinecca uada bacco tabote nani. Nema nezape denima icatizerara canarizana, onarraro.

Ebreodenidsa 10:39

Naraha iape pina poccadeni uimaboteza torranimanapo-manarraridenissa inerrerani. Narraridenipa Deo inarrizobaqquiuitoui. Naraha iana Deoza rrehe inanissa tezape Deo ia tonassiuauabaqquiuitoui.

1 Zouao 1:3

Nazama arri qqui inarraro, imittarraro tiadeniza uati inarrarope iaza tirrariqquimananiuarrine. Pina ia Abi Deoza irrariqquirrarossa, Poua Bedi Zeso Cristoza naqui irrariqquirrarossa tiquenaniuarrine.

1 Zouao 1:7

Naraha ssiuarraniza rrauirrarizezape pina Deo ssiuarra taha madirrarissa inaniuarrine. Nezape imecotedeni tezerre irrariqquirraroparri. Deo Bedi Zeso Cristo emene naqui icca uimasiri bazima inanamossi-zanaporraroparri.

1 Zouao 2:19

Pouadenipa iaza quequeriqquimana naraha ia tonebobaqquirrari. Rridacca iazama Zeso Cristocca toquerrenazapa iaza quequeriqquimana-zanapouitouiraha iaza carrimemana-rrarazapa poccadeni uima iaza auato tarraro: Pouadenipa imecote querrena-rraraui.

Jodacca 1:20

Naraha tiadenipe nema tiquenerrerarri. Ouimecotedeni, titouideni ouati uana tani. Dacoraqquiri tiquenaza ticcadeni rrehenirri bicani poniraza dameraqquiri tiquenarri. Deo Corime tibodideni acco canaza Deoza uati uati titiquena nana, onarraro.