Tahimarideni 2:40 - Kulina New Testament Brazil

⁴⁰ Nazapa Pedoro denima uati uati tarrari. Poua attiza rrehe quenauiuarrine uatide damera tarrari: —Niza Deocca uadie torrezape pouaza iboqquiri narrarideni zori tocanire-rrarauitoui. Rricauitoui. Narrarideniza tiarrimanani narri −narrari Pedoro.

Culina Mádija

⁴⁰ Nadsapa Pedro denima huati huati tajari. Pohua attidsa jehe quinahijine huatide dissera tajari: —Nidsa Diocca huadie tojadsapi pohuadsa iboqquiri najarideni dsori tocanire-jarahitohui. Jicahitohui. Najaridenidsa tiajimanani naji −najari Pedro.

Tahimarideni 2:40 Iomraidhean Croise

Mateo 12:34

Rraho, maizaqquiri tiquenani. Tebenodenipe pina macca ebenossa tiquenarraro. Tibodideni uaidiraqquiri nezape uima uaidira tarrarozara tebenodeniza atti atti titiquena narraro. Arra madirra bazimapa pouadeni bodiza uima carri tezape narraro uimara uati uati totoquena narrari.

Mateo 16:4

—Rridapana timadimanarrarodeni uaidiraqquiri tiquenehe timadimanarraro. Taidepe tettideni: “Deocca iquerrenani” tiqueneraha zotodepe Poua Atti tinebomanarraro. Tiadenipe ocanauatoriri cananiuarrine touira uati tiqueneraha occa nauatohe onauatona onerrerani. Neraha ocanauatoriri cananicca uima orrariena qqui tiquenanitoui. Narrarope Zonacca uimassa narraro −nade Zeso. (Arra poua atti nama narraripa Zona pina uatiarrarissa naraha Deorrine tossiuauaza madipomarrari.) Nazapa nauiuarricca madirra inebobaqquiza Zeso toccapomarrari.

Mateo 17:17

Nazapa Zesoa: —Rraho, madirra bazima Deoza rrehe tiquenanissa terrerani. Arrirraro namicca uima bica terreranicca ticarrimanerre narraro. Tiadeni mari mari ohocanabaqqui neraha nerrecoma neza ticauatterapazerre? Ticcadeni rrehenirri parrirenissa terrerezape ouaza ocassera teraha nema nehe onauana-zanaponiuarrinequi? Rrari, ticca erredeni ouaza teccarronarro! −nade Zeso.

Mateo 23:33

—Tiadenipe pina maccassa tiquenani. Ticcadeni uima uaidira tarraro. “Deocca narrizoue zori icanirenitoui” tiquenarraroqui? Zori ticanire-rreranitoui! Rrororoni rriquerreraniuarri tiquerrenanitoui.

Maraco 8:38

Arra rridapana madimanarrarideni Deo Atti inebomaneza uimasiri ihinanemana narraro. Narrarideni noppine madirra cappinemanazapa: “Zesocca madirra orrarrerani” quena taui. Occa marinarraza naco: “Omittana onerrerani” quena taui. Nama quenazapa manaco ouatti pouadeniza: “Occa madirra tiquerrena-rrerani” onanitoui. Ouape Madirra Bedi orrarraroa nizaranibote arrirraro namiza occaronapomezape occa Abi Deo ssiuerrenema, pocca zozosse tabaqqui memeuarricca tezerre occaronapomanitoui. Nazana: “Onocco rriza tani pouadeniza” onanitoui −naui nade Zeso.

Roca 16:28

Nazama ouape ouimecote 5 quenaha ocarriderra. Pouadeniza ouatti Razaro uati taniuiuarrine: ‘Parri Deocca zossenirriza iboqquiri tiquenezape nacassereheuarri bacco tiquenanitoui’ nauiuarrine pouadeniza” narrari zepe ssebote atti.

Roca 21:36

Narraro noppineni tinarroremanehe timadimanarri, onarraro. Deoza uati uati titizanapomana narri, arri uima oppina tehe torreza zori ticanireniuarrine. Ouape Madirra Bedi orrarraroa niza occaronapomezape uima rrirehe obaccouarri tidomodeni uaniuarrine naqui Deoza uati uati titizanapomana narri, onarraro −narrari Zeso.

Huano 21:25

Nazama arri Zeso inauatorizarraro naqui uapi teraha narraro motape dozo onerrerani. Obodiza ouattipe narraro touatti bazima dozo onehe rriquezape papeo zama uapima irririzanitouiraha. Peperri.

Tahimarideni 10:42

Narraria poua tauimari madirra bazimaza ecomerarizaniuarrine ia tocazossebaqquirrariparra. Abi Deo Poua Bedi zosse inaronarraripa madirra bazimacca uima cacattemade torrauiuarrine. Naui nizaranibote Zeso poua ccanipomaza rricaporrarideni inauatonibaqquizapa arra camittaqquiri narrarideni tezerre uimarideni icattemanitoui.

Tahimarideni 15:32

Zoda Sira tezerrepa Deo Atti uauati toqquimadedeni toquerrenazapa Zesoza rrehe quenarrarideniza Deo Atti uati iqquimemanarraro. Poccadeni uatinarra arabo taniccaza uati uati toquenazapa Zesoza rrehe quenarrari bodideni inauatize-baqquimanaza poccadeni rrehenirri todacorani narraro.

Tahimarideni 20:11

Nazapa Paoro ccamaronipomaza pao dize inariza iaza da inarizazapa apa inade. Nazapa Paoro denima maride torrazapa icassiuarrade. Nazapa maride rricaza toccarrari.

Tahimarideni 20:2

Naui Masedoniauarricca Zesoza rrehe quenaporrarideniza bacco tarizapomaza mari icanabaqquipomarrari. Atti bica taza inauatize-baqquirizarrari. Zotodepa Cresiauarri bacco tapomarrari.

Tahimarideni 20:21

Arri zodeodeni, zodeo querrena-rrararrarideniza naqui Zeso Cristo tauimari mari mari onarizezape ouatti arrima ohonanarrarode: “Ticcadeni uimasiripe tinebomaneza Deozara iboraqquiri tiquenarri. Ia Zozossede Zeso Cristoza parrissa tiquenarri” ohonanarrarode.

Tahimarideni 20:24

Naraha ouape narraro uimaza ocappina-rrerani. Oua inanazoqque-maneza naqui peperri, bica tani. Oua Zozossede Zeso Cristo oua cazosserraricca uimaza ouatizezape orrine parrirenissa taniuarrine, onarraro. Arra oua cazosserraripa Deo madirraza uati cauanari canauicca uima bicani mari mari ohonanarraroparride.

Tahimarideni 20:9

Nauizana zabisso oni Eotico noccobirriza uittari canarraride. Naraha Paorocca marinarra arabo tezape zabisso uadarrari. Oza tetepiuarricca coba canauarranini uarri teraha ssonaha uatiarra nade. Idimemanaraha uatiauira idimemanarrari.

Tahimarideni 28:23

Nazapa pocca marinarra mittemanauiuarrine uada orrarie icatterrizemanade. Narraro uada bacco taza izamassa Paorocca ozauarri bazima queriqquimanade. Nazapa Paoro Deocca cacauehe tauimarini, Zeso tauimari naco mari icanabaqquirrari. Zeso tauimariza parrissa quenauiuarrine damera tarrari. Moizecca marinarraza, Deo Atti cacomeraqquiri narraridenicca dozonirriza naqui mari icanabaqquirrari. Narraro maridepe marri touaqquemanaraha zomezana paparra quenade.

Tahimarideni 4:36

Nazapa madirra oni Zoze naco narrarossa narraro inanarraro. Pouapa rebitadeni. Zama bedeni ueni imehiza uittizacossani onini Sipreza tossonarrari. Zesocca zozosse tabaqqui pouaza: Banabe, quequenanarrari. (Ettizape: Toponi nanauatizede, inarraro.)

2 Corintodeniza 5:20

Nazama iape Cristo tauimari totouaccade iquerrenani. Tiadeniza uati inarrarope pina Deo tiadeniza uati tarrarissa narraro. Etti bica teza Cristo onima tiadeniza uati uati inarraro: —Deo tezerre ticarronerara canarri −ihinanarraro.

2 Corintodeniza 6:17

Nama nazapa Poua Atti dozo nani onihi naqui: —Ouaza rrehe quena-rrararrarideniza uarrirri tinarri. Oppina tauicca, parrima onaniccaza ticarrimemanarrerarri. Nema tiquenezape tiadeniza: “Rrehe, ouaza rraui tirrarronarri” onanitoui.

Carasiadeniza 5:3

Tiadeniza uati omanipomarraro: Zodeo rrararrari zopori cotani eteroni uissinarra carrirraripa Moizecca marinarra nemanehessa inanazanaponiuarrine. Nama narrarazapa pouaza toppinanitoui.

Epesodeniza 4:17

Rrehe, nezape oua Zozossede Deo oua cazossezapa poua onima tiadeniza uati onarraro. Ouattissa tinanemanarri. Taide timadimanapozape ticcadeni uaidirehema timadimanaccade. Naraha rridapana Deocca tiquerrenezape pina Deoza toquerrena-rrararraridenicca madiessa tinanemana-rrerarri. Pouadenipa pouama madimana-zanaporrari. Bodideni uatomanauiuarrine ssamoqquiri narrari.

Piripodeniza 2:15

Naui Zeso Cristoza rrehe quena-rrararrarideni tiadeniza: —Uaidiraqquiri naui −quena-rrarauiuarrine. Tibodideniza uimasiri carrima-rrerani uima auato taniuarrine, onarraro. Deocca erredeni tiquerrenarrarope tiadeni tecauemananissa tarri, uimasiri tinanemana-rreraniuarrine. Naraha Zeso Cristoza rrehe quena-rrararraridenipa arrirraro namicca uima toui quenazapa uaidiraqquiri narrari. Bodideniza uananehe irrirraro. Pouadenipa ziziniza madirizemanarrari. Naraha tiadenipe pina amoua ziziniza ssiuarra tarrarissa tiquenarraro.

1 Tesaronicadeniza 2:11

Icca uima onihi naqui nauatoqquiri tiquenani. Tiadeni ihinauatizebaqqui narrarope pina arra madirra pocca erredeni bodideni acco icanabaqquirrarissa inanarrarode. Orri orri tiqueneza naqui tetideni ihinassonabaqqui nade. Arra Deo titouideni uaua narraripa pocca cacaueheuarri tiquerrenaniuarrine, Poua zibehine, pocca deni torrehe qqui tiquenanissa taniuarrine. Pouarrine tiadeniza uima nema nezape tiadeniza: —Deoza timadimananissa tarri −ihinanarraro.

1 Timoti 4:16

Ticca madie tecauanissa tarri. Deo Atti naqui mari tanissa tarri. Nema tizanapozape tia, ticca mamari tabaqquima Deorrine ticassiuaueraniuarrine, onarraro.

1 Pedoro 5:12

Ouimecote Silvanopa bica tarrari. Zeso Cristoza damera taui. Pouapa oua acco canaza arrirraro uima bazira tehe tiadeniza dozo onarraro, tibodideni acco ocanabaqquiniuarrine oneza. Deo titouideni uati cauanari canaui parrissa nauatoqquiri tiquenaniuarrine tiadeniza dozo onarraro. Pouapa tiadeniza uima bicani inanezape pocca touati uanehe auato inanarraro. Narraro pocca touati uaneheza dameraqquiri tiquenarri, onarraro.