Tahimarideni 2:4 - Kulina New Testament Brazil

⁴ Nazapa pouadeni bodiza Deo Corime torrarizauissa tazapa Deocca nauatoue carrimanarrari. Orrariapa touatti rriza tarraroza uati, ouahapa touatti rriza tarraro onihiza uati, ouahapa touatti onihiza uati uati narizemanarrari. Deo Corimerrine nama narizemanarrari bazima.

Culina Mádija

⁴ Nadsapa pohuadeni bodidsa Dio Corime tojaridsahissa tadsapa Diocca nahatohue cajimanajari. Ojariapa tohuatti jidsa tajarodsa huati, ohuahapa tohuatti jidsa tajaro onihidsa huati, ohuahapa tohuatti onihidsa huati huati naridsamanajari. Dio Corimejine nama naridsamanajari huapima.

Tahimarideni 2:4 Iomraidhean Croise

Mateo 10:19

Nazama taminedeniza tiadeni touaqquezima-baqquimanazapa pouadeniza ticcadeni uima tecomeremananiuarrine nerrecoma onapazerre? tiquenerrerana. Ticappinemana terrerana, onarraro. Nauiza taminedeniza tecomeremananiuarrine Deo Poua Corimena tettideni acco tocanabaqquiuitoui.

Maraco 16:17

Ouaza parrissa quenarraridenipa oua oniza zepedeni irrimanaza canauatorimana canauitoui. Canauatorimana quenazapa Deocca dacorehe auato tanitoui. Rrehe, oua oniza uati uati toquenazapa Tocorime-Taminecca zozosse tocorime zosse ininebaqqui-manauitoui. Touatti onihiza naco uatide nauatoqquiri nauitoui.

Roca 1:15

Nazama narrari ticca erredenipa Deoza bica taha torrauitoui. Pouapa uva pperrene ze narrarauitoui. Zeze coma tanicca naco ze narrarauitoui. Pouapa tossona-rraraccazama Deo Corime pouaza torrauitoui.

Roca 1:41

Maria nirra nani Izabeo mitteza poni izonicca erredeni ttai ttai nazapa Deo Corime Izabeo bodiniza torrauissa tarrari. Nezape Deo Corimerrine bodini nauato tarraro.

Roca 1:67

Nazama erredeni imehi Zacariapa Deo Corime poua bodiza torrauissa taza Deo Atti ecomerarraro:

Roca 12:12

Nani pouadeni tezerrema terimaneza uati tiquenaniuarrinepe Deo Corimena tiadeni tonauattabaqquiuitoui, onarraro −narrari Zeso.

Roca 21:15

Tettideni tecomeremananiuarrinepe tiadeni acco ocanabaqquinitoui, tiadeni uadidedeni tettideni inassamomana-rreraniuarrine, uima uatide nauatoqquiri tiquenaniuarrine. Nazapa pouadeni attina tettideniza arrimani torranitoui.

Roca 4:1

Zouao Zeso passo dopaniza niqui izanaha rricazapa Zeso bodiza Deo Corime torrauissa tarrari. Ueni Zorodaouarri qquemoranizapa Deo Corime Zeso iaccarrari, zama uamoni ssono carri, siba carri taniuarri madiuiuarrine.

Huano 14:26

Naraha niza noue orrirezape Abi Deo tiadeni Acco Canade zosse inaronauitoui. Narraripa Deo Corime pina orrinessa inananitoui. Denima tiadeni mari tocanabaqquiuitoui. Arri uati uati onarrarocca naqui pouarrine tibodideni uatomanissa tanitoui −nade.

Huano 20:22

Nazapa Zeso iauarri rrappo naza uati tade: —Deo Corimera ticarrimanarri.

Tahimarideni 1:5

Taidezama tibodideni cacarriqquimerezape: “Occa uimasiri onebona” tiquenezape Zouaopa passo dopaniza tiadeni niqui tozanabaqquiraha niza uada onihizana Deo Poua Corime tiadeniza da inarizazapa tibodideni denima cacarriqquimeranitoui. Deopa tibodideni zati inananitoui −narrari Zeso.

Tahimarideni 1:8

Naraha Deo Corime ccarronabote naui. Tibodideniza torrarizazana pocca dacorehe ticarrimananitoui. Nazana otauimari maride tiquerrenarizaniuarrine. Arri timadimananicca oza panani Zerozareza maride tiquerrena, ticcadeni zama Zodeaza maride tiquerrena, Zodea uinorinicca zama Samariaza maride tiquerrena narizaniuarrine, onarraro. Arra zama uarri tanicca madirizemanarrarideni naco bazima otauimari mittarizemanauiuarrine teccorarize-manana. Arri ouaza rraui tirrarizeza qqui tiquenarrarocca uima, occa marinarra timittemanarrarocca uima naqui mari ticanabaqquirizana, onarraro –narrari Zeso.

Tahimarideni 10:47

Nazapa Pedoro uati tapomarrari: —Arra Coneriocca madirrapa madirra ouaha querrenaraha Deorrine Poua Corime bodideniza torrarizarrari. Pouadenipa Deo Corime carrimanarrari, pina iassa quenaui. Nazapa passo dopaniza niniqui carrimanauiuarrine bica tani. Nerrecorrari pouadeniza: “Passo dopaniza niniquipa carrimana-rrarana” nauiuarrine? Noueraui −narrari Pedoro.

Tahimarideni 11:15

Nezape pouadeniza uati uati onanerre Deo Corime pouadeniza torrarizarraride. Pina iaza torrarizapouissa narraride.

Tahimarideni 11:24

Banabepa bica tarrari, Deo Corimecca dacorehe carrirrari. Zesoza naco rrehe nauissa zanaporrari. Nama nazapa Atioquiacca madirra uapi taha ia Zozossede Zesoza rrehe quenarrari.

Tahimarideni 13:52

Naraha naui Atioquiacca Zesoza rrehe quenarrarideni uatizemaneri narrari. Deo Corime naco pouadeni bodiza torrarizauissa tarrari.

Tahimarideni 13:9

Nazapa Saoro, arra poua oni ouaha ua quenauipa Paoro quequenanarrari, poua bodiza Deo Corimecca dacorehe torranissa teza zoppinerre icattoma naza uati tarrari:

Tahimarideni 15:8

Deopa madirra bodideni nauato tarra narrari. Zodeo querrena-rrararrarideni Zesoza parrissa quenaui Deo nauato tazapa pouadeniza Poua Corime inanarizarrari. Pina iaza Poua Corime inanarizaporrarissa narrari. Nama nazapa Deo Pouarrine zodeo querrena-rrararrarideni naco pocca madirra toquerrenauiuarrine nacassa taui auato inanarraro.

Tahimarideni 19:6

Nazapa Paoro Deoza uati tarra naza Zeso Cristoza toquerrenarrarideni poua zepeza bara inebo, bara inebo narizanarra Deo Corime pouadeniza torrarizauissa tarrari. Nazapa Deo Corimerrine touatti rriza tarraroza uati uati toquenarrari. Deo Atti naqui bodideniza auatoza uati iqquimemanarraro.

Tahimarideni 2:11

Cretauarricca, Arabiauarricca naco mittemanarrari. Motadenipa zodeo madirra pouara, naraha motadenipa madirra ouaha zodeo querrena-rrararaha zodeodenicca marinarraza toquerrenarrari. Iape zama bazimacca madirra tezerre icarrimama caneraha ettiza uati uati toquenarrari: “Deopa bica taui, canauatori canaui” quenarrari. Deocca uima ettiza uati uati toquenaza imittapa −quenarrari amossiniza domo uarrarideni attideni.

Tahimarideni 2:3

Nezape pouadeniza pina rrororonissa nehe auatomarizarraro. Torraribaqquizape pouadeniza carrororori narizarraro.

Tahimarideni 4:31

Deoza uatide rriquezape narraro oza rrene rrene canarraro. Nazapa Deo Corime pouadeniza torrarizauissa tarrarirrine cappinemana-rraraza Deo Atti ecomerarize-manarraro.

Tahimarideni 4:8

Nazapa Pedoroza Deo Corime torrauissa tarrarirrine cappinera taza ecomerarraro: —Rrehe taminedeni, ime rrocouideni, tiadeniza uati onana. Titauaribobo canarri.

Tahimarideni 6:3

—Nazapa zamatapa dade toquerrenauiuarrine madirra 7 quenaha ticatterrizabaqquimanarro. Pouadenipa Deo Corimecca dacorehe carrimanarrari. Bicaqquiri, bodideni nauatoqquiri narraridenira zamatapaza zepedeni irrimanauiuarrine qqui tinabaqquimanarro. Iaza teccarronabaqquimanazapa bazima qqui toquenaza pouadeniza: “Rrehe, zamatapa dade tiquerrenana” inaniuarrine −quenarrari.

Tahimarideni 6:5

Nazapa bazima: —Rrehe, bica tani −quenazapa zamatapa dadade toquerrenauiuarrine icatterriza-baqquimanarrari. Onidenipa: Estevao, Piripi, Procoro, Nicano, Timao, Paomena, Nicora quenarrari. Estevaopa Zesoza rrehe nauissa zanaporrari, Deo Corimecca dacorehe naco carrirrari. Nicorapa oza panani Atioquiacca madirra zodeo rrararaha zodeodenicca marinarraza torraporrari.

Tahimarideni 6:8

Estevaopa Deocca touati uanehe carri, Deocca dacorehe naqui carri nazapa canauatori canarrari. Madirra bazima Estevao canauatori canaui qqui qqui zanapomanarrari.

Tahimarideni 7:55

Naraha Estevaopa poua bodiza Deo Corime torrauissa tarrarirrine memeuarri qqui tamacossaza Deo ssiuerrene qqui tarrari. Zeso Cristo Imehi uinori nauatoniuarri uaui naco qqui tazapa pouadeniza uati tarrari:

Tahimarideni 8:17

Naraha Pedoro Zouao tezerre pouadeniza bara quenaza Deoza uati toquenazapa Deo Corime bodideniza torrarizarrari.

Tahimarideni 9:17

Nazapa Anania Zeso attiza ibora tazapa toccarrari. Zodacca ozauarri bacco tazapa toqquezimaza Saoroza bara naza uati tarrari: —Ouimecote Saoro, rraui ticcarroneraha ia Zozossede Zeso Cristopa tiaza auatode. Narrari oua zosse narronaza occarronarraro, tinocco biquemaniniuarrine, Deo Corime tibodiza torrauiuarrine −narrari Anania.

Romanodenidsa 15:13

Itezerremacca uima bicani rrinede Deopa Pouaza parrissa tiquenarrarodeniza pocca uatizehe, pocca rronehe inanarizana. Titezerremadenicca uima bicanitoui Poua Corimecca dacorehema timadimanana, onarraro.

1 Corintodeniza 12:10

Nauatoue onihi motadeniza da inarizarrarope Deocca dacorehema canauatorimana canarrari. Nauatoue onihi motadeniza da inarizarrarope Deo pouadeniza uati tazapa Poua Atti uati iqquimarize-manarraro. Nauatoue onihi motadeniza da inarizarrarope Pouarrine bodideniza uima parrissehecca, maizehecca nauatoqquiri narrari. (Pina madirra canauatori canaui qqui toquenaza nauatoqquiri nazapa: —Narrarope Deo Corimerrine rrerani −quena taui. Madirra ouahacca nauatoue qqui toquenaza naco bodideni nauatoqquiri nazapa: —Narrarope Deo Corimecca zossenirria −quena taui.) Nauatoue onihi motadeniza da inarizarrarope Deo Corimerrine touatti rriza tarraroza uati uati totoquena narrari. Ouahadeni naco touatti rriza tarraro mittemanaza Deo Corimerrine poccadeni madirra attideniza uati uati ihiqquimemana narrari. Nauatoue onihi motadeniza da inarizarrarope Deocca dacorehema canauatorimana canarrari. Nauatoue onihi motadeniza da inarizarrarope Deo pouadeniza uati tazapa Poua Atti uati iqquimarize-manarraro.

1 Corintodeniza 13:1

Touatti onihi bazima uatide nauato oneza Deocca zozosse tabaqqui memeuarricca attideni uatide naqui nauato onezape occa uima Deoza bica taniuarrineraha madirraza ouati uanera tezape occa uima Deoza bica terrerani. Ouattipe ponima torranitoui. Pina beobeo touaidiraza mouini rriza tehe imittarrarossa narraro.

1 Corintodeniza 13:8

Touati uanehepe nema zanaponitoui. Niza arri Deorrine madirraza auato teza uati uati totoquena narraripa nebomanauitoui. Arra madirra touatti rriza tarraroza uati uati totoquena narrari naco rricanitoui. Deo Corimerrine touattehe carrimanaraha narraro naqui amossi nanitoui.

1 Corintodeniza 14:18

Nazama tiadeni motape touatti rriza tarraro ticarrimaneraha tiadenipe arrimani uati tiquenarraro. Ouana denima touatti rriza tarraroza uati uati onarraro. Narrarorrine Deoza: —Rrehe, peperri, bica tani −ohonanarraro.

1 Corintodeniza 14:5

Tiadeni bazima touatti rriza tarraroza uati uati tiquenanipe ouaza bica tani. Naraha Deo Atti uati tiqquimarize-mananina ouaza denima bica tarraro. Narrarona uima deni torranicca. Touatti rriza tarraroza uatidepe arrimani. Naraha timecote touatti rriza tarraroza uati uati taza poua atti uati toqquimade anizapa bica tani. Naui arra Deoza quequeriqquimana narraridenicca rrehenirri todacoraniuarrine.

Epesodeniza 3:19

Pocca touati uanehe deni torrarrarorrinepe nauato inanissa taniuarrine iparrire-rrereraha tiadeniza auato taniuarrine Deoza uati uati onarraro. Pocca touati uanehe tiadeniza torrizerezape Deo tiadeniza aniuissa tauiuarrine, onarraro.

Epesodeniza 5:18

Tinoccodeni rrano taniuarrine coma tanicca ze tiquenarrerana. Ze tiquenezape ticcadeni madie touaidiranitoui. Arrima tiquenanina bica tani: Deo Poua Corime tiadeniza torrauiuarrine Pouaza: —Ticorime ouaza tinanarri −tiquenana. Nema tiquenezana uima bicanira tinanemananiuarrine Deo Corime tiadeni zosse zosse nauitoui.

Epesodeniza 6:18

Uarrirriraza Deoza uati uati titiquena narri. Pouaza uatide tinebomana terrerarri. Deo Corime tibodideni acco tocanabaqquiuitoui. Tetideni uatoza tinoccodeni panehe timadimanarri. Pina isso teppeppe pocca uauadidedeni noppinedeni nocco panarrarissa tiquenana. Tiadeniza uima bica teza, ocassera teza naqui Deoza uatide dameraqquiri tiquenarri. Deoza toquerrenarrarideni bazimatoui Deoza uati uati titiquena narri.

1 Pedoro 1:12

Cristo-Mesia tauimari ecomeremana-porrarope pouadeni madimanaza torraniuarrine rrerani, zotodedeniccazana torraniuarrine. Deorrine pouadeniza auato inanaporrarope tiadenizana parrissa torrarraroparri. Arra Deo memeuarri madirrari Poua Corime namiuarri zosse inaronaza Poua Atti maridedeni bodideniza torrarizarrariparrade. Nazapa pocca dacorehema Zeso Cristo tauimari icassiuaueraniuarrinecca tiadeni mari mari totocanabaqquimana narraride. Deocca zozosse tabaqqui memeuarricca naco narraro uima bicani qqui toquenauiuarrine touini narronemanarrari.

2 Pedoro 1:21

Rrehe, Deo Atti cacomeraqquiri narrarideni Deo Atti ehecomerarizemana narrarope pouadeni touini quenauicca rrerani. Pouadeni bodiza: —Arrima onanana −quena-rraraui. Deo Corime pouadeni bodideni acco icanabaqquizana Deo Poua touini nauiccara ehecomerarizemana narraro.