Tahimarideni 2:27 - Kulina New Testament Brazil

²⁷ Ozoqqueza naqui ocorime zoqquemana-porrarideniuarri tinebo-rreranitoui. Tirrine ouime naqui namiza rrazi-rreranitoui. ‘Arrarraripa occa erredeni bicabote’ tanitoui.

Culina Mádija

²⁷ Odsoqquedsa naqui ocorime dsoqquemana-pojaridenihuaji tinebo-jeranitohui. Tijine ohueme naqui namidsa jadsi-jeranitohui. ‘Ajaripa occa ejedeni bicabote’ tanitohui.

Tahimarideni 2:27 Iomraidhean Croise

Mateo 11:23

—Rraho, oza panani Capenaouarri timadimanarrarodeni naqui narrizoue oppina tanicca tiadeniza ssonarinitoui. Deo memeuarri madirrariza bacco tiqueneza tiadeniza Poua Attipa: “Rrehe, tiadenipe bicaqquiri tiquenani” napazarra? Nama narrarauitoui! Ticcadeni ibouerrinepe nami odini uarri tani rricaqquini noueraniuarri tiadeni ua tozimauitoui. Arrina, ticcadeni oza pananiuarri ocanauatori canani qqui qqui tiqueneraha tibodideni cacarriqquimerehe nerrerade. Neraha maittaccazama oza panani Sodomauarri madimanaporraridenipa uimasiri sseqquiri naza Deorrine memeuarricca zippo siba carrimani ppocorarraroza oza, madirra bazima rricarrari. Naraha pouadenipa ocanauatori canani qqui toquenapo-rrararrari. Rridacca qqui toquenazapa pouadeni bodideni cacarriqquimere-manaza Deo pouadeni inarrica-rrarauitouiraha. Rridapana Sodomazape madirra madimanaui parra naccauitouiraha −nade Zeso.

Maraco 1:24

—Nazaretiuarricca Zeso! Nerrecotouira ticcarronarraro? Icca uima tinarricaniuarrine ticcarronarraroqui? Ticca uima nauato onani. Tiape Deocca Erredeni Bicabote tirrani −naui nade.

Roca 1:35

Naraha manaco Cabirieo uati tarrari: —Deo Corimepa tiaza bacco naronauitoui. Deo memeuarri madirraripa tiaza pocca dacorehe inananitoui. Pina meme esseni nauini tiaza uezana narrarossa nezape Deocca dacorehe tiaza torraniuarrine. Narrarorrine erredeni nauatorraripa uimasiri cappira, bodi ssiuarra tauitoui. Pouaza: “Deo Bedi” quequenanauitoui.

Roca 16:23

—Nazama zepe sse tarraripa parra rriquemanarirrarideniuarri madizapa ocasserani auarrari. Nauiuarri madizapa uarri taraha Razaro Abarahao tezerre qqui inabaqquirrari.

Roca 24:44

Nazapa pouadeniza uati tarrari: —Arri uima ouaza torrarrarope pina tiadeniza occarizaponi uati onaporrarossa narraro torrarraro. Narrarope Deo Atti dozo naponiccassa narraro. Arri Moize otauimari dozo inaporrarope narrarossa narraro. Deo Atti cacomeraqquiri narrarideni naco otauimari dozo iquenaporraro. Arrie rrirriridedeni naco otauimari dozo iquenaporraro. Narraro bazimape maittaccazama dozo iquenerre narronaponi narraro. Narrarossa narraro Deorrine ouaza torrarraro −narrari Zeso.

Roca 4:34

Nazapa Zeso qqui tazapa poua bodiccarrine rrazirema atti atti narrari: —Rraho, Nazaretiuarricca Zeso! Nerrecotouira ticcarronarraro? Icca uima tinarricaniuarrine ticcarronarraroqui? Ticca uima nauato onani. Tiape Deocca Erredeni Bicabote tirrani −narrari Zesoza.

Huano 11:39

Naraha Zeso: —Siba cco tirrizemanarri, touabaniuarrine −nade. Naraha arra zoqquerraricca asi Marta attinipe: —A, ia Zozossede, poua zoqqueuicca uada 4 narraro. Battaui −nade.

Tahimarideni 2:26

Nezape obodi uatizeza rriri rriri onarraro. Ouime ouassirema ozoqqueniuarrine ocappina-rrerani. Ozoqqueni nattinipe uima bicani torranitoui. Narrarotouira obodi uauatoma narraro.

Tahimarideni 2:28

Arri camittehe imadi-zanaponiuarrinecca naqui oua mari ticanarraro. Tiaza omadizape ticca uatizehe naqui ocarrinitoui” naui nade Dabi dozo inapoza −narrari Pedoro.

Tahimarideni 2:31

Narrarorrine Dabi pina Zeso nauatoniui qqui taporrarissa naza uati taporrari. Narraria arra Cristo-Mesia quequenanarraripa “zoqqueza ppa izemanaraha poua ime rrazi-rreranitoui. Poua corime naco zoqquemana-porrarideniuarri inebo-rrarauitoui” napoui nade Dabi atti.

Tahimarideni 3:14

—Zesopa poua bodi ssiuarra, pocca uima borocco teraha pouaza parrissa tiquenerrerezape tamine Piratoza uati tiquenarraro: “Barrabana tappa tinarro” tiquenarrarode, pouapa toponi nanazoqquederaha.

Tahimarideni 4:27

Narraro uimassa narraro torrarrarode. Arri Zerozareza queriqquimanaza tamine Erodi, tamine Ponsio-Pirato, zama onihicca madirra, icca madirra Izarraeodeni quenaza naco ticca Erredeni Bicabote inanazoqque-manauiuarrine uima narroremanarraride. Narraria arra Zeso tiaza ibora tarrari ticatterrizaporrari, ia Tonassiuauade Cristo-Mesia torrauiuarrineraha pouaza boqueqquiri nade.

1 Corintodeniza 15:52

Arrima nanitoui: Essirepe amazati cacarriqquimeranitoui, pina inocco pari pari narrarossa nanitoui. Niza rrorro rricauicca rrori rrori nazapa arri namiza imadirrarocca uima rricanitoui. Nazapa rricaporrarideni nauatonimanauitoui, rricapoma-rrarauiuarrine. Nazapa nauatonimanarrari assiredeni, camittaqquiri inaccarraro essire bazima cacarriqquimeranitoui.

1 Corintodeniza 15:55

Deo Atti dozo nani onihiza naqui: —Nirra Zoqquehe nerrecouarri ticca dacorehe? Nirra Zoqquehe nerrecouarri ticomene? −nani nade Deo Atti dozo naniza.

1 Zouao 2:20

Naraha tiadenipe pina pouadenissa tiquenerrerani. Cristo tiadeniza Deo Corime da inarizazapa tibodideniza madirrari. Narrari Deo Corimerrine Deocca parrissehe nauatoqquiri tiquenarraroparri.

Apocalipsis 1:18

—Ouape camitta onani. Ozoqqueporaha onauatonizape omadi-zanaponitoui. Ouape chave ocarrini. Narrarope zoqquehecca, bobottacca narraro −nade Zeso Cristo ouaza.

Apocalipsis 3:7

Zeso Cristo ouaza uati zanaporrari: —Piradeopiauarri otauimariza quequeriqquimana narrari cacauadeza dozo tarri −nade. —Ouape parrissa. Obodi ssiuarra, uisso tarraro. Maittaccazamacca tamine Dabicca chave ocarrini. Narraro chaveza Zerozare zaticca noccobirri ouacauarraro. Madirra Deoza memeuarri madimanauiuarrine rrehe onezape rraui torrezimauitoui. Rrehe onerrerezape rraui torrezima-rrarauitoui.