Tahimarideni 2:24 - Kulina New Testament Brazil

²⁴ Zesopa zoqqueraha Deorrine nauatonirrari. Zoqquehe comanipe pouaza mari zaneraha Deorrinena Zeso tappa inarrari. Zoqquehepe pouaza mari zananiuarrine ssamo tani.

Culina Mádija

²⁴ Jesopa dsoqqueraha Diojine nahatonijari. Dsoqquehe comanipi pohuadsa mari dsanaraha Diojinena Jeso tappa inajari. Dsoqquehepi pohuadsa mari dsananijine ssamo tani.

Tahimarideni 2:24 Iomraidhean Croise

Mateo 27:63

Bacco toquenazapa attidenia: —Ia zossede, ibodi uatomarraro, arra maitta maizarriderabotepa zoqque-rraraccazama poua attipa: “Niza ozoqquezape uada 3 neza onauatoninitoui” nanarra nade.

Huano 10:18

—Arri ozoqquerraro naqui madirra ouaharrine rrerani. Ouana oua ouaccoreza oua inanazoqque-mananitoui. Occa camittehe ouaccoraniuarrine oparrireni. Occa camitteheza bacco onanipomaniuarrine naqui oparrireni. Arrirraro zossenirripe occa Abirrine −nade Zeso.

Huano 10:35

Arri Deo Atti dozo naniccaza nauatoqquiri inani. Narraroza: “Maizehe” inaniuarrine oppina tani. Deopa pocca zossenirri carrimanarrarideniza uati tarrari. Pouadeniza: “Tiadenipe deodeni” naui nade Deo.

Huano 12:39

Rrehe, zodeodenipa Zeso canauato-uarrapoui canaui qqui toquenaraha parrissa quenauiuarrine bodideni ssamoqquiri nade. Izaiapa poccadeni uima onihi naqui dozo inaporraro:

Huano 20:9

Iape Deo Atti dozo naponicca ihimittapo neraha iaza pina ponimassa nade. Narraro uima dozo naporrarope: —Zoqqueraha, nauatoniuitoui −naporrarode.

Tahimarideni 1:16

—Rrehe ouimecotedeni, Deo Atti dozo naponiccape parrissa torrarraro. Maittaccazama Deo Corimepa tamine Dabiza Zodacca uima auato inanapoza Dabi uati taporrari. Narraria arra Zodarrine Zeso tozepe torrarrariparra. Narraroa arri ia qqui inarraroparri.

Tahimarideni 13:30

Naraha Zesopa uada 3 naza Deorrine nauatonirrari.

Tahimarideni 13:37

Naraha Deorrine Zeso nauatonirraripa poua imena batta-rrerarraro. Narraricca uima Dabi dozo inaporraro −narrari Paoro.

Tahimarideni 17:31

Deopa madirra bazimacca uima icattemanitoui. Niza Deo Poua nacassa tauicca uada bacco tezape zama bazimacca madirradenicca uima pocca parrisseheza nattome inanitoui. Madirra bazimacca uima cattemadepa Deo icatterrizaporrari. Narraria arra Poua Bedi zoqqueraha Deo Pouarrine nauatonirrari. Madirra bazima pouaza: “Parrissa, narraripa madirra Tonassiuauade torrauiuarrine Deo icatterrizaporrari” quenauiuarrine −narrari Paoro atti.

Tahimarideni 2:32

Narraria arra Zeso Cristo Deorrine nauatoniui qqui inarrariparra.

Tahimarideni 3:15

Tiadeni camittehe rrinede tinanazoqquemanaraha Deorrine nauatoniza Deo Pouauarri toccamacossanirraride. Iape parrissa qqui inarraroa arri nauatoqquiri inarraroparri.

Tahimarideni 3:26

Narraria Deo Poua Bedi taide tiadeniza zosse inaronapoza pina madirrassa naha tossonarrariparrade. Nerrecotoui Poua Bedi arra namiuarri zosse inaronarrari? Poua Bedirrine tibodideni bazimaza uatizeheri inananiuarrine, arra pouapa tiadeni tonauarriui narrari ticcadeni uimasiri tinebomananiuarrine −narrari Pedoro poua imecote Izarraeo potemauideniza.

Tahimarideni 4:10

Rrehe, nazama narraro uimape tiadeniza uati onana. Icca madirra Izarraeodeni bazima naco bodideni nauatoqquiri nauiuarrine uati onana. Iape: “Parrissa Nazaretiuarricca Zeso Cristo atti dacorani” inarraro. Poua onima isso siriza: “Titemeza ticcarizarri” inezape Zesorrine isso siri tonomirrariparra. Narraria arra tobicaui qqui tiquenarrariparra. Narrari Zesopa tirrinedeni aua porimacossaniza coba tizanemanaza zoqqueraha Deorrine nauatonirrariparra. Pouarrinea arri nauatoue icarrirraroparri.

Tahimarideni 5:30

Abi Deopa icca ididenicca Deo. Narrarirrinena Zeso nauatonirrariparra. Tirrinedeni aua porimacossaniza zoqqueza ppa tizemanaraha nauatonirrari.

Romanodenidsa 10:9

Madirraza tecomeremanezape: —Zesopa oua Zozossede, occa tamine deni torrauicca −tiquenarri. Tibodideniza naqui: —Zeso uatiaraha Deo inauatonirraripa parrissa −tiquenezape ticassiuaueranitoui.

Romanodenidsa 14:9

Narrarotoui Cristopa zoqquerrari. Nauatonizapa madipomarrari. Pouapa rricarrarideni, camittaqquiri narrarideni Zozossededeni torrarrari.

Romanodenidsa 4:24

Narraro uimape iaza naqui dozo narraro. Ia naqui ia Zozossede Zeso Nauatonide Deoza parrissa inezape Pouapa iaza: —Bicaqquiri tiquenani −narrari.

Romanodenidsa 6:4

Passo dopaniza ia niqui izanemanezape pina Cristo tezerre ia ppa izemanarrarossa narraro. Arra Cristo ppa izemanaraha Abi Deo pocca deni torrehe bicabotema Cristo inauatonirrari. Ia naqui Cristo poua tezerre ecoteraha poua tezerre inauatonirrarossa narraro. Narraroa arri madie zati icarrirraroparri.

Romanodenidsa 8:11

Deopa Zeso inauatonirraria Poua Corime tibodideniza madirrari. Nazapa Poua Corime tiadeniza madirrarirrine Zeso Cristo Nauatonide Pouana tessiredeniza camittehe rriquerreranicca da inarizanitoui.

Romanodenidsa 8:34

Nerrecorrarina Deo icatterriza-baqquirrarideniza: —Narrizoueuarri ocasserani auemanauitoui −nauiuarrine parrirerrari? Ssamo taui. Zeso Cristopa itoui parrissa zoqquerrari. Narrarina parrissa nauatonirrari. Toccamacossanizapa Imehi Deo uinori nauatoniuarri uittarirrari. Nauiuarri uittariza Imehiza uati uati nanarra narrari, ia touacaua-baqquiuiuarrine.

1 Corintodeniza 15:12

Naraha icca marinarrape: —Cristopa zoqqueraha Deorrine nauatonirrari −ihinanezape nerrecotoui tiadeni motaha: —Rricarraridenipa nauatonimana-rrarauitoui −titiquena narraro?

1 Corintodeniza 15:15

Parrissa nauatonie nouerezape icca marinarra arri: —Deorrine Cristo nauatonirrari −ihinanarrarope Deoza maizehe inananerre. Parrissa nauatonie nouerezape Cristo nauatoni-rraranarra.

1 Corintodeniza 15:20

Naraha Cristopa parrissa nauatonirrari. Pouapa pina uizarracca zamatapa taidecca bite quenaporrarissa narrari. Cristo taide nauatoniporrarirrine madirra bazima naco zotode nauatonirize-manauitoui.

1 Corintodeniza 15:4

Cristo uatiaza ppa izemanaraha uada 3 nazapa nauatonirraride. Narraro naqui Deo Atti dozo iquenaporraroza nema naporraro.

1 Corintodeniza 6:14

Deorrine ia Zozossede nauatonizapa ia naqui narrarissa inanitoui. Deo pocca dacorehema ia tonauatonibaqquiuitoui.

2 Corintodeniza 4:14

Ibodiza nauatoto inarraro: Deo ia Zozossede Zeso inauatonirraripa ia Zesoza rrehe inarrarodeni ia tonauatonibaqquiuitoui. Zotode naco tiadeni, ia, bazima Poua madiuiuarri ia touaccamacossani-baqquiuitoui.

Carasiadeniza 1:1

Nirra ouimecotedeni? Occa uima tiadeniza dozo onarraro. Ouape Paoro, Zeso Cristocca zozosse orrani. Madirra atti touaccade orrarrerani. Madirrapa oua zosse narizade noueraui. Oua zossedepa Zeso Cristo, poua nauatonide Abi Deo tezerre.

Epesodeniza 1:20

Deopa pocca dacoreheza Zeso Cristo zoqqueraha inauatonirrari. Memeuarri iaccamacossaniza deni inanazapa Poua uinori nauatoniuarri inauittarirrari.

Corosadeniza 2:12

Nazama passo dopaniza niniqui ticarrimanarrarope pina Cristo tezerre ppa tizemanarrarossa narraro. Deo pocca dacoreheza Cristo inauatonirrariza parrissa tiquenezape Cristo poua tezerre tinauatonimanarrarossa tiquenarraro.

1 Tesaronicadeniza 1:10

Deo Bedi memeuarri ccaronapomauitoui tinarroremanarraro naqui iaza uati toquenaza imittade. Narraripa Zeso zoqqueraha Imehi Deorrine nauatonirrari. Niza Deocca narrizoue oppina tanicca bacco tezape Zeso pouarrinena zori icanireza icassiuaueranitoui, inarraro.

Ebreodenidsa 13:20

Rronehe rrinede Deopa Poua Bedi ia Zozossede Zeso zoqqueraha Pouarrine nauatonirrari. Zesopa eueue cacauade bicaui. Iape pocca eueue iquerrenarraro ia touacaua-baqquirrari. Poua emene toccarrarorrine Deo pocca rrehe canirenirri zati rriquerreranicca iaza inauatorraro.

Ebreodenidsa 2:14

Nazama Deocca erredeni iape essire icarri, itone icarri, emene icarri narraro. Zeso naco pina madirra iassa naha tossonazapa assire carri, tone carri, emene carri narrari. Nama nazapa zoqqueuiuarrine parrirerrari. Zoqquezapa Deoza uauadideza deni torrarrari. Arra Deoza uauadide Tocorime-Taminepa taide madirra parra inarricariuiuarrine parrireraha Zesorrine pocca dacorehe tossamorraro.

1 Pedoro 1:21

Pouapa tibodideni acco canaza Deoza rrehe tiquenarraro. Deorrine Zeso Cristo nauatonizapa Deo pocca deni torrehe, pocca dacorehe pouaza inanarraro. —Ia naqui ia tonauatonibaqquiuitoui −tiquenezape Deo Pouaza parrissa tiquenanissa tarraro.

Apocalipsis 1:18

—Ouape camitta onani. Ozoqqueporaha onauatonizape omadi-zanaponitoui. Ouape chave ocarrini. Narrarope zoqquehecca, bobottacca narraro −nade Zeso Cristo ouaza.