Tahimarideni 2:20 - Kulina New Testament Brazil

²⁰ Marri ouiuitoui, abazico naco tocamaccoua pina touemenessa canauitoui. Ouape tiadeni Zozossede, occa uada deni torranicca, denima bica tanicca bacco terreraccazape narraro oppinehe bazima onanarizaponitoui. Nazana ouaza iboqquiri narrarideni onarrizobaqquiuitoui. Ouaza iboraqquiri narraridenina onassiuauabaqquiuitoui.

Culina Mádija

²⁰ Maji ohuihitohui, abadsico naco tocamaccohua pina tohuemenessa canahitohui. Ohuapi tiadeni Medsede, occa huada deni tojanicca, denima bica tanicca bacco tejeraccadsapi najaro oppinehe huapima onanaridsaponitohui. Nadsana ohuadsa iboqquiri najarideni onajidsobaqquihitohui. Ohuadsa iboraqquiri najaridenina onassiajabaqquihitohui.

Tahimarideni 2:20 Iomraidhean Croise

Mateo 24:29

Zesopa uima denima uati uati tarrari: —Neraha ocasserehe inauanemanani nattinipe marri ouiuitoui. Abazico naco ouiuitoui. Memecca amouadeni naco catorrauitoui. Rridapanapa memecca bazima dacoraqquiri naccaui. Naraha zotodepa meme zaroro nezape rrenene rrenene canauitoui.

Mateo 27:45

Marri orrari uaririnaza zama nemanehe tozizini narraro. Zizi zanaporrarope marri 3 bacco tarraro.

Maraco 13:24

Zesopa uima denima uati uati tarrari: —Naraha ocasserehe inauanemanani nattinipe marri ouiuitoui. Abazico naco ouiui toui.

Roca 21:25

Zesopa uima denima uati uati tarrari: —Uima nauatoqquiri tiquenaponiuarrinepe marri, abazico, amouadeni narraridenipa torrizarizauitoui. Arra memeuarricca torrizarizazapa namiuarri madimanarrarideni uarro tocanireuitoui. Coriza imenicca passo poni rribabani torrizezape mouini oppina tarrarorrine madirra bazima uarro quenauitoui.

Tahimarideni 2:19

Niza memeuarri ocanauatori canani qqui tiqueneza naqui. Namiuarri occa dacorehe onaneza naqui touemenedeni toccarizanitoui. Dirri tani rrororoni naqui rrororo canarizezape esseni dacorehema toccamacossanitoui.

Tahimarideni 2:21

Naraha arra madirrapa: ‘Oua Zozossede, oua naqui tiaza orraniuarrine oua tidinirri’ quenarraridenina tocassiuauerauitoui” naui nade Deo Atti Zoueo dozo inapoza −narrari Pedoro.

1 Corintodeniza 5:5

Narrari maqquiderre uimasiri tonanarraripa Tocorime-Tamineza tinanemanarro. Naui poua assirepe amossi naraha niza ia Zozossede Zeso ccanipomaza poua corimena tossiuauauitoui.

1 Tesaronicadeniza 5:2

Arra ia Zozossede Zeso ccaniuicca uada bacco tanicca uimape nauatoqquiri tiquenani. Narrarope arrima napode: Eti rrimama caneraha ccaniuitoui. Pina zome bobotide icca ozaza botide qquezimauicca uima ssamo inarrarossa nauitoui.

2 Pedoro 3:10

Naraha ia Zozossede Zeso ccanipomauicca uada parrissa bacco tezape pina bobotide icca ozaza amazati bacco naza uarro inarrarossa nanitoui. Mouini oppinabote dacorehema tomouizape meme amossi nanitoui. Memeuarricca marri, abazico, amouadeni naco dirri tarizaha rricauitoui. Zama nemanehe narrizoue torrezape poniza anirizarrari bazima dirri tarizaha rricazapa amossiuarrauissa tauitoui.

2 Pedoro 3:7

Naraha rridapana arri qqui inarraro meme, namipe Deocca zossenirriza rrororonirrine dirri tehe rricanitoui. Narraro narrizouepe Deo Poua ecauaccani. Niza madirra bazimacca uima cattemaniuarrinecca uada bacco tezana Deo Pouaza iboqquiri narrarideni inarrizobaqquizapa meme, nami naqui dirri tehe rricanitoui.

Apocalipsis 16:8

Deocca zozosse 4 nauicca naco pocca tasacca marriza sso inarirraro. Nazapa marri icazosserrari, poua ppocone dacoraza madirra quemanauiuarrine.

Apocalipsis 6:12

Nazapa papeo nepi tamaroni onihi 6 nanicca Eueue Bedi itaborraro. Ocattoma cananerre zama nemanehe zaroro narraro. Marripa tozizirrari. Pina etero soueni madirra zoqqueuitoui orri quenaza uezemanarrarissa narraro. Abazico naco tomaccorrari, pina touemenessa nade.