Tahimarideni 2:2 - Kulina New Testament Brazil

² Naraha amazati memeuarri mouini pina rrorrode dacorarrarossa nehe mittaronezape nani oza bodiuarri queriqquiuiza naqui rrazirema moui tarraro.

Culina Mádija

² Naraha amadsati memehuaji mohuini pina jojode dacorajarossa nehe mittaronadsapi nani odsa bodihuaji queriqquihidsa naqui jadsirema mohui tajaro.

Tahimarideni 2:2 Iomraidhean Croise

Roca 2:13

Nazapa uima uati taha rricazapa Deocca zozosse tabaqqui memeuarricca uapi taha amazati auatome-manaza Deoza uatizemanaza rriri rriri quenarrari:

Huano 3:8

Deo Corimerrine madirra bodi zati torrezape pina rrorrodecca uimassa narraro. Rrorrodepe qqui inerrereraha rrorrode ponirrinina ahauato narraro. Rrorrodepe poni touini naniuarri tocca tani. Poni mouini naqui imitta tani. “Nerrecoma nanicca ccarronarraro?” teraha ssamo tinani. “Nerrecoma nani toccarraro?” ina tani. Deo Corimerrine madirra bodi nauatozati torraza naco qqui inarrararaha pocca madie zati torrani nauato inarraro −nade Zeso Nicodemoza.

Tahimarideni 2:3

Nezape pouadeniza pina rrororonissa nehe auatomarizarraro. Torraribaqquizape pouadeniza carrororori narizarraro.

Tahimarideni 2:6

Narrarideni bazima mouini oppina tani mittemanazapa domo ccarronarrari. Amossiniuarri queriqquirronemanarrari. Nazapa queriqquimanarrarideni arra oza bodicca uati uati toquenaui attideni mittemanarrari. Touatti onihi, onihi carririzemanaraha poccadeni madirra attideni rrizera nerre canimezape uarro canirerrari.

Tahimarideni 4:31

Deoza uatide rriquezape narraro oza rrene rrene canarraro. Nazapa Deo Corime pouadeniza torrarizauissa tarrarirrine cappinemana-rraraza Deo Atti ecomerarize-manarraro.

1 Pedoro 1:12

Cristo-Mesia tauimari ecomeremana-porrarope pouadeni madimanaza torraniuarrine rrerani, zotodedeniccazana torraniuarrine. Deorrine pouadeniza auato inanaporrarope tiadenizana parrissa torrarraroparri. Arra Deo memeuarri madirrari Poua Corime namiuarri zosse inaronaza Poua Atti maridedeni bodideniza torrarizarrariparrade. Nazapa pocca dacorehema Zeso Cristo tauimari icassiuaueraniuarrinecca tiadeni mari mari totocanabaqquimana narraride. Deocca zozosse tabaqqui memeuarricca naco narraro uima bicani qqui toquenauiuarrine touini narronemanarrari.