Tahimarideni 19:9 - Kulina New Testament Brazil

⁹ Naraha madirra motapa Zeso tauimariza uaribodeni didiqquiri nazapa madirra bazima mittemanauiuarrine rrazirema Zeso tauimariza tatamasso quenarrari. Nazapa Paoro, Zesoza rrehe quenarrarideni tezerre: —Rrina, oza onihiuarrina iqueriqquina −quenarrari. Nazapa zodeodenicca Deo Atti mamariuarri nebomanaza madirra oni Tiranocca oza uima uauatiuarrina rraui torrarrari. Nauizana uada uarrirriraza Paoro Deo Atti mari mari ihicanabaqqui narrari.

Culina Mádija

⁹ Naraha madija motapa Jeso tahimaridsa huaribodeni sibaqquiri nadsapa madija huapima mittamanahijine jadsirema Jeso tahimaridsa tatamasso quinajari. Nadsapa Pablo, Jesodsa jehe quinajarideni tedseje: —Jina, odsa onihihuajina iqueriqquina −quinajari. Nadsapa jodiodenicca Dio Atti mamarihuaji nebomanadsa madija oni Tiranocca odsa ima huahuatihuajina jai tojajari. Nahidsana huada huajijiradsa Pablo Dio Atti mari mari ihicanabaqqui najari.

Tahimarideni 19:9 Iomraidhean Croise

Mateo 16:4

—Rridapana timadimanarrarodeni uaidiraqquiri tiquenehe timadimanarraro. Taidepe tettideni: “Deocca iquerrenani” tiqueneraha zotodepe Poua Atti tinebomanarraro. Tiadenipe ocanauatoriri cananiuarrine touira uati tiqueneraha occa nauatohe onauatona onerrerani. Neraha ocanauatoriri cananicca uima orrariena qqui tiquenanitoui. Narrarope Zonacca uimassa narraro −nade Zeso. (Arra poua atti nama narraripa Zona pina uatiarrarissa naraha Deorrine tossiuauaza madipomarrari.) Nazapa nauiuarricca madirra inebobaqquiza Zeso toccapomarrari.

Mateo 26:55

Nazapa Zeso pouatoui rrauirronarrarideniza uati tarrari: —Nerrecotoui tiadenipe oua dama tiquenaniuarrine rrazirecca massitoma, uauaccama rraui tirrarronarraro? Nema tiquenezape pina bobotidetoui rraui tirrarronarrarossa narraro. Neza tiadenizama uarrirriraza Deoza dada toqquimauarri mari mari ohonaneraha oua dama tiquenehe nerrerade.

Huano 12:40

—Deopa noccodeni ecossabaqquirrari, qqui toquena-rrarauiuarrine. Deopa bodideni inassamobaqquirrari, touattemana-rrarauiuarrine. Deo Attipa: “Bodideni cacarriqquimerazapa onabicabaqquiuitouiraha bodideni cacarriqquimere-manaha narraraui” −napoui nade Izaia dozo inaporraro.

Tahimarideni 11:26

Pouaza bacco tazapa Atioquiauarri rrina inanirrari. Bacco nanimanazapa nauicca Zesoza rrehe quenarrarideniza uarrano orraria madimanaza madirra bazima mari icanabaqquimanarrari. Nazapa naui Atioquiazana Zesoza rrehe quenarrarideniza: Cristocca madirra, icanacanibaqqui-manaporrari.

Tahimarideni 14:4

Naraha naui oza pananicca madirra uima inapamemanezape motapa: —Zodeodeni Zesoza rrehe quena-rrararraridenicca uimana bica tani −quenarrari. Naraha motadeni naco: —Zeso tauimari maridedenicca uimana bica tani −quenarrari.

Tahimarideni 17:4

Nazapa zodeodeni mota Zesoza rrehe quenazapa Paoro, Siradeniza toquerrenarrari. Zama Cresiacca madirra Deotoui quenarrarideni uapi taha Zesoza rrehe quenarrari. Nani Cresiauarricca amonerredeni zapanideni sseqquiri narraro mota uapi tehe naqui Zesoza rrehe quenarraro.

Tahimarideni 19:23

Arra oza panani Epesocca madirrapa Zeso tauimari mittemana-zanaporaha motapa nacasseraqquiri naza moua moua quenazapa pouadenirrine uima toppinarraro.

Tahimarideni 19:30

Nazapa Paoro madirra moua moua canauiuarri uatide toccauiuarrineraha Zesoza rrehe quenarraridenia: —Poni, ticca terrerarri! −quenarrari.

Tahimarideni 20:31

—Nema nezape tiadeni bazimaza ouattipe: Parri! Poccadeni maizeheza parrissa tiquena terrerarri. Tibodideni uatome-manarri. Ouape tiadeniza omadizape tiadeni ouacauabaqquinissa tade. Uarrano 3 naha tiadeni maride orrezape zomema mamari, ssiuarrama mamari onade. Timadimananissa taniuarrine oneza occa orriema tiadeniza uati uati onarrarode.

Tahimarideni 22:4

Nazama ouape arra Zesoza rrehe quenarrarideni onarrizobaqquiuiuarrine touideni occarizeza otadamazapa ouattiza toponi cocorouarri coro coro ihizimabaqquimana nade. Maqquiderre, amonerredenima rricauiuarrine ohonanaccade.

Tahimarideni 24:21

Arri uima orrarie uati onarrarora uati toquenauitide. Arra pouadeni baccouarri ouaza rrazirema ouatti arrima onarrarode: “Rricarraridenipa nauatonimanauitoui ohonanarrarorrinea oua inarrizomananiuarrine touini quenarrari” onarrarode. Narraro tiaza uati toquenauiuarrine uitide −narrari Paoro.

Tahimarideni 28:22

Naraha arri uima zati mari mari tarrarope zama bazimaza: “Bica terrerani” nanarizemana naui ihimitta narraro. Nama quenazapa: Ticca uima imittaccaraho, ihinanarrarode –quenarrari zodeodenicca taminedeni.

Tahimarideni 7:51

Nazapa Estevao nauiza queriqquimanarrarideniza denima uati tarrari: —Naraha tiadenipe tibodideni iboqquiri, teribodeni didiqquiri nani! Deo Corimeza naqui uattarrorro tinani, pina ticcadeni ididenissa tiquenani!

Tahimarideni 9:2

Nazapa narrari tamineza Saoro uati tarrari: Arra Zesoza rrehe quenarrarideni otadamauiuarrine oza panani Damascouarri oua zosse tinarri. Oua zosse tinaniuarrine touini tezape ticca uima teppe dozo teza Damascouarri zorro onaniuarrine. Naui Damascouarri zodeodenicca Deo Atti mamari onihi onihicca taminedeniza noue onarizaniuarrine. Nezape Zesoza rrehe quenarrari maqquiderre, amonerredenima otadamaza birrideni rrore onabaqquiza arri Zerozareuarri ouaccani-baqquiuitoui −narrari Saoro.

Romanodenidsa 11:7

Nazama Izarraeodenicca uimape nerrecoma narrarona parri? Pouadenipa Deoza bicaqquiri nauiuarrine touini quenaraha narraro uima bacco toquena-rraraui. Mota sibera taha Deo icatterriza-baqquirraridenina Pouaza bicaqquiri narrari. Motapa parra uaribodeni todidimanariui narrari.

Romanodenidsa 9:18

Narraro uimazape iaza auato tani: Deo Poua nacassa taza madirraza: —Occa −nazapa narrarizana uati uana tarrari. Naraha Deo nacassera taza madirraza: —Occa −narrarazapa Pouarrine madirra parra touiboriui zanapo taui.

1 Corintodeniza 16:9

Arriza ia Zozossede Deo pocca zossenirri ozepe irriniuarrine touabanissa tarraro. Uima bicani torraniuarrine nauato onani: Madirra Deoza toquerrenana canauitoui. Arrauarricca madirra mota uapi taha ouaza nacasseraqquiri naraha motana nacassaqquiri narrari.

1 Timoti 6:5

Pouadenipa cauadirere cacana narrari. Uadierrine bodideni tossamomanarrari. Deocca parrissehe pouadeniza touatorarrarossa narraro. Pouadeni bodi naco: —Deoza iquerrenezape izepe sseqquiri nanitoui −quenaraha narrarope parrissa rrerani.

2 Timoti 1:15

Rrehe Timoti, arrirraro uima timittaporrarope nauato tinani. Narrarope arri zama Asiauarri madimanarrari Zesoza rrehe quenarraridenipa onoppine tocomehimanaza oua inebomanarrarode. Nama quenarraridenipa uapi taraha pamahana onideni dozo onarrari: Pirrero, Eremorrene quenarrari.

2 Timoti 3:5

Inoccoza qqui inabaqquizapa pina Deoza dameraqquiri narrarissa quenaraha Deocca dacorehe ettarromanani poccadeni madieza auato tanitoui. Nezape narrarideniza tiarrini narri, onarraro.

2 Timoti 4:2

Deo Atti mari mari tarizarri. Uarrirriraza maride tirrarizaniuarrine tibodi titinarrorapo narri. Madirra Deo Atti mittade nacassaqquiri nazapa mari ticanabaqquina. Nacasseraqquiri naza naco nama naha mari ticanabaqquina. Madirra uima tonanaza naco mouaraza uati ticanauissa tarro: —Uima tinanarraroza peperri tarri −tana. Madirra poua bodi cacarriqquimerauiuarrine naco mari ticanarro, uima bicani touira poua bodi uatouiuarrine. Touattauiuarrine narro taza naco nama naha mouaraza mari ticanarro.

Ebreodenidsa 3:13

Arrima tiquenanina bica tani: Uarrirriraza tiadenira ticatizerara canarri. Arri rridapana Deo tiadeniza uaua naui parra naccaza: —Deo Atti imittana −titiquena naza acco acco ticanarizerara canarri. Nema tinanemanezape uimasiri tiadeni tocamaizabaqqui-rreranitoui. Deoza naqui tibodideni touibo-rreranitoui.

2 Pedoro 2:12

Maizehe mamaridedenipa bodideni uatouiuarrine ssamoqquiri narrari. Pina banidenissa quenarrari. Pouadeni touini quenauicca touira dameraqquiri nazapa pouama madimanarrari. Uima parrissehecca mittemanauissa tarrarazapa narraro uimaza attideni uaidira taza atti atti quenarrari. Narraridenipa rricauitoui. Pina bani tocatorraza madimanaraha madirrarrine zozoqquemana narrarissa quenauitoui.

2 Pedoro 2:2

Maizehe mamaridedenicca madiepe uaidira tarraro. Pouadeni touini quenauiccazara dameraqquiri narrari. Madirra mota uapi taha poccadeni maizeheza toquerrenazapa pina poccadeni madiessa quenauitoui. Narraridenirrinepa madirra ouahadeni naco Zeso Cristo tauimari parrisseheccaza attideni uaidira taza atti atti quenauitoui.

Jodacca 1:10

Naraha mamaizadedenipa uima mittemanauissa tarrarazapa narraro uimaza attideni uaidira taza atti atti quenarrari. Pina banidenissa quenarrari. Bodideni uatouiuarrine ssamoqquiri naza pouadeni touini quenauicca touira dameraqquiri narrari. Narrarorrinena poua pouadeni tonauaidire-manarrari.