Tahimarideni 19:8 - Kulina New Testament Brazil

⁸ Nazapa Paoro abazico 3 canaha zodeodenicca Deo Atti mamariuarri maride toqquezima toqquezima zanaporrari. Paoropa cappinera taza Deocca cacauehecca uima mari mari ihicanabaqqui narrari. Madirra parrissa quenauiuarrine pocca marinarra bica teza mari mari narrari.

Culina Mádija

⁸ Nadsapa Pablo abadsico 3 canaha jodiodenicca Dio Atti mamarihuaji maride toqquedsima toqquedsima dsanapojari. Pablopa cappinera tadsa Diocca cacahuehecca ima mari mari ihicanabaqqui najari. Madija pajissa quinahijine pocca marinaja bica tadsa mari mari najari.

Tahimarideni 19:8 Iomraidhean Croise

Tahimarideni 13:14

Naraha Paorodenipa Peziza rroppememanazapa pouadeni amoriza zama arobeni onini Pisidiauarri touedarrari. Nani Pisidiacca oza panani onini Atioquia bacco toquenarrari. Nazapa rrassinarracca uada bacco tezape zodeodenicca Deo Atti mamariuarri touedezimaza zitocanarirrari.

Tahimarideni 13:46

Naraha Paoro Banabe tezerrepa cappinenera taza pouadeniza uati toquenarrari: —Taidepe arri icca madirra zodeodeni tiadenizana Deo Atti icassiuaueraniuarrinecca uima eccoraponiuarrine Deo ia tocazossebaqquizapa nema inanarraro. Naraha tiadenipe timittemananiuarrine nacasseraqquiri tiquenezape parrissa tiquenerrerarraro. Nema tiquenerrerezape tettideni pina: “Iape Deocca camittehe rriquerreraniccaza imadi-zanaponiuarrine iparrire-rrerani” tiquenarrarossa narraro. Rridapanapa arra zodeo querrena-rrararraridenira mari icanabaqquina, inarraro.

Tahimarideni 14:1

Nazama Paoro Banabe tezerre oza panani Iconioza bacco toquenazapa zodeodenicca Deo Atti mamariuarri totouedezima naza mari mari ihicanabaqqui narrari. Attideni bica taza Zeso tauimari mari icanabaqquizapa zodeodeni mota uapi taha, zodeo querrena-rrararrarideni naco mota uapi taha parrissa quenarrari.

Tahimarideni 18:19

Nazapa rraui torranirrari, oza panani Epeso bacco toquenarrari. Nauiza Aquira bedimeni tazarrani madimanauiuarrine inebobaqquizapa Deo Atti mamariuarri toqquezimarrari, zodeodeniza Deo Atti maride.

Tahimarideni 18:26

Nazapa Aporo cappina-rraraza zodeodenicca Deo Atti mamariuarri Zeso tauimari maride torrarrari. Naraha Aquira bedimeni Prisira tazarrani Aporocca marinarra zori tani mittemanazapa poccadeni ozauarri rrina inanimanaza Zeso tauimari denima mari icanemanarrari.

Tahimarideni 18:4

Nazapa Paoro rrassinarracca uadaza zodeodenicca Deo Atti mamariuarri zodeodeni, zodeo querrena-rrararrarideni tezerre quequeriqquimana naza Zeso tauimariza rrehe quenauiuarrine mari mari ihicanabaqqui narrari.

Tahimarideni 19:10

Nazapa maride nama zanaporrari uarrano pama narrari. Narraria arra zama Asiacca madirra bazima ia Zozossede tauimari mittarizemanarrari. Zodeodeni, zodeo querrena-rrararrarideni naco.

Tahimarideni 19:7

Nazapa pouadeniza Deo Corime torrarizarraridenipa 12 quenarrari.

Tahimarideni 19:9

Naraha madirra motapa Zeso tauimariza uaribodeni didiqquiri nazapa madirra bazima mittemanauiuarrine rrazirema Zeso tauimariza tatamasso quenarrari. Nazapa Paoro, Zesoza rrehe quenarrarideni tezerre: —Rrina, oza onihiuarrina iqueriqquina −quenarrari. Nazapa zodeodenicca Deo Atti mamariuarri nebomanaza madirra oni Tiranocca oza uima uauatiuarrina rraui torrarrari. Nauizana uada uarrirriraza Paoro Deo Atti mari mari ihicanabaqqui narrari.

Tahimarideni 20:31

—Nema nezape tiadeni bazimaza ouattipe: Parri! Poccadeni maizeheza parrissa tiquena terrerarri. Tibodideni uatome-manarri. Ouape tiadeniza omadizape tiadeni ouacauabaqquinissa tade. Uarrano 3 naha tiadeni maride orrezape zomema mamari, ssiuarrama mamari onade. Timadimananissa taniuarrine oneza occa orriema tiadeniza uati uati onarrarode.

Tahimarideni 28:23

Nazapa pocca marinarra mittemanauiuarrine uada orrarie icatterrizemanade. Narraro uada bacco taza izamassa Paorocca ozauarri bazima queriqquimanade. Nazapa Paoro Deocca cacauehe tauimarini, Zeso tauimari naco mari icanabaqquirrari. Zeso tauimariza parrissa quenauiuarrine damera tarrari. Moizecca marinarraza, Deo Atti cacomeraqquiri narraridenicca dozonirriza naqui mari icanabaqquirrari. Narraro maridepe marri touaqquemanaraha zomezana paparra quenade.

Jodacca 1:3

Ouimecotedeni, titouideni ouati uana tani. Zeso Cristocca tossiuauehe ia bazimaza da inarizarraro tauimarini tiadeniza dozode touini oneraha uima onihi anizape narraro uimara tiadeniza dozo onarraro. Deo pocca marinarra parrissehecca iaza da inarrarope nema zanaponitoui. Narraroza icassiuaueraniuarrine. Arri Zeso Cristoza iquerrenarrarope narraro marinarraza parrissa inarraro. Narraro marinarra tecauemananissa tarri. Narraroza uima onihi inauariniuarrine bica terrerani. Madirrarrine cacarriqquimera-rreraniuarrine dacoraqquiri tiquenaza poni tiquenarri, onarraro.